2013 جىلعى 31 جەلتوقسان استانا, ۇكىمەت ءۇيى
«مەحانيكالىق كولىك قۇرالدارىن جانە ولاردىڭ تىركەمەلەرىن مىندەتتى تەحنيكالىق بايقاۋدى ۇيىمداستىرۋ جانە جۇرگىزۋ قاعيداسىن, تەحانيكالىق كولىك قۇرالدارىن جانە ولاردىڭ تىركەمەلەرىن مىندەتتى تەحنيكالىق بايقاۋدان وتكىزۋدىڭ كەزەڭدىلىگىن, سونداي-اق تەحنيكالىق بايقاۋدىڭ دياگنوستيكالىق كارتاسىنىڭ نىسانىن بەكىتۋ تۋرالى»
2013 جىلعى 31 جەلتوقسان استانا, ۇكىمەت ءۇيى
«مەحانيكالىق كولىك قۇرالدارىن جانە ولاردىڭ تىركەمەلەرىن مىندەتتى تەحنيكالىق بايقاۋدى ۇيىمداستىرۋ جانە جۇرگىزۋ قاعيداسىن, تەحانيكالىق كولىك قۇرالدارىن جانە ولاردىڭ تىركەمەلەرىن مىندەتتى تەحنيكالىق بايقاۋدان وتكىزۋدىڭ كەزەڭدىلىگىن, سونداي-اق تەحنيكالىق بايقاۋدىڭ دياگنوستيكالىق كارتاسىنىڭ نىسانىن بەكىتۋ تۋرالى»
قازاقستان رەسپۋبليكاسى ۇكىمەتىنىڭ 2011 جىلعى 17 مامىرداعى № 523 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «مەحانيكالىق كولىك قۇرالدارىن جانە ولاردىڭ تىركەمەلەرىن مىندەتتى تەحنيكالىق بايقاۋدى ۇيىمداستىرۋ جانە جۇرگىزۋ قاعيداسىن, مەحانيكالىق كولىك قۇرالدارىن جانە ولاردىڭ تىركەمەلەرىن مىندەتتى تەحنيكالىق بايقاۋدان وتكىزۋدىڭ كەزەڭدىلىگىن, سونداي-اق تەحنيكالىق بايقاۋدىڭ دياگنوستيكالىق كارتاسىنىڭ نىسانىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 17 مامىرداعى № 523 قاۋلىسىنا (قازاقستان رەسپۋبليكاسىنىڭ ءپۇاج-ى, 2011 ج., № 39, 474-قۇجات) مىناداي وزگەرىستەر ەنگىزىلسىن:
1) كورسەتىلگەن قاۋلىمەن بەكىتىلگەن مەحانيكالىق كولىك قۇرالدارىن جانە ولاردىڭ تىركەمەلەرىن مىندەتتى تەحنيكالىق بايقاۋدى ۇيىمداستىرۋ جانە جۇرگىزۋ قاعيداسىندا:
20, 21 جانە 22-تارماقتار مىناداي رەداكتسيادا جازىلسىن:
«20. كەستە تەحنيكالىق بايقاۋ وپەراتورلارىنىڭ تىزىلىمىنە ەنگىزۋ تۋرالى حابارلامانى العان كۇنىنەن باستاپ كۇنتىزبەلىك ون بەس كۇن ىشىندە قىزمەت ءوڭىرى شەگىندە جەرگىلىكتى اتقارۋشى ورگانعا كەلىسۋگە ۇسىنىلادى.
كەستەنى كەيىننەن جەرگىلىكتى اتقارۋشى ورگانعا كەلىسۋگە ۇسىنۋدى تەحنيكالىق بايقاۋ وپەراتورى جىل سايىن قىزمەت ءوڭىرى شەگىندە كولىك قۇرالدارىن مىندەتتى تەحنيكالىق بايقاۋدى وتكىزۋ باستالعانعا دەيىن, كۇنتىزبەلىك وتىز كۇننەن كەشىكتىرمەي جۇزەگە اسىرادى.
21. جەرگىلىكتى اتقارۋشى ورگان كەلىسۋگە ۇسىنىلعان كەستەنى تۇسكەن كۇنىنەن باستاپ بەس ءجۇمىس كۇنى ىشىندە قارايدى.
22. كەستەنى جەرگىلىكتى اتقارۋشى ورگانمەن كەلىسكەن كۇنىنەن باستاپ
كۇنتىزبەلىك ون كۇن ىشىندە تەحنيكالىق بايقاۋ وپەراتورى قىزمەت وڭىرىندەگى حالىقتى كەستە تۋرالى حاباردار ەتەدى.»;
47-تارماق مىناداي رەداكتسيادا جازىلسىن:
«47. مىندەتتى تەحنيكالىق بايقاۋدان وتكەندىگى تۋرالى كۋالىككە تەحنيكالىق بايقاۋ وپەراتورىنىڭ باسشىسى نەمەسە وسىعان ۋاكىلەتتىك بەرىلگەن تۇلعا قول قويادى.»;
63, 64, 66-تارماقتار مىناداي رەداكتسيادا جازىلسىن:
«63. تەحنيكالىق بايقاۋ وپەراتورىنىڭ تەحنيكالىق بايقاۋدىڭ ستاتسيونارلىق جەلىلەرىنىڭ كولىك قۇرالدارىن مىندەتتى تەحنيكالىق بايقاۋدى جۇرگىزۋى بويىنشا اقپاراتى كۇن سايىن ونلاين رەجيمىندە مىندەتتى تەحنيكالىق بايقاۋدىڭ بىرىڭعاي اقپاراتتىق جۇيەسىنە بەرىلەدى.
64. تەحنيكالىق بايقاۋ وپەراتورىنىڭ تەحنيكالىق بايقاۋدىڭ ۇتقىر جەلىلەرىنىڭ كولىك قۇرالدارىن مىندەتتى تەحنيكالىق بايقاۋدى جۇرگىزۋى بويىنشا اقپاراتى كۇنتىزبەلىك ەكى كۇندە ءبىر رەت مىندەتتى تەحنيكالىق بايقاۋدىڭ بىرىڭعاي اقپاراتتىق جۇيەسىنە بەرىلەدى.
66. مىندەتتى تەحنيكالىق بايقاۋدىڭ بىرىڭعاي اقپاراتتىق جۇيەسىندە كولىك قۇرالدارىنىڭ مىندەتتى تەحنيكالىق بايقاۋدان وتكەندىگى تۋرالى كۋالىكتەر بلانكىلەرىنىڭ نومىرلىك ەسەبى جۇرگىزىلەدى.»;
68 جانە 69-تارماقتار الىنىپ تاستالسىن;
2) كورسەتىلگەن قاۋلىمەن بەكىتىلگەن مەحانيكالىق كولىك قۇرالدارىن جانە ولاردىڭ تىركەمەلەرىن مىندەتتى تەحنيكالىق بايقاۋدان وتكىزۋدىڭ كەزەڭدىلىگى وسى قاۋلىعا قوسىمشاعا سايكەس جاڭا رەداكتسيادا جازىلسىن.
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ
2013 جىلعى 31 جەلتوقسانداعى №1532 قاۋلىسىنا قوسىمشا
قازاقستان رەسپۋبليكاسى ۇكىمەتىنىڭ 2011 جىلعى 13 مامىرداعى № 523 قاۋلىسىمەن بەكىتىلگەن
مەحانيكالىق كولىك قۇرالدارىن جانە ولاردىڭ تىركەمەلەرىن مىندەتتى تەحنيكالىق بايقاۋدان وتكىزۋدىڭ كەزەڭدىلىگى
1. جول قوزعالىسى قاۋىپسىزدىگى بويىنشا ورتالىق اتقارۋشى ورگاندا تىركەلگەن مەحانيكالىق كولىك قۇرالدارىن جانە ولاردىڭ تىركەمەلەرىن مىندەتتى تەحنيكالىق بايقاۋدان وتكىزۋ تەحنيكالىق بايقاۋ ورتالىقتارىندا مىناداي كەزەڭدىلىكپەن جۇرگىزىلەدى:
1) ءاربىر 12 اي سايىن - شىعارىلعان جىلىن قوسا العاندا, 7 جىل جانە ودان اساتىن;
2) ءاربىر 24 اي سايىن - شىعارىلعان جىلىن قوسا العاندا, 3 جىلدان 7 جىلعا دەيىن;
3) ءاربىر 36 اي سايىن - شىعارىلعان جىلىن قوسا العاندا, 3 جىلعا دەيىن.
2. ادامداردى تاسىمالداۋ ءۇشىن- جابدىقتالعان اۆتوبۋستار, شاعىن اۆتوبۋستار جانە تاكسيلەر, سونداي-اق جۇك اۆتوموبيلدەرى مەنشىك نىسانىنا جانە شىعارىلعان جىلىنا قاراماستان, مىندەتتى تەحنيكالىق بايقاۋدان ءاربىر التى اي سايىن وتەدى.
3. قاۋىپتى جۇكتەردى تاسىمالداۋعا ارنالعان جانە جابدىقتالعان اۆتوكولىك قۇرالدارى مەنشىك نىسانىنا جانە شىعارىلعان جىلىنا قاراماستان, مىندەتتى تەحنيكالىق بايقاۋدان ءاربىر التى اي سايىن وتەدى.
4. جۇك اۆتوموبيلدەرى جانە ولارعا تىركەمەلەر مەنشىك نىسانىنا جانە شىعارىلعان جىلىنا قاراماستان, مىندەتتى تەحنيكالىق بايقاۋدان ءاربىر 12 اي سايىن وتەدى.
5. مەحانيكالىق كولىك قۇرالدارىنىڭ جانە ولاردىڭ تىركەمەلەرىنىڭ بۇدان كەيىنگى مىندەتتى تەحنيكالىق بايقاۋدان ءوتۋ مەرزىمى 1, 2, 3 جانە 4-تارماقتاردا كورسەتىلگەن كەزەڭدىلىككە سايكەس باستاپقى مىندەتتى تەحنيكالىق بايقاۋدان ءوتۋ كۇنىنەن باستاپ ەسەپتەلەدى.
