قوعام • 16 قىركۇيەك، 2021

ەلىمىزدە ورتتەن قازا تاپقاندار سانى ارتقان

28 رەت كورسەتىلدى

قازاقستاندا ءورت سالدارىنان ادامنىڭ مەرت بولۋ كورسەتكىشى وسكەن. بۇل تۋرالى قر تجم ورتكە قارسى قىزمەت كوميتەتى باسقارماسىنىڭ باسشىسى ەرلان تورەگەلديەۆ ءمالىم ەتتى، دەپ حابارلايدى Egemen.kz.

«جىل باسىنان بەرى ەلىمىزدە 7 515 ءورت جاعدايى تىركەلىپ، ءتىلسىز جاۋدان 1 018 ادام قۇتقارىلدى. وكىنىشكە قاراي 251 ادام قايتىس بولدى. سونىمەن قوسا 217 ادام ءتۇرلى دارەجەدەگى كۇيىك الدى جانە ۋلانىپ قالدى. وتكەن جىلمەن سالىستىرعاندا جالپى ءورت سانى 7% - عا تومەندەگەن، بىراق ونىڭ سالدارىنان ادامنىڭ قازا تابۋى 20% -عا، ال جاراقات الۋ 18% -عا ءوسىپ وتىر. ءورت ءجيى ورىن الاتىن ول تۇرعىن ءۇي سەكتورى، بيىل 4 300-دەن استام ءورت بولدى، بۇل ەلىمىز بويىنشا ءورت جاعدايىنىڭ 58%-ىن قۇرايدى»، دەدى ە. تورەگەلديەۆ وكق-دە وتكەن ءباسپاسوز ءماسليحاتىندا.

سونداي-اق تجم وكىلى ءورت قاۋىپسىزدىگى باعىتىندا اتقارىلعان جۇمىس ناتيجەسىنە توقتالىپ ءوتتى.

«سوڭعى 2 جىلدا اتقارىلعان جۇمىستار الەۋمەتتىك وسال توپتقا جاتاتىن ازاماتتاردىڭ ۇيلەرىندە ورىن الاتىن ءورت سانىنىڭ ايتارلىقتاي تومەندەگەنىن كورسەتتى. ستاتيستيكاعا سۇيەنسەك، 18 پايىزعا دەيىن تومەندەگەن. ماسەلەن، 2019-2020 جىلدارداعى جىلۋ بەرۋ ماۋسىمىندا اتالعان ساناتتاعى ۇيلەردە 354 ءورت بولسا، 2020-2021 جىلعى جىلۋ بەرۋ كەزەڭىندە بارلىعى 19 ءورت جاعدايى تىركەلگەن. سونىمەن قاتار تۇرعىن ءۇي سەكتورىندا ادامداردىڭ گازدان نەمەسە تۇتىننەن ۋلانۋ كورسەتكىشى دە 28 پايىزعا ازايعانى بايقالادى»، دەيدى ول.

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار