ەكونوميكا • 16 قىركۇيەك، 2021

تاماق وندىرىسىندەگى تابىستى جوبا

54 رەت كورسەتىلدى

قاراعاندىدا قازاقستان مەن ورتالىق ازياداعى تاماق ونەركاسىبىنە ارنالعان ماي ءونىمىن جەتەكشى وندىرۋشىلەردىڭ ءبىرى بولىپ تابىلاتىن «Eurasian Foods» اق كاسىپورنىندا جابدىقتى جاڭارتۋدىڭ كەزەكتى كەزەڭى اياقتالادى. تەك سوڭعى بەس جىلدىڭ ىشىندە Eurasian Foods Corporation حولدينگىنىڭ قۇرامىنا كىرەتىن كاسىپورىن ءوز ءوندىرىسىن جاڭارتۋعا 4،7 ملرد تەڭگەدەن استام ينۆەستيتسيا سالعان، دەپ جازادى Egemen.kz.

كەزەكتى كەزەڭ اياقتالعاننان كەيىن «Eurasian Foods» اق وندىرىستىك قۋاتىن جىلىنا 70 مىڭ توننادان استام دايىن ونىمگە دەيىن ارتتىرىپ اسسورتيمەنتىن كەڭەيتە الادى. الپاۋىت ۇجىم ءونىم ساپاسىن ارتتىرۋ ارقىلى جانە وڭىردەگى جانە ەلدەگى ەڭ مىقتى تاماق يندۋسترياسى كاسىپورىندارىنىڭ ءبىرى رەتىندە ءوز پوزيتسياسىن كۇشەيتۋدى كوزدەپ وتىر. 

جاڭعىرتۋ ناتيجەسىندە بۇگىنگى تاڭدا سالاداعى ەڭ زاماناۋي جانە جوعارى ءونىمدى كاسىپورىنداردىڭ ءبىرى بولىپ تابىلاتىن كاسىپورىندا شىعارىلاتىن ءونىمنىڭ الەمدىك ساپاسىن قامتاماسىز ەتۋگە مۇمكىندىك بەرەتىن جەتەكشى وندىرۋشىلەردىڭ قوسىمشا جاڭا جابدىقتارى ورناتىلدى. مارگارين دايىنداۋ بويىنشا نەمىس ءوندىرىسىنىڭ تەحنولوگيالىق جەلىسى پايدالانۋعا بەرىلدى. وسى جەلىنى ىسكە قوسۋدىڭ ارقاسىندا وندىرىلەتىن ونىمدەردىڭ فۋنكتسيونالدىق سيپاتتامالارى جاقساردى، سونداي-اق ونىمدىلىگى ساعاتىنا 11،7 تونناعا دەيىن ارتتى. قاتپارلى قامىرعا ارنالعان مارگاريندەردى ولشەپ وراۋ بويىنشا جاڭا جەلى ىسكە قوسىلدى، بۇل ءوندىرىستى 2 ەسەگە – ساعاتىنا 4،8 تونناعا دەيىن ۇلعايتۋعا مۇمكىندىك بەرمەك.  جاڭا ولشەپ-وراۋ اۆتوماتى (گەرمانيا) پايدالانۋعا بەرىلدى، بۇل ولشەپ-ورالعان ءونىم ءوندىرىسىن ساعاتىنا 6،5 تونناعا دەيىن ۇلعايتۋعا مۇمكىندىك بەردى. 

ونىمدەردى ولشەپ-وراۋ، ولاردى تيەۋگە بۋىپ-ءتۇيۋ – پەرسونالدىڭ قاتىسۋىنسىز اۆتوماتتى جەلىلەردە جۇرگىزىلەدى. ەۋروپالىق ءوندىرىستىڭ تەحنولوگيالىق جابدىقتارىنىڭ تولىقتاي اۆتوماتتاندىرىلعان سيپ-جۋعىشتارى ميكروبيولوگيالىق تازالىقتى قامتاماسىز ەتۋگە كومەكتەسەدى. جىلدىڭ سوڭىنا دەيىن جاڭا تەحنولوگيالىق قويمانى، سونداي-اق بارلىق وندىرىستىك ءۇي-جايلاردا تاۋلىك بويى ميكروكليماتتى ساقتاپ تۇراتىن اۋا باپتاۋ جۇيەسىن پايدالانۋعا بەرۋ جوسپارلانۋدا. بۇگىن «Eurasian Foods» اق جەلىسىندە ەڭ زاماناۋي الەمدىك ساپا ستاندارتتارىنا جاۋاپ بەرەتىن ونىمدەردىڭ كەڭ اسسورتيمەنتى ۇسىنىلعان. «Eurasian Foods» اق وندىرەتىن ءونىمدى وتاندىق كونديتەرلىك جانە نان-توقاش ونىمدەرىن وندىرۋشىلەردىڭ 70%-دان استامى پايدالانادى. 

كومپانيا ءوز ءونىمىن الەمنىڭ 11 ەلىنە – رەسەي، قىرعىزستان، قىتاي، وزبەكستان، ءازىربايجان، ارمەنيا، گرۋزيا، تاجىكستان، تۇركمەنستان، اۋعانستان، مونعولياعا ەكسپورتتايدى. وسى جىلدىڭ قاڭتار-ماۋسىمىندا «3 جەلانيا»، «شەدەۆر» جانە «زولوتوي ستاندارت» برەندتەرىنىڭ ونىمدەرىنىڭ ەكسپورتى 25%-عا ارتتى.

كاسىپورىننىڭ تاريحى 1971 جىلى، قاراعاندىدا وندىرىستىك قۋاتى 20 مىڭ توننا بولاتىن زاۋىت پايدالانۋعا بەرىلگەن كەزدەن باستاۋ الادى. 1997 جىلدان باستاپ زاۋىتتى قايتا قۇرۋ جانە ءوندىرىستى جاڭعىرتۋ پروتسەسى ۇزدىكسىز جۇرگىزىلۋدە. 

كاسىپورىندا ءوندىرىستىڭ بارلىق كەزەڭدەرىندە ساپاعا تۇراقتى باقىلاۋ جۇرگىزىلەدى. وسى ماقساتتا كەلىپ تۇسەتىن شيكىزات پەن دايىن ءونىمنىڭ فيزيكالىق-حيميالىق جانە ميكروبيولوگيالىق پارامەترلەرىن تەكسەرۋدى جۇزەگە اسىراتىن مەنشىكتى اتتەستاتتالعان زەرتحانالار قۇرىلىپ، تابىستى جۇمىس ىستەۋدە. زەرتحانالار جاڭا جابدىقتارمەن، اتاپ ايتقاندا، كەلىپ تۇسەتىن شيكىزات پەن شىعارىلاتىن ءونىمنىڭ ماي-قىشقىل قۇرامىن ەگجەي-تەگجەيلى انىقتاۋعا مۇمكىندىك بەرەتىن زاماناۋي گاز حروماتوگرافتارىمەن جابدىقتالعان. 

2010 جىلى كاسىپورىندا يننوۆاتسيالىق تەحنولوگيالىق زەرتحانا قۇرىلدى، ونىڭ قىزمەتى ءونىمنىڭ تۇتىنۋشىلىق قاسيەتتەرىن جاقسارتۋ جانە جاڭا تۇرلەرىن ازىرلەۋ بويىنشا جۇمىستارمەن بايلانىستى. كاسىپورىن اسسورتيمەنت جەلىسىن ۇنەمى كەڭەيتىپ، جاڭا ونىمدەر شىعارىپ تۇرادى. سونداي-اق، «Eurasian Foods» اق-نىڭ بارلىق ءونىمى كەدەن وداعىنىڭ تەحنيكالىق رەگلامەنتتەرىنە سايكەستىگى تۋرالى دەكلاراتسياعا يە جانە «حالال» تالاپتارىنا جاۋاپ بەرەدى.

كاسىپورىن ۆ2ۆ سەكتورىنداعى سەرىكتەستەرمەن تىعىز جۇمىس ىستەيدى. «Eurasian Foods» اق تەحنولوگتارى نان–توقاش جانە كونديتەرلىك ونىمدەردى وندىرۋشىلەرگە كەڭەس بەرەدى، ناقتى وندىرىستىك پروتسەسس ءۇشىن قانداي ءونىم قولايلى ەكەندىگى تۋرالى ۇسىنىستار بەرەدى، كليەنتتەردىڭ جەكە تالاپتارى بويىنشا رەتسەپتۋرالار ازىرلەيدى، كوشپەلى ماستەر-كلاسستار وتكىزەدى. 

«Eurasian Foods» اق قاراعاندى وبلىسىنىڭ ەڭ ءىرى سالىق تولەۋشىلەردىڭ ۇشتىگىنە كىرەدى – وتكەن جىلى كاسىپورىن مەملەكەت بيۋدجەتىنە سالىق تۇرىندە 2،89 ملرد تەڭگە اۋداردى. زاۋىتتى جاڭعىرتۋدىڭ كەزەكتى كەزەڭىن اياقتاۋ بىزگە ءوندىرىس كولەمىن، ياعني سالىق تۇسىمدەرىن ۇلعايتۋعا مۇمكىندىك بەرەدى. وسى جىلى ءبىزدىڭ زاۋىتقا 50 جىل تولادى جانە  مەرەيتويىمىزدى ەڭ زاماناۋي جابدىقتارمەن جابدىقتالعان، ءوز سالاسىندا ءوندىرىس ستاندارتتارىن بەلگىلەيتىن جانە ماڭىزدىسى ءوز قىزمەتكەرلەرىنە قاتىستى الەۋمەتتىك جاۋاپتى بولىپ تابىلاتىن ەلدىڭ تاماق ونەركاسىبىنىڭ جەتەكشى كاسىپورىندارىنىڭ ءبىرى دەگەن مارتەبەدە قارسى الاتىنىمىز قۋانتادى، ويتكەنى ادامدار – كەز كەلگەن كومپانيانىڭ باستى اكتيۆى»، دەپ ايتىپ ءوتتى «Eurasian Foods» اق باسقارما توراعاسى ولەگ ۆينوكۋروۆ.  

بۇگىندە «Eurasian Foods» اق شتاتىندا 650 ادام جۇمىس ىستەيدى. پاندەميامەن بايلانىستى داعدارىس كەزەڭىندە كاسىپورىن جۇمىسىن جالعاستىردى، قيىندىقتارعا قاراماستان، ۇجىمدى تولىعىمەن ساقتاپ قالا الدى – بىردە-ءبىر قىزمەتكەر قىسقارتۋعا ۇشىراعان جوق. كومپانيا اكىمشىلىگى كاسىبي ءوسۋدى قامتاماسىز ەتۋ ءۇشىن كوپ كۇش جۇمسايدى: «Eurasian Foods» اق قىزمەتكەرلەرى ۇنەمى مىندەتتى وندىرىستىك وقۋدان وتەدى، كاسىبي تاقىرىپ بويىنشا سەمينارلارعا قاتىسادى، شەتەلدىك كاسىپورىنداردا تاعىلىمدامادان وتەدى، جاڭا ونىمدەردى ەنگىزۋ كەزىندە ەۋروپالىق ارىپتەستەرىمەن كەڭەسەدى. 

وڭىردەگى ءىرى جۇمىس بەرۋشىلەردىڭ ءبىرى تەك ءوز قىزمەتكەرلەرى مەن ولاردىڭ وتباسىلارىنا عانا ەمەس، قاراعاندى وبلىسىنىڭ تۇرعىندارىنا دا قاتىستى الەۋمەتتىك جاۋاپكەرشىلىك ساياساتىن جۇزەگە اسىرادى. كوپتەگەن جىلدار بويى «Eurasian Foods» اق مۇمكىندىگى شەكتەۋلى بالالار مەن ەرەسەكتەرگە كومەكتەسۋگە تىرىسادى جانە «بالالار – ءومىر ءۇشىن» قوعامدىق بىرلەستىگى مەن ء«ۇمىت» ەرىكتى مۇگەدەكتەر قوعامىنا دەمەۋشىلىك كومەك كورسەتەدى. كومپانيا سونىمەن قاتار م. اۋەزوۆ اتىنداعى ورتالىق قالالىق كىتاپحاناعا، وبلىستىق تۋبەركۋلەزگە قارسى بالالار ساناتوريىنە قولداۋ كورسەتەدى. 

«زاۋىتتىڭ 50 جىلدىق مەرەيتويىنا وراي ءبىز «Eurasian Foods» اق اۋماعىندا 50 قىلقان جاپىراقتى اعاش وتىرعىزۋدى جوسپارلادىق. ايتا كەتۋ كەرەك، بۇل ءبىر رەتتىك اكتسيا ەمەس – كاسىپورىن اۋماعىن جانە جاقىن ماڭداعى ۋچاسكەلەردى كوگالداندىرۋدى ءبىز ۇنەمى جۇرگىزىپ وتىرامىز، بۇل قالا ەكولوگياسىنا قامقورلىق جاساۋعا قوسقان ۇلەسىمىز»، دەپ ءتۇسىندىردى ولەگ ۆينوكۋروۆ.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:40

847 ادام كوروناۆيرۋس جۇقتىردى

كوروناۆيرۋس • بۇگىن، 09:00

ۇقساس جاڭالىقتار