«2020 جىلى قازاقستان 2021 جىلعا ارنالعان WORLDCOB «Bizz Awards» ءىس-شاراسىن وتكىزۋ قۇقىعىن جەڭىپ الدى, ول بەلگىلى سەبەپتەرمەن كەلەسى جىلعا اۋىستىرىلعان ەدى. ءىس-شاراعا الەمنىڭ تۇكپىر-تۇكپىرىنەن 250-گە جۋىق كاسىپكەر قاتىسادى. ونىڭ ىشىندە بيزنەس يەلەرى, ءبىرىنشى باسشىلار, باسقارۋشى ديرەكتورلار جانە 50-دەن استام ەلدىڭ شاعىن, ورتا جانە ءىرى كومپانيالارىنىڭ سەرىكتەستەرى بار», دەدى امانباەۆ.
ونىڭ ايتۋىنشا, شارانى وتكىزۋ بويىنشا بارلىق شىعىنىن ۇيىمداستىرۋشىلار وتەيدى.
«Bizz Awards» - 2022-2025 جىلدارى قازاقستاندا وتەتىن 6 ءىس-شارانىڭ ءبىرى. بارلىعى 2025 جىلعا دەيىن وتاندىق MICE تۋريزم يندۋسترياسىن كوروناداعدارىس كەزەڭىندە قالپىنا كەلتىرۋگە جاردەمدەسەتىن كەم دەگەندە 20 حالىقارالىق ءىس-شارانى تارتۋ جوسپارلانىپ وتىر», دەدى تالعات امانباەۆ.
ايتا كەتەيىك, قازاقستان تمد ەلدەرى اراسىندا ەكىنشى ورىن الىپ, COVID-19 پاندەمياسىنا دەيىن كونگرەستىك-ىسكەرلىك ءتۋريزمدى (MICE تۋريزم) دامىتۋ بويىنشا ورتالىق ازيا بويىنشا كوشباسشى اتاندى. حالىقارالىق كونگرەستەر مەن كونفەرەنتسيالار قاۋىمداستىعىنىڭ دەرەكتەرى بويىنشا 2019 جىلى قازاقستان حالىقارالىق قاۋىمداستىقتاردىڭ 18 ءىس-شاراسىن وتكىزۋدى ۇتىپ الدى, ولاردى وتكىزۋدەن تۇسكەن تابىس 6 ميلليون دوللاردى قۇرادى.
