فوتو: twitter / W0lverineupdate
سىچۋان پروۆينتسياسىنىڭ 7 مىڭعا جۋىق تۇرعىنى قاۋىپسىز جەرگە كوشىرىلدى, دەپ جازادى تاسس.
قىتاي سەيسمولوگيالىق ورتالىعىنىڭ مالىمەتىنشە, ماگنيتۋداسى 6,0-گە تەڭ جەر سىلكىنىسى بەيسەنبى كۇنى تاڭەرتەڭ جەرگىلىكتى ۋاقىت بويىنشا 04:33-تە لۋچجوۋ قالاسىنىڭ لۋ ۋەزى اۋدانىندا تىركەلگەن. وندا 4,25 ميلليوننان استام ادام تۇرادى.
جەر سىلكىنىسىنىڭ كوزى 10 كم تەرەڭدىكتە جاتىر. ساعات 04: 55-تە 2,8 ماگنيتۋداسى جەر استى دۇمپۋلەرى تىركەلدى, دەپ حابارلادى سەيسمولوگتار.
بۇعان دەيىن ەۋروپا-جەرورتا تەڭىزى سەيسمولوگيالىق ورتالىعى سىچۋان پروۆينتسياسىندا ماگنيتۋداسى 5,4 بولاتىن جەر سىلكىنىسى بولعانىن حابارلاعان. ونىڭ ايتۋىنشا, جەر سىلكىنىسىنىڭ وشاعى شامامەن 689 مىڭ حالقى بار تسزيگۋن قالالىق اۋدانىنان شىعىسقا قاراي 62 كم قاشىقتىقتا ورنالاسقان.
