ANTIKOR • 19 قىركۇيەك، 2021

سىبايلاس جەمقورلىققا قاتىستى 5 مەملەكەتتىك قىزمەتشى وتستاۆكاعا كەتتى

44 رەت كورسەتىلدى

بيىلعى جىلدىڭ 8 ايىندا قاراماعىنداعى قىزمەتكەرلەردىڭ سىبايلاس جەمقورلىعى ءۇشىن باسشىلاردىڭ جاۋاپكەرشىلىگى تۋرالى زاڭنامالىق تالاپتارعا سايكەس 5 ساياسي مەملەكەتتىك قىزمەتشى وتستاۆكاعا كەتتى، دەپ جازادى Egemen.kz.

پرەۆەنتسيا قىزمەتى باسشىسىنىڭ ورىنباسارى ع.اسان ۇلى پرەۆەنتسيا باعىتى بويىنشا 2021 جىلعى 8 ايدىڭ قورىتىندىسى تۋرالى بريفينگتە سىبايلاس جەمقورلىققا قاتىستى دەرەكتەرمەن ءبولىستى.

«اعىمداعى جىلدىڭ 8 ايىندا قاراماعىنداعى قىزمەتكەرلەردىڭ سىبايلاس جەمقورلىعى ءۇشىن باسشىلاردىڭ جاۋاپكەرشىلىگى تۋرالى زاڭنامالىق تالاپتارعا سايكەس 5 ساياسي مەملەكەتتىك قىزمەتشى وتستاۆكاعا كەتتى، مەملەكەتتىك ورگاندار مەن كۆازيمەملەكەتتىك سەكتور سۋبەكتىلەرى ۇيىمدارىنىڭ 48 ءبىرىنشى باسشىسى تارتىپتىك جاۋاپكەرشىلىككە تارتىلدى»، دەدى سپيكەر.

اسان ۇلىنىڭ ايتۋىنشا، نقا جوبالارىنا سىبايلاس جەمقورلىققا قارسى ساراپتاما اياسىندا زاڭ شىعارۋ پروتسەسىندە الدىن الۋ جۇمىسى كۇشەيتىلگەن.

ساراپشىلار 4 500-گە جۋىق نقا جوباسىن زەرتتەپ، وندا سىبايلاس جەمقورلىق تاۋەكەلدەرىنىڭ 16 000-نان استام فاكتورىن انىقتاعان.

بايانداماشى جەمقورلىق تاۋەكەلدەرىنىڭ نەعۇرلىم كەڭ تارالعان فاكتورلارى رەتىندە قۇقىقتىق ولقىلىق (18%)، ديسكرەتسيالىق وكىلەتتىكتەردىڭ كەڭدىگى (11%)، ەكى جاقتى تۇجىرىمداۋ (10%)، اكىمشىلىك راسىمدەردىڭ بولماۋى نەمەسە تيىسىنشە رەتتەلمەۋىن (8%) اتاپ ءوتتى.

«ولاردىڭ مەملەكەتتىك ورگاندارمەن جويۋ ۇلەسى 59%-دى قۇرايدى»، دەدى اسان ۇلى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار