ەگەر قر پرەزيدەنتى وزگەشە شەشىم قابىلداماسا, لاۋازىمىنا ەندى تاعايىندالعان مەملەكەتتىك قىزمەتشى كەمىندە ءبىر جىل وتكەننەن كەيىن عانا روتاتسياعا ۇشىرايدى.
بۇل رەتتە مەملەكەت باسشىسىنىڭ وسى تارماقتىڭ ءبىرىنشى بولىگىندە كورسەتىلگەن شەشىمى مەملەكەتتىك ساياسي قىزمەتشىگە جانە «ا» كورپۋسىنىڭ مەملەكەتتىك اكىمشىلىك قىزمەتشىسىنە قاتىستى ءتيىستى مەملەكەتتىك ورگاننىڭ ءبىرىنشى باسشىسىنىڭ ۇسىنىسى بويىنشا قابىلدانۋى مۇمكىن.
جوعارىدا اتالعان جارلىقپەن بەكىتىلگەن «ب» كورپۋسىنىڭ بوس نەمەسە ۋاقىتشا بوس مەملەكەتتىك اكىمشىلىك لاۋازىمدارىنا كونكۋرس وتكىزىلمەستەن, اۋىسۋ تارتىبىمەن ورنالاسۋ قاعيدالارىندا مىناداي مازمۇنداعى 4-تارماقپەن تولىقتىرىلسىن: «مەملەكەتتىك قىزمەتشىنى روتاتسيالاۋ جۇزەگە اسىرىلعان ونىڭ بۇرىنعى لاۋازىمىنا اۋىسۋ تارتىبىمەن تاعايىنداۋعا ول باسقا مەملەكەتتىك لاۋازىمعا روتاتسيالانعان كۇننەن باستاپ ءبىر جىل ىشىندە جول بەرىلمەيدى», دەپ جازىلعان جارلىقتا.
