«تۇماۋعا قارسى ەكپە جىل سايىن سالىنادى. قازىر الماتىدا تۇماۋعا قارسى ۆاكتسينا سالۋعا دايىندىق جۇمىسى جۇرگىزىلىپ جاتىر. تۇماۋ – تىنىس الۋ جولدارىنىڭ ءجىتى اۋرۋى. تۇماۋ كەزىندە باس اۋىرىپ, ادامنىڭ يممۋنيتەتى السىرەيدى», دەپ اتاپ ءوتتى باسقارماداعىلار.
بيىل تۇماۋعا قارسى ەكپە سالۋ 1 قازانان باستالادى. سالىناتىن «گريپپول پليۋس» ۆاكتسيناسى رەسەيدە وندىرىلگەن.
ء«بىرىنشى كەزەكتە, قاۋىپ توبىنداعى تۇرعىندارعا سالىنادى. ۆاكتسيناتسيا باستالعانعا دەيىن ەپيدەميولوگيالىق قىزمەت ەمحانانىڭ ۋچاسكەلىك قىزمەتىمەن بىرلەسىپ, اقىسىز ەكپە جاساۋ ءۇشىن تاۋەكەل توبىنىڭ ءتىزىمىن جاسايدى.
ولار: سوزىلمالى اۋرۋى بار بالالار, مەديتسينا قىزمەتكەرلەرى, جۇكتى ايەلدەر, جابىق تيپتەگى مەكەمەلەردىڭ مەديتسينالىق قىزمەتكەرلەرى (بالالار ءۇيى, مەكتەپ ينتەرناتى, بالالارعا/مۇگەدەكتەرگە ارنالعان مەكتەپ-ينتەرناتتارى), قارتتار مەن مۇگەدەكتەر ۇيلەرىنىڭ كونتينگەنتى», دەپ ناقتىلادى دەنساۋلىق ساقتاۋ باسقارماسى.
ەكپە سالدىرار الدىندا ازامات ءوزىنىڭ ۋچاسكەلىك دارىگەرىنىڭ تەكسەرۋىنەن وتەدى, ونىڭ ينفەكتسيالىق اۋرۋ جۇقتىرعاندارمەن بايلانىستا بولعان-بولماعانى جايلى سۇرايدى.
دەنە قىزۋى ولشەنىپ, ەشقانداي قارسى كورسەتكىشتەر بولماسا, ۆاكتسينا سالىنادى. اقىلى نەگىزدە جەكە مەديتسينالىق ۇيىمداردا تۇماۋعا قارسى ۆاكتسيناتسيا جۇرگىزىلەدى. ول تۇرعىنداردىڭ ءوتىنىشى بويىنشا ەرىكتى تۇردە جاسالادى.
