ەرەۋىلشىلەر سايلاۋ كۇنى بانگكوكتاعى قوزعالىستى توقتاتپاق. بۇل تۋرالى 24.kz حابارلادى.
تايلاند وپپوزيتسياسى الداعى پارلامەنت سايلاۋى قارساڭىندا 3 كۇنگە سوزىلاتىن ەرەۋىل باستاماقشى. ال 2 اقپاندا بولاتىن سايلاۋ كۇنى ولار تايلاند استاناسى بانگكوكتاعى قوزعالىستى تولىعىمەن توقتاتۋعا ءسوز بەرىپ وتىر.
وپپوزيتسيانىڭ پايىمداۋىنشا, وسىنداي جاعدايدان سوڭ سوت ساياسي دودانىڭ قورىتىندىلارىن زاڭدى ەمەس دەپ تانۋى ءتيىس. الايدا, ەلدەگى ۋشىققان ساياسي جاعدايدىڭ تاعى بىرنەشە ايعا سوزىلاتىن ءتۇرى بار. سەبەبى, نارازىلىق شاراسى كەزىندە داۋىس بەرە الماعان تۇرعىندار ءۇشىن 23 اقپان سايلاۋدىڭ قوسىمشا كۇنى بولىپ بەلگىلەندى.
ايتا كەتەيىك, 13 قاڭتاردا ەرەۋىلشىلەر «بانگكوكتى جابايىق» اتتى ناۋقان باستاعان بولاتىن. سونىڭ سالدارىنان وپپوزيتسيا قالا ورتالىعىنداعى ماڭىزدى كوشە قيىلىستارى مەن ۇكىمەت عيمارتتارىنا باراتىن جولداردى جاۋىپ تاستاعان.
ايدار ورىسباەۆ.
دەرەككوز: 24.kz
فوتو: Ntv.ru
