قازاقستان رەسپۋبليكاسى پرەزيدەنتىنىڭ حالىقارالىق ىنتىماقتاستىق جونىندەگى ارناۋلى وكىلى ەرجان قازىحان قازاقستانعا العاش رەت ساپارمەن كەلگەن ەقىۇ-نىڭ باق بوستاندىعى جونىندەگى وكىلى تەرەزا ريبەيرومەن كەزدەسۋ وتكىزدى.
كەزدەسۋ بارىسىندا ارناۋلى وكىل مەملەكەت باسشىسىنىڭ باستاماسى بويىنشا ساياسي جانە الەۋمەتتىك-ەكونوميكالىق سالادا جۇرگىزىلىپ جاتقان رەفورمالار مەن ەلدىڭ تۇراقتى دامۋىنىڭ باسىمدىقتارى تۋرالى ايتتى.
تەرەزا ريبەيرو پرەزيدەنت قاسىم-جومارت توقاەۆتىڭ باق بوستاندىعى, ازاماتتىق قوعامدى قولداۋ, سوت رەفورماسى, ايەلدەر مەن مۇگەدەكتەردىڭ قۇقىقتارىن ىلگەرىلەتۋ جونىندەگى جۇرگىزىپ جاتقان ساياساتىن جوعارى باعالادى.
قازاقستان مەن ەقىۇ اراسىنداعى سەرىكتەستىك قاتىناستار جاقسى دامىپ كەلەدى, سونداي-اق, ساياسي, ەكونوميكالىق جانە گۋمانيتارلىق سالالار بويىنشا ىنتىماقتاستىقتىڭ جاڭا باعىتتارى قالىپتاسۋدا.
