2013 جىلعى 31 جەلتوقسان استانا, ۇكىمەت ءۇيى
«قازاقستان رەسپۋبليكاسىندا يادرولىق ماتەريالدار مەن يونداۋشى ساۋلە شىعارۋ كوزدەرىن ەسەپكە الۋ مەن باقىلاۋدىڭ مەملەكەتتىك جۇيەلەرىن ۇيىمداستىرۋ ەرەجەسىن بەكىتۋ تۋرالى» قازاقستان رەسپۋبليكاسى ۇكiمەتiنiڭ 2005 جىلعى 22 شىلدەدەگى № 769 قاۋلىسىنا وزگەرىستەر ەنگىزۋ تۋرالى
2013 جىلعى 31 جەلتوقسان استانا, ۇكىمەت ءۇيى
«قازاقستان رەسپۋبليكاسىندا يادرولىق ماتەريالدار مەن يونداۋشى ساۋلە شىعارۋ كوزدەرىن ەسەپكە الۋ مەن باقىلاۋدىڭ مەملەكەتتىك جۇيەلەرىن ۇيىمداستىرۋ ەرەجەسىن بەكىتۋ تۋرالى» قازاقستان رەسپۋبليكاسى ۇكiمەتiنiڭ 2005 جىلعى 22 شىلدەدەگى № 769 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
«قازاقستان رەسپۋبليكاسىندا يادرولىق ماتەريالدار مەن يونداۋشى ساۋلە شىعارۋ كوزدەرىن ەسەپكە الۋ مەن باقىلاۋدىڭ مەملەكەتتىك جۇيەلەرىن ۇيىمداستىرۋ ەرەجەسىن بەكىتۋ تۋرالى» قازاقستان رەسپۋبليكاسى ۇكiمەتiنiڭ 2005 جىلعى 22 شىلدەدەگى № 769 قاۋلىسىنا (قازاقستان رەسپۋبليكاسىنىڭ ءپۇاج-ى, 2005 ج., № 30, 408-قۇجات) مىناداي وزگەرىستەر ەنگىزىلسىن:
تاقىرىبى مىناداي رەداكتسيادا جازىلسىن:
«قازاقستان رەسپۋبليكاسىندا يادرولىق ماتەريالدار مەن يونداۋشى ساۋلە شىعارۋ كوزدەرىن ەسەپكە الۋ مەن باقىلاۋدىڭ مەملەكەتتىك جۇيەسىن ۇيىمداستىرۋ قاعيدالارىن بەكىتۋ تۋرالى»;
1-تارماق مىناداي رەداكتسيادا جازىلسىن:
«1. قوسا بەرىلىپ وتىرعان قازاقستان رەسپۋبليكاسىندا يادرولىق ماتەريالدار مەن يونداۋشى ساۋلە شىعارۋ كوزدەرىن ەسەپكە الۋ مەن باقىلاۋدىڭ مەملەكەتتىك جۇيەلەرىن ۇيىمداستىرۋ قاعيدالارى بەكىتىلسىن.»;
كورسەتىلگەن قاۋلىمەن بەكىتىلگەن قازاقستان رەسپۋبليكاسىندا يادرولىق ماتەريالدار مەن يونداۋشى ساۋلە شىعارۋ كوزدەرىن ەسەپكە الۋ مەن باقىلاۋدىڭ مەملەكەتتىك جۇيەلەرىن ۇيىمداستىرۋ ەرەجەسى وسى قاۋلىعا قوسىمشاعا سايكەس جاڭا رەداكتسيادا جازىلسىن.
وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ
2013 جىلعى 31 جەلتوقسانداعى №1520 قاۋلىسىنا قوسىمشا
قازاقستان رەسپۋبليكاسى ۇكىمەتىنىڭ
2005 جىلعى 22 شىلدەدەگى №769 قاۋلىسىمەن بەكىتىلگەن
قازاقستان رەسپۋبليكاسىندا يادرولىق ماتەريالدار مەن يونداۋشى ساۋلە شىعارۋ كوزدەرىن ەسەپكە الۋ مەن باقىلاۋدىڭ مەملەكەتتىك جۇيەلەرىن ۇيىمداستىرۋ قاعيدالارى
1. جالپى ەرەجەلەر
1. وسى قازاقستان رەسپۋبليكاسىندا يادرولىق ماتەريالدار مەن يونداۋشى ساۋلە شىعارۋ كوزدەرىن ەسەپكە الۋ مەن باقىلاۋدىڭ مەملەكەتتىك جۇيەسىن ۇيىمداستىرۋ قاعيدالارى (بۇدان ءارى – قاعيدالار) «اتوم ەنەرگياسىن پايدالانۋ تۋرالى» 1997 جىلعى 14 ساۋىردەگى قازاقستان رەسپۋبليكاسىنىڭ زاڭىنا سايكەس ازىرلەندى جانە يادرولىق ماتەريالدار مەن يونداۋشى ساۋلە شىعارۋ كوزدەرىن (بۇدان ءارى – ساۋلە شىعارۋ كوزدەرى) ەسەپكە الۋ مەن باقىلاۋدىڭ مەملەكەتتىك جۇيەسىن ۇيىمداستىرۋ ءتارتىبىن ايقىندايدى.
2. وسى قاعيدالار مەنشىك نىساندارىنا, ۆەدومستۆولىق باعىنىستىلىعىنا جانە ۇيىمدىق-قۇقىقتىق نىساندارىنا قاراماستان, يادرولىق ماتەريالدارمەن جانە ساۋلە شىعارۋ كوزدەرىمەن جۇمىس iستەۋ, يادرولىق ماتەريالدار, راديواكتيۆتi زاتتار مەن راديواكتيۆتi قالدىقتاردى ءوندiرۋ, پايدالانۋ, قايتا وڭدەۋ, تاسىمالداۋ جانە ورنالاستىرۋ, يادرولىق ماتەريالدار مەن ساۋلە شىعارۋ كوزدەرىن ەكسپورتتاۋ مەن يمپورتتاۋ كەزiندە ولاردى قازاقستان رەسپۋبليكاسىنىڭ شەكاراسى ارقىلى وتكiزۋ, يادرولىق ماتەريالدار مەن ساۋلە شىعارۋ كوزدەرىن پايدالانا وتىرىپ, عىلىمي زەرتتەۋلەر جۇرگiزۋ جونiندەگi قىزمەتتى جۇزەگە اسىراتىن بارلىق زاڭدى تۇلعالارعا قولدانىلادى.
3. يادرولىق ماتەريالدار مەن ساۋلە شىعارۋ كوزدەرىن مەملەكەتتiك ەسەپكە الۋ جانە باقىلاۋ:
1) يادرولىق ماتەريالدار مەن ساۋلە شىعارۋ كوزدەرىنىڭ بار مولشەرiن, ولاردىڭ تابىلعان جەرلەرىن دالمە-ءدال ايقىنداۋ;
2) جوعالۋىن, رۇقساتسىز پايدالانىلۋىن جانە ۇرلانۋىن بولدىرماۋ;
3) قازاقستان رەسپۋبليكاسىنىڭ زاڭناماسىنا سايكەس قازاقستان رەسپۋبليكاسىنىڭ ۋاكiلەتتى ورگاندارىنا, حالىقارالىق ۇيىمدار مەن باسقا مەملەكەتتەرگە يادرولىق ماتەريالدار مەن ساۋلە شىعارۋ كوزدەرىنىڭ بار-جوعى جانە ورنىن اۋىستىرۋ, ەسەپتەن شىعارىلۋى جانە كومiلۋi, ەكسپورتى جانە يمپورتى تۋرالى جەدەل اقپارات بەرۋ ماقساتىندا جۇزەگە اسىرىلادى.
4. يادرولىق ماتەريالدار مەن ساۋلە شىعارۋ كوزدەرىن ەسەپكە الۋ مەن باقىلاۋ ولاردى باستاپقى ءوندىرۋ كەزەڭىنەن باستاپ جانە تۇپكىلىكتى كومگەنگە دەيىن, سونداي-اق ولار جوعالعان جاعدايدا ولاردى باقىلاۋدى قالپىنا كەلتىرۋ ارقىلى جۇرگىزىلەدى.
5. مەملەكەتتىك ەسەپكە الۋعا جانە باقىلاۋعا:
1) قۇرامىندا ۋران-235, ۋران-233, پلۋتوني مەن توري يزوتوپتارى بار يادرولىق ماتەريالدار;
2) رادياتسيالىق سيپاتتامالارى الۋ دەڭگەيiنەن اساتىن, ونىڭ ىشىندە قۇرالداردىڭ (بۇيىمداردىڭ, قوندىرعىلاردىڭ) قۇرامىنا كىرەتىن يونداۋشى ساۋلە شىعارۋ كوزدەرi جاتادى.
قۇرامىندا ۋران, توري جانە پلۋتوني يزوتوپتارى بار, ونىڭ ىشىندە راديويزوتوپتى قۇرالدار قۇرامىنا كىرەتىن ساۋلە شىعارۋ كوزدەرىن ەسەپكە الۋ جانە باقىلاۋ ءتارتىبى ساۋلە شىعارۋ كوزدەرىن ەسەپكە الۋ ءتارتىبى رەتىندە دە, يادرولىق ماتەريالداردى ەسەپكە الۋ ءتارتىبى رەتىندە دە ايقىندالادى;
3) ءورت سيگناليزاتسياسىنىڭ داتچيكتەرىندەگى راديونۋكليدتى كوزدەر, راديوفارماتسەۆتيكالىق پرەپاراتتار, يممۋنولوگيالىق تالداۋعا ارنالعان جيناقتار, مەديتسينالىق ماقساتتاعى راديويزوتوپتىق گەنەراتورلار, راديونۋكليدتەرمەن بەلگiلەنگەن قوسىلىستار, سونداي-اق 125-يودتى قوسا العاندا, جارتىلاي ىدىراۋ كەزەڭi 60 (الپىس) تاۋلiككە دەيiنگi تىرشىلىگى قىسقا راديونۋكليدتەر نەگiزىندەگi راديويزوتوپتىق پرەپاراتتار مەن ەرiتىندىلەر ولاردى پايدالاناتىن ۇيىمداردا عانا ەسەپكە الىنادى.
مۇنداي ساۋلە شىعارۋ كوزدەرىنىڭ جالپى سانى جانە جيىنتىق بەلسەندىلىگى تۋرالى مالىمەتتەر ۋاكىلەتتى ورگانعا جىل سايىنعى تۇگەندەۋ ناتيجەسى بويىنشا بەرىلەدى.
6. وسى قاعيدالاردا مىناداي ۇعىمدار مەن انىقتامالار پايدالانىلادى:
1) كىرۋدى باقىلاۋ قۇرالدارى – يادرولىق ماتەريالدى رۇقساتسىز الىپ قويۋدى, پايدالانۋدى, ورنىن اۋىستىرۋدى, كىرۋ ايماعىنا ەنۋدى انىقتاۋعا ارنالعان تەحنيكالىق قۇرالدار (قاداعالاۋ جۇيەسى مەن ارالاسۋدى ينديكاتسيالاۋ قۇرىلعىلارى);
2) ەسەپكە الۋ قۇجاتتارى – يادرولىق ماتەريالدى جانە/نەمەسە ساۋلە شىعارۋ كوزدەرىن ولشەۋ, بار-جوعى, سانى, قۇرامى, ورنالاسقان ورنى مەن جاي-كۇيىنىڭ ناتيجەلەرى تۋرالى دەرەكتەردى, سونداي-اق ولاردى ناقتىلاۋ مەن تۇزەتۋ تۋرالى مالىمەتتەردى قامتيتىن ۇيىمنىڭ قىزمەت تۇرىنە بايلانىستى قۇجاتتار;
3) ەسەپ بەرۋ قۇجاتتارى – تۇگەندەۋ سانىنىڭ وزگەرگەنى تۋرالى ەسەپ جانە ماتەريالدىق-تەڭگەرىمدىك ەسەپ;
4) فيزيكالىق تۇگەندەۋ – ماتەريالدىق تەڭگەرىم ايماعىنداعى يادرولىق ماتەريالدىڭ ناقتى سانى مەن جاي-كۇيىن تەكسەرۋ;
5) قوندىرعى – رەاكتور, سىندارلى قۇراستىرما, كونۆەرسيالاۋ جونىندەگى زاۋىت, شىعارۋشى زاۋىت, قايتا وڭدەيتiن قوندىرعى, يزوتوپتاردى بولۋگە ارنالعان زاۋىت, ادەتتە بiر تيiمدi كيلوگرامنان ارتىق مولشەردە يادرولىق ماتەريال پايدالانىلاتىن جەكە قويما نەمەسە كەز كەلگەن بولۋ ورنى;
6) قوندىرعىنىڭ قۇرىلىمى تۋرالى اقپارات – ءاربىر قوندىرعىنىڭ سيپاتتاماسى بويىنشا اقپارات (ماقساتى, نومينالدى قۋاتى جانە گەوگرافيالىق ورنالاسۋى, اتاۋى جانە مەكەنجايى, ولار ادەتتەگى ىسكەرلىك ماقساتتار ءۇشىن پايدالانىلادى), قوندىرعىنى ورنالاستىرۋ سيپاتتاماسى (يادرولىق ماتەريالدىڭ نىسانى, ورنالاسقان ورنى جانە اعىنى, يادرولىق ماتەريال پايدالانىلاتىن, وندىرىلەتىن جانە وڭدەلەتىن جابدىقتى جيناقتاۋ), يادرولىق ماتەريالداردى ەسەپكە الۋ جانە باقىلاۋ بويىنشا قولدانىلاتىن راسىمدەر تۋرالى اقپارات;
7) قوندىرعىدان تىس بولۋ ورنى – ادەتتە يادرولىق ماتەريال پايدالانىلاتىن كەز كەلگەن وبەكتى نەمەسە قوندىرعىدان تىس كەز كەلگەن بولۋ ورنى;
8) ماتەريالداردىڭ تەڭگەرىم ايماعى (تەڭگەرىم ايماعى) – يادرولىق ماتەريالدى تەڭگەرىم ايماعىنا نەمەسە ودان ءاربىر ورنىن اۋىستىرۋ كەزىندەگى سانى ايقىندالاتىن جانە يادرولىق ماتەريالدىڭ قولدا بار سانى ايقىندالاتىن قوندىرعىداعى نەمەسە ودان تىس ايماق;
9) ماتەريالدىق-تەڭگەرىمدىك ەسەپ – يادرولىق ماتەريالدىڭ باستاپقى جانە سوڭعى تىركەلگەن سانىن, يادرولىق ماتەريال سانىنىڭ ەسەپتى كەزەڭ ىشىندە ۇلعايۋىن/ازايۋىن, ماتەريالدىڭ تەڭگەرىم ايماعىنداعى يادرولىق ماتەريالدىڭ سوڭعى ناقتى قولدا بار سانى مەن سانىن تۇگەندەۋ ايىرماشىلىعىن قامتيتىن ەسەپ;
10) ماتەريال پارتياسى (پارتيا) – نەگىزگى ولشەم نۇكتەسىندە قۇرامى مەن سانى ەرەكشەلىكتىڭ نەمەسە ولشەمنىڭ بىرىڭعاي كەشەنىمەن ايقىندالاتىن ەسەپكە الۋ ماقساتى ءۇشىن ولشەم بىرلىگى رەتىندە پايدالانىلاتىن يادرولىق ماتەريالدىڭ ءبىر بولىگى;
11) نەگىزگى ولشەم نۇكتەسى (ولشەم نۇكتەسى) – ماتەريالدىڭ اعىنىن نەمەسە تۇگەندەۋ سانىن ايقىنداۋ ءۇشىن يادرولىق ماتەريالدى ولشەۋگە بولاتىنداي نىساندا بولاتىن جەر;
12) تۇگەندەۋ سانى – قوندىرعىداعى نەمەسە قوندىرعىدان تىس بولۋ ورنىنداعى يادرولىق ماتەريالدىڭ سانى;
13) تۇگەندەۋ سانىنىڭ وزگەرۋى تۋرالى ەسەپ – يادرولىق ماتەريالدىڭ تۇگەندەۋ سانىنداعى بارلىق وزگەرىستەر تۋرالى مالىمەتتەردى قامتيتىن ەسەپ;
14) يادرولىق ماتەريالدىڭ ناقتى قولدا بار سانىنىڭ ءتىزىمى – فيزيكالىق تۇگەندەۋ ناتيجەسىندە ايقىندالعان يادرولىق ماتەريالدىڭ ءاربىر بىرلىكتەگى نەمەسە پارتياداعى سانى كورسەتىلگەن يادرولىق ماتەريالدىڭ ەسەپتىك بىرلىكتەرىنىڭ جانە/نەمەسە پارتيالارىنىڭ تىزبەسى.
2. يادرولىق ماتەريالدار مەن ساۋلە شىعارۋ كوزدەرىن ەسەپكە الۋ مەن باقىلاۋدىڭ مەملەكەتتىك جۇيەلەرىنىڭ قۇرىلىمى
7. يادرولىق ماتەريالدار مەن ساۋلە شىعارۋ كوزدەرىن ەسەپكە الۋ مەن باقىلاۋدىڭ مەملەكەتتىك جۇيەلەرى ەكى دەڭگەيدە: ۋاكىلەتتى ورگان دەڭگەيىندە جانە ءوز قىزمەتىندە يادرولىق ماتەريالداردى جانە (نەمەسە) ساۋلە شىعارۋ كوزدەرىن پايدالاناتىن ۇيىمدار دەڭگەيىندە جۇزەگە اسىرىلادى.
8. ۋاكىلەتتى ورگان:
1) يادرولىق ماتەريالداردىڭ دەرەكقورىن جانە ساۋلە شىعارۋ كوزدەرىنىڭ مەملەكەتتىك ءتىزىلىمىن جۇرگىزەدى;
2) مەملەكەتتىك ورگاندارعا ولاردىڭ سۇراۋ سالۋىنا سايكەس يادرولىق ماتەريالدار مەن ساۋلە شىعارۋ كوزدەرىنىڭ بار-جوقتىعى جانە ورىن اۋىستىرۋى تۋرالى اقپارات بەرەدى;
3) ۋاكىلەتتى ورگانعا يادرولىق ماتەريالدار مەن راديواكتيۆتى كوزدەردى ەكسپورتتاۋ, يمپورتتاۋ جانە قازاقستان رەسپۋبليكاسىنىڭ اۋماعى ارقىلى ورنىن اۋىستىرۋ كەزىندە الدىن الا حابارلامالار مەن حابارلامالاردى; يادرولىق ماتەريالدار مەن ساۋلە شىعارۋ كوزدەرىنىڭ بار-جوعى, قوزعالىسى مەن تەڭگەرىمى تۋرالى ەسەپ بەرۋ نىساندارىن بەكىتەدى;
4) ۇيىمدار بەرەتىن قوندىرعىنىڭ قۇرىلىمى تۋرالى اقپاراتتى قارايدى;
5) قوندىرعىلار مەن ماتەريالدىڭ تەڭگەرىم ايماعىنىڭ, نەگىزگى ولشەم نۇكتەلەرىنىڭ كودتارىن بەلگىلەيدى;
6) ۇيىمداردا يادرولىق ماتەريالدارعا فيزيكالىق تۇگەندەۋ جۇرگىزۋ جوسپارلارى مەن مەرزىمدەرىن كەلىسەدى;
7) يادرولىق ماتەريالداردى ەسەپكە قويۋ نەمەسە ەسەپتەن الۋ تۋرالى شەشىم قابىلدايدى.
9. ۇيىمدار:
1) ساندىق سيپاتتامالارىن ولشەۋ ناتيجەلەرى نە ۋاكىلەتتى ورگانمەن كەلىسىم بويىنشا ەسەپ ايىرىسۋ نەگىزىندە يادرولىق ماتەريالدار مەن ساۋلە شىعارۋ كوزدەرىنىڭ ەسەبىن جۇرگىزەدى;
2) ەسەپكە الۋ قۇجاتتارىن (ماتەريالدىق-تەڭگەرىمدىك جانە پايدالانۋ) جۇرگىزەدى;
3) فيزيكالىق تۇگەندەۋ جۇرگىزۋ ارقىلى يادرولىق ماتەريالدار مەن ساۋلە شىعارۋ كوزدەرىنىڭ تەڭگەرىمىن شىعارادى;
4) يادرولىق ماتەريالدار مەن ساۋلە شىعارۋ كوزدەرىنىڭ بار-جوعى مەن قوزعالىسى تۋرالى ەسەپتەردى; يادرولىق ماتەريالدار مەن ساۋلە شىعارۋ كوزدەرىنىڭ ورنىن اۋىستىرۋ تۋرالى الدىن الا حابارلامانى جانە حابارلامانى; ۇيىمنىڭ قىزمەتى تۋرالى اقپاراتتى; قوندىرعىلاردىڭ قۇرىلىمدارى تۋرالى اقپاراتتى ازىرلەيدى جانە ۋاكىلەتتى ورگانعا بەرەدى;
5) يادرولىق ماتەريالدار مەن ساۋلە شىعارۋ كوزدەرىنە قول جەتكىزۋدى باقىلاۋدى قامتاماسىز ەتەدى.
3. يادرولىق ماتەريالداردى ەسەپكە الۋ جانە باقىلاۋ ءتارتىبى
10. ۋران جانە (نەمەسە) توري كەندەرىن وندىرەتىن ۇيىمداردا وندىرىلگەن كەننىڭ جالپى مولشەرى, ونداعى ۋراننىڭ جانە (نەمەسە) ءتوريدىڭ ورتاشا كونتسەنتراتسياسى مەن مولشەرى تۋرالى دەرەكتەردىڭ, سونداي-اق قازاقستاننىڭ ۇيىمدارىنا نەمەسە قازاقستاننان تىس جەرلەرگە بەرىلگەن كەننىڭ مولشەرى تۋرالى مالىمەتتىڭ ەسەبى جۇرگىزىلەدى.
11. جەر استىندا شايمالاۋ ادىسىمەن ۋران وندىرەتىن جەتەكشى ۇيىمداردا جانە ۋران كونتسەنتراتىن بايىتۋدى جۇزەگە اسىراتىن ۇيىمداردا:
1) كونتسەنتراتتىڭ جالپى مولشەرى, سونداي-اق ونداعى ۋراننىڭ ورتاشا شوعىرلانۋى مەن مولشەرى تۋرالى دەرەكتەردىڭ;
2) ۇيىم تىكەلەي وندىرگەن نەمەسە قازاقستان رەسپۋبليكاسىنىڭ اۋماعىنا ءونىم بەرۋشىدەن نەمەسە شەتەلدەن الىنعان باستاپقى ماتەريالدىڭ قۇرامىنداعى ۋراننىڭ جالپى مولشەرى تۋرالى دەرەكتەردىڭ;
3) ۇيىم وندىرگەن نەمەسە بەرگەن تۇپكىلىكتى ونىمدەگى ۋراننىڭ جالپى مولشەرى تۋرالى دەرەكتەردىڭ ەسەبى جۇرگىزىلەدى.
ۇيىمدا وندىرىلگەن, بەرىلگەن, قايتا وڭدەلگەن, قالعان ۋراننىڭ جانە (نەمەسە) ءتوريدىڭ مولشەرى تۋرالى مالىمەتتى قامتيتىن جىل سايىنعى ەسەپ ەسەپتى كەزەڭنەن كەيىنگى جىلدىڭ 20 قاڭتارىنا دەيىن ۋاكىلەتتى ورگانعا جىبەرىلەدى.
12. يادرولىق وتىندى دايىنداۋ ءۇشىن نەمەسە U-235 يزوتوپى بويىنشا ۋراندى بايىتۋ ءۇشىن قاجەتتى قۇرام مەن تازالىققا جەتكەن, يادرولىق ماتەريالمەن جۇمىس ىستەيتىن قىزمەتتى جۇزەگە اسىراتىن ۇيىمداردا يادرولىق ماتەريالدى ەسەپكە الۋ مەن باقىلاۋ يادرولىق وتىن تسيكلىنىڭ كەز كەلگەن نۇكتەسىندە جانە كەز كەلگەن تابيعي نىسانداعى جانە ءپلۋتونيدىڭ, 233-ۋراننىڭ U-235 يزوتوپى بويىنشا بايىتىلعان ۋراننىڭ, جۇتاڭدانعان ۋراننىڭ كەز كەلگەن حيميالىق قۇرامىندا جۇزەگە اسىرىلادى.
13. يادرولىق ماتەريالدى ەسەپكە الۋ تەڭگەرىم ايماقتارى بويىنشا جۇرگىزىلەدى. ءاربىر تەڭگەرىم ايماعىندا يادرولىق ماتەريالدىڭ تۇگەندەلەتىن سانى مەن اعىنى (تۇگەندەلەتىن وزگەرىستەرى) ايقىندالاتىن نەگىزگى ولشەم نۇكتەلەرى بەلگىلەنەدى.
14. ۇيىم يادرولىق ماتەريالدى ونى وندىرگەننەن نەمەسە تەڭگەرىم ايماعىنا تۇسكەننەن كەيىن ەسەپكە قويادى.
15. ۇيىم يادرولىق ماتەريالدى باسقا تەڭگەرىم ايماعىنا جونەلتكەننەن كەيىن نەمەسە ونى ەسەپتەن الۋ مۇمكىندىگى تۋرالى ۋاكىلەتتى ورگاننان راستاما العاننان كەيىن تەڭگەرىم ايماعىنداعى ەسەپتەن الادى.
16. ۋاكىلەتتى ورگان قوندىرعىنى انىقتاۋعا ءدال كەلەتىن اتوم ەنەرگياسىن پايدالاناتىن ءاربىر وبەكتىگە قوندىرعىنىڭ كودىن بەرەدى. قوندىرعىدان تىس بارلىق جەر ءۇشىن ۋاكىلەتتى ورگان يادرولىق ماتەريالداردى ەسەپكە الۋدىڭ جالپى تەڭگەرىم ايماعىن قۇرادى, بۇل رەتتە ءاربىر قوندىرعىدان تىس جەر نەگىزگى ولشەۋ نۇكتەسىن بىلدىرەدى.
17. ەسەپكە الۋ قۇجاتتارى ءاربىر تەڭگەرىم ايماعى ءۇشىن جۇرگىزىلەدى جانە ولاردىڭ سانى مەن سانىنىڭ وزگەرىسىن قوسا العاندا, يادرولىق ماتەريالداردىڭ ءار ءتۇرى تۋرالى دەرەكتەردى قامتيدى. ەسەپكە الۋ قۇجاتتارى ەسەپ بەرۋ قۇجاتتارى ءۇشىن نەگىز بولىپ تابىلادى.
قاتە جازىلعان جازۋلار مەن كەيىننەن جاڭا جازۋلار ەنگىزۋ ەسەپكە الۋ قۇجاتتارىندا جاڭا ەسەپكە الۋ نومىرىمەن ساقتالادى.
ەسەپ بەرۋ دەرەكتەرىن تۇزەتۋگە جاڭا ەسەپ بەرۋ قۇجاتتارىن بەرۋ ارقىلى عانا رۇقسات ەتىلەدى.
18. ۇيىم بەلگىلەنگەن نەگىزگى ولشەم نۇكتەسىن ەسكەرە وتىرىپ, يادرولىق ماتەريالدىڭ قوزعالىسىن ەسەپكە الۋ مەن باقىلاۋدى ونىڭ تەڭگەرىم ايماقتارى اراسىندا نەمەسە تەڭگەرىم ايماعىنىڭ ىشىندە ورنىن اۋىستىرۋ تۇرىنە بايلانىستى جۇزەگە اسىرادى.
يادرولىق ماتەريالدىڭ ورنىن تەڭگەرىم ايماقتارى اراسىندا اۋىستىرعان كەزدە ۇيىم يادرولىق ماتەريال سالىنعان كونتەينەرلەر (مورلەردىڭ (پلومبالاردىڭ) تۇرلەرى مەن سايكەستەندىرگىشتەرى, كونتەينەرلەردىڭ برۋتتو سالماعى جانە باسقا دا قاجەتتى دەرەكتەر) تۋرالى دەرەكتەرى بار كىرىس-شىعىس, ىلەسپە قۇجاتتاردى رەسىمدەيدى. يادرولىق ماتەريالدىڭ سيپاتتامالارى تۋرالى مالىمەتتەر (پاسپورتتىق دەرەكتەر) ارنايى پوشتامەن نەمەسە جۇكپەن بىرگە جونەلتىلەتىن قۇجاتتاردا كەلتىرىلەدى.
ۇيىم سىرتتاي تەكسەرۋدى جانە ەسەپكە الۋ بىرلىكتەرىنىڭ (كونتەينەرلەردىڭ) سانىن تەكسەرۋدى, مورلەردى (پلومبالاردى) تەكسەرۋدى, كونتەينەرلەردىڭ, سايكەستەندىرگىشتەرىنىڭ مورلەردىڭ (پلومبالاردىڭ) جانە ورنالاسقان جەرىنىڭ ىلەسپە قۇجاتتاردىڭ دەرەكتەرىنە سايكەستىگىن تەكسەرۋدى جۇرگىزەدى, سونداي-اق يادرولىق ماتەريال سالىنعان كونتەينەرلەردىڭ برۋتتو سالماعى مەن ونىڭ پارامەترلەرىن راستايتىن ولشەۋدى جۇرگىزەدى نەمەسە ونىڭ جۇرگىزىلۋىن تەكسەرەدى.
ولشەۋ ناتيجەسىندە الىنعان دەرەكتەر ەسەپتىك قۇجاتتاردا تىركەلەدى. جونەلتۋشى مەن الۋشىنىڭ دەرەكتەرىنىڭ الشاقتىعى ولشەم قاتەلەرىنىڭ مانىنەن اسقان جاعدايدا, الۋشى ارنايى ەسەپ جاسايدى جانە ونى ۋاكىلەتتى ورگانعا 24 ساعات ىشىندە جىبەرەدى.
تەڭگەرىم ايماعىنىڭ ىشىندە يادرولىق ماتەريالدىڭ ورنىن اۋىستىرۋ ۇيىم اكىمشىلىگى بەكىتكەن ىشكى نۇسقاۋلىققا سايكەس جۇرگىزىلەدى.
19. يادرولىق ماتەريالدىڭ بارلىق ورىن اۋىستىرۋى ەسەپكە الۋ جانە ەسەپ بەرۋ قۇجاتتارىندا كورىنىس تابادى.
20. ۇيىم يادرولىق ماتەريالداردىڭ ەكسپورتى/يمپورتى, قازاقستان رەسپۋبليكاسىنىڭ اۋماعى ارقىلى ورىن اۋىستىرۋى تۋرالى ۋاكىلەتتى ورگان بەكىتكەن نىسان بويىنشا الدىن الا حابارلامانى بولجامدى ەكسپورت/يمپورت, ولاردىڭ قازاقستان رەسپۋبليكاسىنىڭ اۋماعى ارقىلى ورىن اۋىستىرۋ كۇنىنە دەيىن كۇنتىزبەلىك 30 كۇننەن كەشىكتىرمەي ۋاكىلەتتى ورگانعا جىبەرەدى.
يادرولىق ماتەريالداردىڭ قازاقستاننىڭ ىشىندە بولسىن, ودان تىس جەردە بولسىن جوسپاردان تىس ورنىن اۋىستىرعان جاعدايدا, ۇيىم وسىنداي شەشىم قابىلداعاننان كەيىن ۋاكىلەتتى ورگانعا الدىن الا حابارلاما جىبەرەدى.
ۇيىم 5 جۇمىس كۇنى ىشىندە ۋاكىلەتتى ورگان بەكىتكەن نىسان بويىنشا يادرولىق ماتەريالداردى ەكسپورت/يمپورت ارقىلى جونەلتكەنى نەمەسە العانى تۋرالى حابارلامانى ۋاكىلەتتى ورگانعا جىبەرەدى.
21. ۇيىم ەسەپتى توقساننان كەيىنگى ايدىڭ 10-كۇنىنە دەيىن ۋاكىلەتتى ورگانعا ەكسپورت/يمپورت, قازاقستان رەسپۋبليكاسىنىڭ اۋماعى ارقىلى ورىن اۋىستىرۋ يادرولىق ماتەريالدى تيەۋ نەمەسە جونەلتۋ تۋرالى جيىنتىق ەسەپتى جىبەرەدى.
22. بارلىق يادرولىق ماتەريالدار بويىنشا ەسەپكە الۋ دەرەكتەرىنىڭ دۇرىستىعىن قامتاماسىز ەتۋ ءۇشىن ۇيىم ولارعا فيزيكالىق تۇگەندەۋ جۇرگىزەدى, تۇگەندەۋ كەزىندە تەڭگەرىم ايماعىنداعى يادرولىق ماتەريالداردىڭ ناقتى سانى ولشەنەدى جانە جاي-كۇيى قۇجاتپەن راستالادى, الىنعان ناتيجەلەر تالدانادى.
23. ۇيىم باستاپقى (يادرولىق ماتەريالدى جاڭا تەڭگەرىم ايماعىندا ەسەپكە قويۋ), جوسپارلى (جىلىنا ءبىر رەت), جوسپاردان تىس (رۇقساتسىز پايدالانۋ, يادرولىق ماتەريالدىڭ جوعالۋ فاكتىسىن انىقتاۋ, توتەنشە جاعدايلار, تەڭگەرىم ايماعىن تاراتۋ/قايتا ۇيىمداستىرۋ) فيزيكالىق تۇگەندەۋ جۇرگىزەدى.
24. يادرولىق ماتەريالدىڭ بارلىق سانى (پارتياسى) ءبىر رەت قانا تۇگەندەلەدى; ماتەريالدىق تەڭگەرىم كەزەڭىنە قاتىستى تۇگەندەۋ سانىنداعى بارلىق وزگەرىستەر قۇجاتتاردا كورسەتىلەدى; يادرولىق ماتەريالدىڭ بارلىق سانى ەسەپكە الۋ جازباسىنا ەنگىزىلەدى.
25. جوسپارلى جانە جوسپاردان تىس فيزيكالىق تۇگەندەۋلەردىڭ قورىتىندىسى بويىنشا اكتى جاسالادى, ماتەريالدىق تەڭگەرىم شىعارىلادى, يادرولىق ماتەريالدى ەسەپكە الۋ جۋرنالىندا تىركەلگەن جانە ناقتى قولدا بار سانى اراسىنداعى ايىرماشىلىق باعالانادى, يادرولىق ماتەريالدىڭ قولدا بار سانىنىڭ ءتىزىمى جانە ماتەريالدىق-تەڭگەرىمدىك ەسەپ جاسالادى.
26. ۇيىم ەسەپ بەرۋ قۇجاتتارىن (فيزيكالىق تۇگەندەۋ جۇرگىزگەننەن كەيىن كۇنتىزبەلىك 10 كۇن ىشىندە ەسەپ جانە ماتەريالدىق-تەڭگەرىمدىك ەسەپ ۇسىنىلاتىن اي اياقتالعان سوڭ كۇنتىزبەلىك 10 كۇن ىشىندە ايىنا ءبىر رەت تۇگەندەۋ سانىنىڭ وزگەرگەنى تۋرالى ەسەپ) ۋاكىلەتتى ورگان بەكىتكەن نىساندار بويىنشا ەلەكتروندى تۇردە جانە قاعاز كوشىرمەدە ۋاكىلەتتى ورگانعا جىبەرەدى.
27. يادرولىق ماتەريالدارعا كىرۋدى باقىلاۋ يادرولىق ماتەريالدارعا رۇقساتسىز قول جەتكىزۋدى انىقتاۋعا ارنالعان جانە ونىڭ تۇتاستىعىن بۇزباي پارامەترلەردى قايتادان پايدالانباي نەمەسە وزگەرتپەي الۋ ىقتيمالدىعىنان قورعالعان تەحنيكالىق قۇرىلعىلاردى, سونداي-اق ۇيىم بەلگىلەگەن راسىمدەرگە سايكەس باقىلاۋ جۇيەلەرىن قولدانۋ ارقىلى جۇزەگە اسىرىلادى.
يادرولىق ماتەريالعا نەمەسە ەسەپكە الۋ دەرەكتەرىنە رۇقساتسىز كىرۋ بەلگىلەرى بايقالعان جاعدايدا, ۇيىم بۇزۋشىلىقتاردىڭ ءمان-جايلارىنا تەكسەرۋ جانە جوسپاردان تىس فيزيكالىق تۇگەندەۋ جۇرگىزەدى. ۋاكىلەتتى ورگانعا 24 ساعات ىشىندە جىبەرىلەتىن ارنايى ەسەپ جاسالادى.
28. يادرولىق ماتەريالعا قاتىستى ەسەپكە الۋ جانە باقىلاۋ شارالارىن قولدانۋ ونى تولىق پايدالانۋ نەمەسە ول قانداي دا ءبىر يادرولىق قىزمەت ءۇشىن جارامسىز نەمەسە ءىس جۇزىندە وندىرىلمەيتىن بولاتىنداي سۇيىلتۋ فاكتىسى انىقتالعاننان كەيىن توقتاتىلادى. يادرولىق ماتەريالدى ەسەپتەن الۋ تۋرالى شەشىمدى ۇيىم ۋاكىلەتتى ورگانمەن كەلىسەدى جانە قۇجاتپەن رەسىمدەيدى.
4. ساۋلە شىعارۋ كوزدەرىن ەسەپكە الۋ ءتارتىبى
29. ۇيىم ساۋلە شىعارۋ كوزدەرىن جوعالتۋ, باقىلاۋسىز پايدالانۋ جانە ولارمەن بارلىق جۇمىس كەزەڭى ىشىندە ساقتاۋ مۇمكىندىگىن بولدىرمايتىن ولاردىڭ ەسەبىن جۇرگىزۋدى قامتاماسىز ەتەدى.
30. ساۋلە شىعارۋ كوزدەرىن ءبىر ۇيىمنان ەكىنشى ۇيىمعا بەرۋ گيگيەنالىق نورماتيۆتەرگە, سانيتاريالىق قاعيدالارعا, ساۋلە شىعارۋ كوزدەرىن تاسىمالداۋ جونىندەگى تالاپتارعا سايكەس رەسىمدەلەتىن ىلەسپە قۇجاتتاردىڭ (قابىلداۋ-بەرۋ اكتىلەرىنىڭ, جۇكقۇجاتتارىنىڭ, تاپسىرىستاردىڭ-وتىنىشتەردىڭ جانە ت.ب.) جانە بۋحگالتەرلىك ەسەپتىڭ جانە ول بولعان كەزدە ءتيىستى اۋماقتاعى حالىقتىڭ سانيتاريالىق-ەپيدەميولوگيالىق ساۋلىعى سالاسىندا مەملەكەتتىك ساياساتتى ىسكە اسىرۋدى جۇزەگە اسىراتىن اتقارۋشى ورگاننىڭ (بۇدان ءارى – مەمسانقاداعالاۋ ورگاندارى) سانيتاريالىق-ەپيدەميولوگيالىق قورىتىندىسىنىڭ نەگىزىندە جۇرگىزىلەدى.
31. ون كۇن مەرزىمدە ۇيىم (ساۋلە شىعارۋ كوزدەرىن العان جانە بەرگەن) بۇل تۋرالى ساۋلە شىعارۋ كوزدەرىنىڭ قوزعالىسى تۋرالى اقپاراتتى بەرۋ نىساندارى بويىنشا ءتيىستى اۋماقتاعى ۋاكىلەتتى ورگان مەن مەمسانقاداعالاۋ ورگانىنا حابارلايدى.
32. ساۋلە شىعارۋ كوزدەرىن العان كۇننەن باستاپ 3 تاۋلىكتەن كەشىكتىرمەي ىلەسپە قۇجاتتار كىرىسكە الۋ ءۇشىن ۇيىمنىڭ بۋحگالتەرياسىنا بەرىلەدى.
بۋحگالتەرلىك ەسەپتىلىك قۇجاتتارىن قوسپاعاندا, ىلەسپە قۇجاتتاردىڭ كوشىرمەلەرى ساۋلە شىعارۋ كوزدەرىن ەسەپكە الۋعا جاۋاپتى ادامعا بەرىلەدى.
33. ۇيىم ساۋلە شىعارۋ كوزدەرىنە ارنالعان ىلەسپە قۇجاتتاردىڭ ساقتالۋىن ولاردىڭ تىرشىلىك تسيكلىنىڭ بۇكىل ۋاقىتى ىشىندە قامتاماسىز ەتەدى. ىلەسپە قۇجاتتار جوعالعان جاعدايدا, ولاردى قالپىنا كەلتىرۋ بويىنشا شارالار قولدانىلادى.
34. بارلىق الىنعان ساۋلە شىعارۋ كوزدەرى كىرىس-شىعىس جۋرنالىنا تىركەلەدى.
35. جىل سايىن, 1 - 30 جەلتوقسان ارالىعىنداعى كەزەڭدە ۇيىمداردا ساۋلە شىعارۋ كوزدەرىنە تۇگەندەۋ جۇرگىزىلەدى.
ساۋلە شىعارۋ كوزدەرىنە تۇگەندەۋ جۇرگىزۋدىڭ ماقساتى ولاردىڭ بار-جوعىن ايقىنداۋ جانە ساۋلە شىعارۋ كوزدەرىنىڭ كىرىس-شىعىس جۋرنالدارى مەن بۋحگالتەرلىك قۇجاتتامالارداعى ەسەپكە الۋ جازبالارىنىڭ ناقتى قولدا بار ەسەپتىك بىرلىكتەرىنە سايكەستىگىن انىقتاۋ بولىپ تابىلادى.
36. ساۋلە شىعارۋ كوزدەرىن تۇگەندەۋدى ۇيىم اكىمشىلىگىنىڭ بۇيرىعىمەن تاعايىندالعان كوميسسيا جۇرگىزەدى. تۇگەندەۋ كوميسسياسىنىڭ قۇرامىنا ساۋلە شىعارۋ كوزدەرىن ەسەپكە الۋعا, ساقتاۋعا جاۋاپتى ادامدار, سونداي-اق اكىمشىلىك پەن بۋحگالتەريانىڭ وكىلدەرى ەنگىزىلەدى.
37. ساۋلە شىعارۋ كوزدەرىن تۇگەندەۋ قورىتىندىسى بويىنشا كوميسسيا تۇگەندەۋ اكتىسىن رەسىمدەيدى.
ەسەپتى جىلدان كەيىنگى 31 قاڭتارعا دەيىن ساۋلە شىعارۋ كوزدەرىن تۇگەندەۋ اكتىسىنىڭ كوشىرمەسى ۋاكىلەتتى ورگانعا جانە ءتيىستى اۋماقتاعى مەمسانقاداعالاۋ ورگاندارىنا جىبەرىلەدى.
اكتىگە تۇگەندەۋ جۇرگىزۋ كەزىندە ۇيىمدا ەسەپتە تۇرعان كوزدەردىڭ تىزبەسىمەن قوسا اقپارات ۇسىنۋ نىسانى, سونداي-اق باسشىلىق قول قويعان جانە ۇيىمنىڭ مورىمەن كۋالاندىرىلعان, ەسەپتى كەزەڭ ىشىندە ساۋلە شىعارۋ كوزدەرىنىڭ قوزعالىسى تۋرالى جيىنتىق دەرەكتەر بار اقپارات ۇسىنۋ نىسانى قوسا بەرىلەدى. ءبىر مەزگىلدە اقپارات بەرۋ نىسانىنىڭ ەلەكتروندىق كوشىرمەلەرى ۋاكىلەتتى ورگانعا ەلەكتروندىق جەتكىزگىشتە جىبەرىلەدى.
38. ەسەپكە الۋ دەرەكتەرىنىڭ ساۋلە شىعارۋ كوزدەرىنىڭ ناقتى سانىنا سايكەسسىزدىگى انىقتالعان نەمەسە ولاردى ۇيىمنىڭ رۇقسات ەتىلگەن قىزمەتىنە سايكەس كەلمەيتىن ماقساتتارعا پايدالانعان جاعدايدا, اكىمشىلىك قىزمەتتىك تەكسەرۋ جۇرگىزەدى.
رەسىمدەگەننەن كەيىن كۇنتىزبەلىك 10 كۇن ىشىندە قىزمەتتىك تەكسەرۋ ماتەريالدارى ۋاكىلەتتى ورگانعا, سونداي-اق ءتيىستى اۋماقتاعى مەمسانقاداعالاۋ ورگانىنا جىبەرىلەدى.
39. كەزەكتەن تىس تۇگەندەۋ ۇيىمنىڭ ۇيىمدىق-قۇقىقتىق نىسانى وزگەرگەن, ونى تاراتقان نەمەسە قايتا ۇيىمداستىرعان, ساۋلە شىعارۋ كوزدەرىمەن جۇمىس تولىق توقتاتىلعان جاعدايلاردا, ۇيىمنىڭ مۇلكىن جالعا بەرۋ, ساتىپ الۋ, ساتۋ, ۇرلاۋ فاكتىسى انىقتالعان, ساۋلە شىعارۋ كوزدەرى ورنالاسقان نەمەسە ساقتالعان پۋنكتتەرگە (جەرگە) رۇقساتسىز ىقپال جاسالعان كەزدە, توتەنشە جاعدايلاردىڭ زارداپتارىن جويعاننان كەيىن جۇرگىزىلەدى.
40. ساۋلە شىعارۋ كوزدەرىن ۇيىمعا ۋاقىتشا پايدالانۋىنا (جالعا) بەرگەننەن كەيىن ون كۇن مەرزىمدە (كوزدىڭ يەسى, جالعا الۋشى) بۇل تۋرالى ساۋلە شىعارۋ كوزدەرىنىڭ قوزعالىسى تۋرالى اقپارات بەرۋ نىسانى بويىنشا ۋاكىلەتتى ورگانعا حابارلايدى.
ەكى ۇيىم دا ساۋلە شىعارۋ كوزدەرىن ۋاقىتشا پايدالانۋ جۇمىستارى اياقتالعاننان كەيىن ون كۇن مەرزىمدە بۇل تۋرالى ساۋلە شىعارۋ كوزدەرىنىڭ قوزعالىسى تۋرالى اقپاراتتى بەرۋ نىسانى بويىنشا ۋاكىلەتتى ورگانعا حابارلايدى.
41. ساۋلە شىعارۋ كوزدەرىمەن جۇمىس توقتاتىلعان جاعدايدا ۇيىم بۇل تۋرالى ۋاكىلەتتى ورگانعا, سونداي-اق ءتيىستى اۋماقتاعى مەمسانقاداعالاۋ ورگانىنا حابارلايدى. كىرىس-شىعىس جۋرنالىنا ءتيىستى جازۋلار ەنگىزىلەدى. كىرىس-شىعىس جۋرنالدارى ۇيىمنىڭ مۇراعاتىنا تاپسىرىلادى جانە 10 جىل بويى ساقتالادى.
42. ۇيىم تاراتىلعان جاعدايدا ەسەپتە تۇرعان بارلىق ساۋلە شىعارۋ كوزدەرى باسقا ۇيىمعا بەرىلەدى نەمەسە راديونۋكليد كوزدەرىن كومۋگە بەرىلەدى, ال يونداۋشى ساۋلە وندىرەتىن قوندىرعىلار بولشەكتەلەدى جانە تاراتۋ پروتسەسى باستالعانعا دەيىن اكتى بويىنشا ەسەپتەن شىعارىلادى. بۇل تۋرالى اقپارات ۋاكىلەتتى ورگانعا جانە ءتيىستى اۋماقتاعى مەمسانقاداعالاۋ ورگانىنا جىبەرىلەدى.
43. ساۋلە شىعارۋ كوزدەرىن ۇزاق ۋاقىت ساقتاۋدى جۇزەگە اسىراتىن ۇيىم ون كۇن مەرزىمدە راديونۋكليد كوزدەرىن العانى تۋرالى اقپارات ۇسىنۋدىڭ ءتيىستى نىسانى بويىنشا ۋاكىلەتتى ورگانعا ەسەپ بەرەدى.
راديونۋكليد كوزدەرىن كومۋ پاسپورتتارىنىڭ كوشىرمەلەرى ولاردى رەسىمدەگەننەن كەيىن ون كۇندىك مەرزىمدە ۋاكىلەتتى ورگانعا جىبەرىلەدى.
ۋاكىلەتتى ورگانعا ەسەپتى جىلدان كەيىنگى 31 قاڭتارعا دەيىن باسشىلىق قول قويعان جانە ۇيىمنىڭ مورىمەن كۋالاندىرىلعان, ۇزاق ۋاقىت ساقتاۋعا الىنعان راديونۋكليد كوزدەرى تۋرالى ەسەپتى كەزەڭدەگى جيىنتىق دەرەكتەر بار اقپارات بەرۋ نىسانى ۇسىنىلادى.
ەسەپتىك سيپاتتامالاردىڭ دۇرىستىعىن تەكسەرۋ ماقساتىندا مامانداندىرىلعان ۇيىم قاۋىپتىلىگى I – IV ساناتتاعى جابىق راديونۋكليد كوزدەرىنە سايكەستەندىرۋ جۇرگىزەدى. جابىق راديونۋكليد كوزدەرىنىڭ قاۋىپتىلىك ساناتتارى قازاقستان رەسپۋبليكاسى ۇكىمەتىنىڭ 2012 جىلعى 3 اقپانداعى № 201 قاۋلىسىمەن بەكىتىلگەن «رادياتسيالىق قاۋىپسىزدىكتى قامتاماسىز ەتۋگە قويىلاتىن سانيتاريالىق-ەپيدەميولوگيالىق تالاپتار» گيگيەنالىق نورماتيۆتەرىنىڭ 6-قوسىمشاسىنداعى 1-كەستەگە سايكەس ايقىندالادى.
سايكەستەندىرۋ يونداۋشى ساۋلە شىعارۋدان ارنايى قورعاۋ قۇرالدارىن قولدانا وتىرىپ جانە ۇيىم ازىرلەگەن تەحنيكالىق رەگلامەنت پەن رادياتسيالىق قاۋىپسىزدىكتى قامتاماسىز ەتۋ جونىندەگى نۇسقاۋلىققا سايكەس جۇرگىزىلەدى.
قاۋىپتىلىگى I – IV ساناتتاعى جابىق راديونۋكليد كوزدەرىنىڭ ەسەپتىك سيپاتتامالارىن سايكەستەندىرۋ ناتيجەلەرىنىڭ ىلەسپە قۇجاتتارعا سايكەسسىزدىگى انىقتالعان جاعدايدا اكتى جاسالادى, ول ۋاكىلەتتى ورگانعا جانە بۇرىن وسى كوزدەردى پايدالانعان ۇيىمعا نەمەسە ءونىم بەرۋشى ۇيىمعا جىبەرىلەدى. ءونىم بەرۋشى ۇيىم سايكەستەندىرۋ اكتىسىن كوزدەر الىنعان ۇيىمعا بەرەدى. ۇيىم قىزمەتتىك تەكسەرۋ جۇرگىزەدى, ونىڭ ناتيجەلەرى رەسىمدەلگەننەن كەيىن 10 كۇن ىشىندە ۋاكىلەتتى ورگانعا جانە ءتيىستى اۋماقتاعى مەمسانقاداعالاۋ ورگانىنا جىبەرىلەدى.
44. يونداۋشى ساۋلە شىعارۋ كوزدەرىن جەتكىزۋشى ۇيىم ون كۇندىك مەرزىمدە ۋاكىلەتتى ورگانعا اقپاراتتى ۇسىنۋدىڭ ءتيىستى نىسانى بويىنشا يونداۋشى ساۋلە وندىرەتىن قۇرىلعىنى (كوزدەردى) قوسا العاندا, ءاربىر ساۋلە شىعارۋ كوزدەرىنىڭ جەتكىزىلىمى (تاسىمالى) تۋرالى ەسەپ بەرەدى.
ۋاكىلەتتى ورگانعا ەسەپتى جىلدان كەيىنگى 31 قاڭتارعا دەيىن باسشىلىق قول قويعان جانە ۇيىمنىڭ مورىمەن كۋالاندىرىلعان ەسەپتى كەزەڭدە يونداۋشى ساۋلە وندىرەتىن قۇرىلعىنى (كوزدەردى) قوسا العاندا, ساۋلە شىعارۋ كوزدەرىنىڭ جەتكىزىلىمى (تاسىمالى) تۋرالى جيىنتىق دەرەكتەر بار اقپاراتتى بەرۋ نىسانى ۇسىنىلادى.
45. دايىنداۋشى ۇيىم يونداۋشى ساۋلە وندىرەتىن قۇرىلعىنى (كوزدەردى) قوسا العاندا, بارلىق دايىندالعان ساۋلە شىعارۋ كوزدەرىن ەسەپكە الادى. كىرىس-شىعىس جۋرنالدارىنا ساۋلە شىعارۋ كوزدەرىن دايىنداعاننان كەيىن بىردەن ءتيىستى جازۋ ەنگىزىلەدى.
ون كۇندىك مەرزىمدە دايىنداۋشى ۇيىم ۋاكىلەتتى ورگانعا ساۋلە شىعارۋ كوزدەرىنىڭ ءاربىر جەتكىزىلىمى (ساتۋ) تۋرالى ەسەپ بەرەدى.
ۋاكىلەتتى ورگانعا ەسەپتى جىلدان كەيىنگى 31 قاڭتارعا دەيىن ەسەپتى كەزەڭدەگى جەتكىزىلىمدەر (ساتۋ) تۋرالى جيىنتىق دەرەكتەر بار اقپارات بەرۋ نىسانىن, سونداي-اق باسشىلىق قول قويعان جانە ۇيىمنىڭ مورىمەن كۋالاندىرىلعان, دايىندالعان, بىراق ساتىلماعان ساۋلە شىعارۋ كوزدەرىنىڭ تىزبەسى ۇسىنىلادى.
46. ۇيىم ساۋلە شىعارۋ كوزدەرىنىڭ بولجامدى ەكسپورتتاۋ نەمەسە يمپورتتاۋ كۇنىنە دەيىن كۇنتىزبەلىك 30 كۇننەن كەشىكتىرمەي, 1 جانە 2 ساناتتاعى جابىق راديواكتيۆتى كوزدەردىڭ ەكسپورتى/يمپورتى تۋرالى ۋاكىلەتتى ورگان بەكىتكەن نىسان بويىنشا ۋاكىلەتتى ورگانعا الدىن الا جازباشا حابارلاما جىبەرەدى.
جوسپاردان تىس جونەلتكەن جانە العان جاعدايدا الدىن الا حابارلاما ءىس جۇزىندە جىبەرىلگەنگە نەمەسە العانعا دەيىن وسىنداي 1 جانە 2 ساناتتاعى كوزدەردى جىبەرۋ جانە الۋ تۋرالى شەشىم قابىلداعاننان كەيىن دەرەۋ ۋاكىلەتتى ورگانعا جىبەرىلەدى.
47. ۇيىم ساۋلە شىعارۋ كوزدەرىن يمپورتتاۋعا نەمەسە ەكسپورتتاۋعا ليتسەنزيا العاننان كەيىن 5 جۇمىس كۇنى ىشىندە ولاردىڭ كوشىرمەلەرىن ۋاكىلەتتى ورگانعا جىبەرەدى.
48. ۇيىم ساۋلە شىعارۋ كوزدەرىن ەكسپورتتاۋ/يمپورتتاۋ بويىنشا بەرگەننەن نەمەسە العاننان كەيىن 10 جۇمىس كۇنى ىشىندە ۋاكىلەتتى ورگان بەكىتكەن نىسان بويىنشا حابارلامانى جانە كەدەندىك جۇك دەكلاراتسياسىنىڭ كوشىرمەسىن ۋاكىلەتتى ورگانعا جىبەرەدى.
49. ۇيىمدار ساۋلە شىعارۋ كوزدەرىن جوعالتقان جاعدايدا, 24 ساعات ىشىندە بۇل تۋرالى ۋاكىلەتتى ورگانعا, ءتيىستى اۋماقتاعى مەمسانقاداعالاۋدىڭ ورتالىق ورگانىنا جانە ونىڭ بولىمشەلەرىنە, ىشكى ىستەر جانە توتەنشە جاعدايلار ورگاندارىنا حابارلايدى.
50. ۋاكىلەتتى ورگان ساۋلە شىعارۋ كوزدەرىنىڭ بار-جوعى, قوزعالىسى, ساقتالۋى مەن كومىلۋى, دايىندالۋى, ەكسپورتى مەن يمپورتى تۋرالى ۇيىمنان الىنعان مالىمەتتەردى مەملەكەتتىك تىزىلىمگە ەنگىزەدى.
51. اقپارات بەرۋ نىساندارىنىڭ ەلەكتروندىق كوشىرمەلەرى ۋاكىلەتتى ورگانعا ەلەكتروندىق جەتكىزگىشتە جىبەرىلەدى.
