«الەمدىك ەكونوميكانىڭ جاسىل رەلسكە كوشۋى جۇيە قۇراۋشى فاكتورعا اينالىپ كەلەدى. تۇراقتى دامۋ جانە قورشاعان ورتانى قورعاۋ ماسەلەلەرى ۇيىمىزدىڭ بارلىق مۇشە مەملەكەتتەرىنىڭ باستى نازارىندا تۇر. سوندىقتان ءبىز شۇعىل ۇجىمدىق شەشىمدى تالاپ ەتەتىن شىۇ-نىڭ ەكولوگيالىق پروبلەمالار ءتىزىلىمىن تەزىرەك بەكىتۋدى تاعى دا قولدايمىز», دەدى قازاقستان پرەزيدەنتى.
قاسىم-جومارت توقاەۆ قازاقستان رەسۋرس ۇنەمدەۋشى جانە ەكولوگيالىق تازا تەحنولوگيالاردى كەڭىنەن ەنگىزۋ ماقساتىندا شىۇ-نىڭ جاسىل بەلدەۋ باعدارلاماسىنا قول قويۋدى جاقتايتىندىعىن باسا ايتتى.
«تۇراقتى دامۋ كۇنتارتىبىن مۇنان ارى ىلگەرىلەتۋ ءۇشىن سىزدەردى قازاقستان ەلورداسىندا جۇمىس ىستەيتىن جاسىل تەحنولوگيالار جانە ينۆەستيتسيالىق جوبالار حالىقارالىق ورتالىعىمەن ىنتىماقتاستىققا شاقىرامىز. بىزگە ەۋرازياداعى ۇلكەن ويىندار قاجەت ەمەس. بىزگە بارلىعىمىز ءۇشىن بەيبىت, قاۋىپسىز, تۇراقتى بولاشاق قۇرۋ ماقساتىندا ۇلكەن سەرپىلىس قاجەت. ول ءۇشىن مەملەكەتتەرىمىزدە بارلىق جاعداي, تاجىريبە, قۇرالدار, ينفراقۇرىلىم جانە ەڭ باستىسى ارىپتەستىكتى كەڭەيتۋگە ءارى ءبىر-بىرىمەن كەزدەسۋگە بارۋعا دەگەن ورتاق نيەت بار. ءبىزدىڭ ورتاق ماقساتىمىز – شىۇ كەڭىستىگىن تۇراقتى ەكونوميكالىق دامىعان ءارى گۇلدەنگەن شاعىن وڭىرگە اينالدىرۋ. وسىناۋ يزگى مىندەتتى بىرلەسە وتىرىپ ورىندايمىز دەپ ۇمىتتەنەمىن», دەدى مەملەكەت باسشىسى.
