قازاقستان • 18 قىركۇيەك، 2021

اسكەري قىزمەتشىلەردىڭ دەكلاراتسيا تاپسىرۋ مەرزىمى ۇزارتىلادى

71 رەت كورسەتىلدى

جالپىعا بىردەي دەكلاراتسيالاۋ جۇيەسىنە كىرۋ كەزىندە اكتيۆتەر مەن مىندەتتەمەلەر تۋرالى دەكلاراتسيا ءبىر رەت ۇسىنىلادى. بۇل تۋرالى مەملەكەتتىك كىرىستەر كوميتەتى حابارلادى، دەپ جازادى Egemen.kz.

اكتيۆتەر مەن مىندەتتەمەلەر تۋرالى دەكلاراتسيانى جەكە تۇلعا مىنانداي ەرەكشە جاعدايلاردى قايتا ۇسىنادى:

- سايلانبالى نەمەسە مەملەكەتتىك لاۋازىمعا نە مەملەكەتتىك نەمەسە ولارعا تەڭەستىرىلگەن فۋنكتسيالاردى ورىنداۋعا بايلانىستى لاۋازىمعا كانديدات;

- بانكتىڭ، ساقتاندىرۋ (قايتا ساقتاندىرۋ) ۇيىمىنىڭ، ينۆەستيتسيالىق پورتفەلدى باسقارۋشىنىڭ ءىرى قاتىسۋشىسى بولعاسى كەلەتىن تۇلعالار;

- جوعارىدا اتالعان ادامداردىڭ جۇبايلارى.

«سونداي-اق، سالىق زاڭناماسىنا سايكەس جەكە تۇلعا بۇرىن ۇسىنعان اكتيۆتەر مەن مىندەتتەمەلەر تۋرالى دەكلاراتسياسىنا وزگەرىستەر جانە (نەمەسە) تولىقتىرۋلار ەنگىزىلۋى قاجەت بولسا، قوسىمشا دەكلاراتسيانى تاپسىرۋىنا بولادى»، دەپ تولىقتىردى مكك-دە.

2021 جىلعى 15 قىركۇيەكتە جالپىعا بىردەي دەكلاراتسيالاۋدىڭ ءبىرىنشى كەزەڭىنىڭ اكتيۆتەر مەن مىندەتتەمەلەر تۋرالى دەكلاراتسياسىن تاپسىرۋ مەرزىمى اياقتالعان بولاتىن.

جەكە تۇلعالاردىڭ دەكلاراتسيالارى بويىنشا مەرزىمدى ۇزارتۋ قۇقىعى سالىق ورگانىنا مەرزىمدى ۇزارتۋ تۋرالى حابارلاما جىبەرىلمەستەن، مەرزىمدى قىزمەتتەگى اسكەري قىزمەتشىلەرگە بەرىلەدى.

جەكە تۇلعالاردىڭ دەكلاراتسيالارىن اسكەري قىزمەتشىلەردىڭ ۇسىنۋ مەرزىمى جەرگىلىكتى اسكەري باسقارۋ ورگانىنان اسكەري قىزمەتتى وتكەرۋ ورنىنا كەتۋى تۋرالى بۇيرىق شىعارىلعان كۇننەن باستاپ مەرزىمدى قىزمەتتى وتكەرۋ ۋاقىتى كەزەڭىنە ۇزارتىلادى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار