ايماقتار • 17 قىركۇيەك، 2021

فرانتسۋز جيھانكەزى الماتىعا ۆەلوسيپەدپەن كەلدى

42 رەت كورسەتىلدى

الماتىلىقتار فرانتسيادان ۆەلوسيپەدپەن كەلگەن قوناقتى قارسى الدى. جيھانكەزدىڭ اتى-ءجونى – لوران ماە. كولدەر مەن شولدەردى باسىپ ءوتىپ الماتىعا امان جەتكەن ول فرانتسيانىڭ رەنن شاھارىنان قوس دوڭگەلەكتى سەرىگىنە ءمىنىپ مامىر ايىندا شىعىپتى.

قۇدايى قوناقتى قالا قاقپاسىنان قارسى العان ەرىكتىلەر قازاقى قالىپقا ساي شاشۋ شاشىپ، شاپان كيگىزدى، الماتىنىڭ ءتاتتى الماسىن ۇسىندى. قازاق ەلىن تاۋەلسىزدىكتىڭ مەرەيلى بەلەسىمەن قۇتتىقتاي كەلدىم دەگەن مەيمان ءوز اسەرىمەن ءبولىسىپ، جولداعى كورگەن-بىلگەنىن ورتاعا سالدى.

ء«تورت اي بويى 15 ەلدى كەسىپ ءوتتىم. كۇندىز تىنىمسىز جول ءجۇرىپ، ءتۇن مەزگىلىندە شاتىر تىگىپ، تابيعات اياسىندا تىنىقتىم. جولدا ءتۇرلى قىزىقتارعا كەز بولاسىڭ. ۇرەيلى ويلار ساناڭدى شارپيدى. ويتكەنى الدىڭنان سان قاتەر شىعادى. دەسە دە الماتىنىڭ اسەم تابيعاتى سونىڭ ءبارىن ۇمىتتىرىپ جىبەردى. شارشاپ-شالدىعىپ كەلگەندە الدىڭنان مىناداي كەرەمەت شىعا كەلسە جول ازابى ءسوز بە؟ مىناداي اسقاق تاۋلاردىڭ باۋرايىنا كەلگەندە، مۇندا ءومىر سۇرەتىن ادامدار شىنىمەن باقىتتى دەگەن ويعا كەلدىم»، دەيدى ساياحاتشى.  

جيھانكەز ەلىمىزدە 10 كۇن ايالدايتىنىن، مەدەۋ مەن شىمبۇلاققا، قايىڭدى كولى مەن كولسايعا، شارىن شاتقالىنا باراتىنىن ايتتى. سونىمەن بىرگە ساپار سوڭىندا ەل استاناسىن كورۋدى دە جوسپارلاپ وتىرعانىن جەتكىزدى.  

«نەگىزگى ماماندىعىم ەكونوميست. ۆەلوسيپەدپەن الەم كەزۋ مەنىڭ بالا كۇنگى ارمانىم.​  ۇلى-جىبەك جولىنىڭ تاريحىن جاستايىمنان وقىپ وسكەندىكتەن دە قازاقستانعا كەلۋدى كوپتەن ماقسات تۇتىپ ءجۇردىم. جانە ءوزىم تاريحىنا ەرەكشە قىزىعاتىن ەلگە ەرەكشە كولىكپەن، ەڭبەكپەن كەلگەنىمە قۋانامىن. رەنن قالاسىنىڭ مەرى ناتالي اپپەرەءنىڭ حاتىن الا كەلدىم. 7 جارىم مىڭ شاقىرىم جول ءجۇرىپ كەلگەن حاتتا رەنن-قازاقستان اراسىنداعى دوستىق قارىم-قاتىناسقا بيىل 30 جىل تولعانى باياندالادى»، دەيدى لوران.

جەتى جارىم مىڭ شاقىرىمدى شايتاناربامەن ەڭسەرگەن ەرىكتىنىڭ ەرىك جىگەرىنە تاڭعالماي كورىڭىز. قايتار جولدىڭ قامى قالاي دەگەن ساۋالىمىزعا«الدىمىزدا سۋىق مەزگىل كەلە جاتقاندىقتان، فرانتسياعا اسپان جولىمەن اتتانۋعا تۋرا كەلەدى» دەپ جاۋاپ بەردى جيھانكەز.

سوڭعى جاڭالىقتار

ەلوردا «قىزىل» ايماقتان شىقتى

كوروناۆيرۋس • بۇگىن، 09:22

الەم چەمپيوناتى باستالدى

سپورت • بۇگىن، 09:09

قۇندى ەرتوقىم

ەلوردا • بۇگىن، 09:05

تىڭ سەرپىلىس بايقالمايدى

سپورت • بۇگىن، 08:59

اسەرلى «ادەبيەت كۋرستارى»

وقيعا • بۇگىن، 08:54

تاۋەلسىزدىك تاعىلىمى

تاۋەلسىزدىكتىڭ 30 جىلدىعى • بۇگىن، 08:52

ون ءبىرىنشى پالاتا

مەديتسينا • بۇگىن، 08:45

جارقىننىڭ جاقسىلىعى

ايماقتار • بۇگىن، 08:39

تىلسىم كۇشپەن ءتىل تابىسقان

تاريح • بۇگىن، 08:36

قىلقالام ۇشىنداعى قۇدىرەت

ونەر • بۇگىن، 08:35

قازاقستان دالاسى قۇرعاپ بارادى

ەكولوگيا • بۇگىن، 07:55

قۇمعا سىڭگەن سۋداي سۋبسيديا

قوعام • بۇگىن، 07:49

دۇبىردەن تۋعان ولەڭ

ادەبيەت • بۇگىن، 07:39

كۇلكىنى ازايتساق قايتەدى؟

قوعام • بۇگىن، 07:39

جانى جايساڭ جاز-اتا

قوعام • كەشە

ۇقساس جاڭالىقتار