اتالمىش ورتالىق ماماندارى باق وكىلدەرىنە «قازاقستاننىڭ ەڭبەك نارىعى: جاڭا جاعدايداعى دامۋ» اتتى تۇڭعىش ۇلتتىق بايانداماسىن دايىنداعان بولاتىن. قر ەڭبەك جانە حالىقتى الەۋمەتتىك قورعاۋ مينيسترلىگىنىڭ قولداۋىمەن دايىندالعان باياندامادا الەمنىڭ سونىڭ ىشىندە قازاقستاننىڭ ەڭبەك نارىعىندا بولىپ جاتقان ترەندتەر مەن تاۋەكەلدەرگە تالداۋ جاسالعان.
«جاساندى ينتەللەكت ەنگىزۋدىڭ ارقاسىندا دامىعان ەلدەردە الداعى 15 جىلدا جۇمىس كۇشى ونىمدىلىگى 40%-عا دەيىنگى ءوسۋى مۇمكىن. ال قازاقستاندا جۇمىس ورىندارىنىڭ 52%-ى, ەكونوميكالىق ىنتاماقتاستىق جانە دامۋ ۇيىمىنىڭ ەلدەرىندە ورتاشا ەسەپپەن 47%-ى اۆتوماتتاندىرۋدىڭ جوعارى نەمەسە ەلەۋلى تəۋەكەلىنە ۇشىرايدى», دەدى داۋلەت ارعىندىقوۆ.
ول بۇل قۇبىلىستى حح عاسىردىڭ باسىندا ونەركاسىپ رەۆوليۋتسياسىمەن سالىستىرىپ, مۇنداي تاۋەكەلدەردىڭ ارتىندا جاڭا مۇمكىندىكتەر تۇراتىنىن ەسكە سالدى.
«ياعني, تەحنولوگيالار ەسكىرىپ, ءبىر ماماندىقتاردى جويعانىمەن, ورنىنا جاڭا ماماندىقتار پايدا بولادى. بىراق ول جۇمىس ورىندارىندا الدەقايدا قابىلەتى جوعارى ادامدار قاجەت بولادى. بۇل كوپ ادامعا قازىرگى بىلىكتىلىكتەرىن قايتا قاراپ, سۇرانىسقا يە جاڭا كاسىپتەردى يگەرۋ كەرەك دەگەن ءسوز. اسىرەسە كوگنيتيۆتىك, əلەۋمەتتىك-مىنەز-ق ۇلىق جəنە ساندىق داعدىلار ءبىرىنشى ورىنعا شىعادى», دەگەن ورتالىق باسشىسى «ادامدار ءومىر بويى وقىپ وتەتىن زامان كەلە جاتىر» دەگەن اڭىزدىڭ بۇگىنە شىندىققا اينالعانىن اتاپ ءوتتى.
«ەڭبەكتەگەن بالا كەزىنەن ەڭكەيگەن قارتقا اينالعانشا قابىلەتىن جاڭارتىپ, وقىپ وتىرماسا, ادامدار ەڭبەك جولىندا دامي المايتىن كەزەڭ تۋىپ كەلەدى. بۇل ىستە ونلاين وقىتۋدىڭ ماڭىزى ارتادى.
ەڭبەك رەسۋرستارىن دامىتۋ ورتالىعى شىلدە ايىندا «ەلەكتروندى ەڭبەك بيرجاسىنىڭ» بازاسىندا قاشىقتان وقىتۋ پلاتفورماسىن ىسكە قوسقان. بۇگىندە ول پلاتفورمادا 70 كۋرس بار. ونىڭ 42-ءسى اقىسىز, 28-ءى اقىلى», دەدى ول.
داۋلەت ارعىندىقوۆ جۇمىسشىلارىنا ەڭ تومەن ايلىق بەرىپ وتىرعان سالالاردى دا اتادى.
«ەڭ تومەن ايلىق ەڭبەك ونىمدىلىگى تومەن سالالاردا تىركەلىپ وتىر. بۇل: اۋىل شارۋاشىلىعى, ساۋدا, تاماقتاندىرۋ جانە قوناقۇي قىزمەتى. بۇل سالالار تارتىلعان ينۆەستيتسيا كولەمى بويىنشا دا ارتتا. سونىڭ سالدارىنان تەحنولوگيا مەن ادام كاپيتالىنىڭ دامۋى باياۋ», دەدى «ەڭبەك رەسۋرستارىن دامىتۋ ورتالىعى» اق پرەزيدەنتى.
