وتىرىستى اشقان «رۋحاني جاڭعىرۋ» قازاقستاندىق قوعامدىق دامۋ ينستيتۋتىنىڭ باسقارما توراعاسى اسىلبەك ەسەنباەۆ وڭىرلىك ساياسات مەملەكەت باسشىسىنىڭ جولداۋلارىندا باستى ورىن الاتىنىن ايتتى.
«مەملەكەت باسشىسى بيىلعى جولداۋىندا الدىڭعى ەكى باستاماعا نەگىزدەلگەن يدەيالاردى جالعاستىرا وتىرىپ, وڭىرلىك ساياسات ماسەلەلەرىنىڭ پروبلەمالىق سپەكترىن تولىقتىرادى جانە كەڭەيتەدى. پرەزيدەنت تاپسىرمالارىنىڭ جيىنتىعى بويىنشا وسى ستراتەگيالىق قۇجاتتا وڭىرلىك دامۋ باعدارلاماسىنىڭ ناقتى تەتىكتەرى قاراستىرىلعان», دەدى اسىلبەك ەسەنباەۆ.
ونىڭ ايتۋىنشا, بيۋدجەت شىعىندارىنا باسىمدىق بەرۋ - وتە دۇرىس جانە ماڭىزدى ماسەلە.
«قازىر وڭىرلەردىڭ بيۋدجەتىن قالىپتاستىرۋ كەزىندە جۇرتشىلىقتى تارتۋ, سونداي-اق شىعىنداردى باقىلاۋ قاجەت ەكەنى انىق. «بيۋدجەتكە قاتىسۋ» ءتۇرلى وڭىرلەردە ءساتتى سىناقتان ءوتتى, بۇل جەرگىلىكتى ءوزىن-ءوزى باسقارۋدى دامىتۋداعى پارمەندى قادامداردىڭ ءبىرى», دەدى سپيكەر.
جەرگىلىكتى ءوزىن-ءوزى باسقارۋدى دامىتۋدىڭ 2025 جىلعا دەيىنگى تۇجىرىمداماسىندا ازاماتتاردى مەملەكەتتىك باسقارۋ پروتسەسىنە بەلسەندى تارتۋ ماقساتىندا اكىم سايلاۋىن ەنگىزۋ جونىندەگى شارالار ايقىندالعان.
«بيىل اۋىل اكىمدەرىن تىكەلەي سايلاۋ وتكىزىلدى. بۇل ساياسي رەفورماعا جاسالعان ۇلكەن قادام. ەكىنشى قادام اۋدان اكىمدەرىن سايلاۋ مۇمكىندىگى بولماق. بۇل شارالاردىڭ بارلىعى ازاماتتاردىڭ مۇددەسىن ساپالى جۇزەگە اسىرۋعا باعىتتالعان», دەدى قوعام قايراتكەرى, شوقان ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ الەۋمەتتىك-مادەني دامۋ جونىندەگى پرورەكتورى عالىم بايتۇق.
ە.ا. بوكەتوۆا اتىنداعى قاراعاندى ۋنيۆەرسيتەتىنىڭ ساياساتتانۋ جانە الەۋمەتتانۋ كافەدراسى مەڭگەرۋشىسى مىندەتىن اتقارۋشى ەلدوس جۇماعۇلوۆ 2024 جىلى وتەتىن اۋدان اكىمدەرىن سايلاۋ ەلىمىزدىڭ ساياسي ومىرىندەگى ماڭىزدى وقيعا بولاتىنىن اتاپ ءوتتى.
«سايلاۋ ينستيتۋتىن دامىتۋ - ازاماتتاردىڭ مەملەكەت ىستەرىنە قاتىسۋ قۇقىعىن ىسكە اسىرۋدىڭ ماڭىزدى ءتاسىلى. ماسەلەن, قاراعاندى وبلىسىنداعى اۋىل اكىمدەرىن سايلاۋعا ەلەكتوراتتىڭ 75%-ءى قاتىستى, ونىڭ ىشىندە «اۋىل», «اقجول», «ادال» سياقتى پارتيالاردىڭ وكىلدەرى جەڭىسكە جەتتى. بۇنى پروگرەسسيۆتى ساياسي وزگەرىس دەپ ايتۋعا بولادى», دەدى ەلدوس جۇماعۇلوۆ.
سونىمەن بىرگە مەملەكەت باسشىسى جولداۋىندا: «حالىق ۇنىنە قۇلاق اساتىن مەملەكەتتىڭ» باستى قاعيداتى – مەملەكەتتىك اپپارات ازاماتتاردىڭ مۇددەسى ءۇشىن جۇمىس ىستەۋگە ءتيىس», دەپ اتاپ ءوتتى. بۇل ەڭ الدىمەن جەرگىلىكتى بيلىككە قاتىستى. ەل پرەزيدەنتى اكىمدىكتەرگە ازاماتتارمەن ءوزارا ءىس-قيمىل جاساۋ جانە ولاردىڭ پروبلەمالارىن جەدەل شەشۋ قاجەتتىگىن اتاپ ءوتتى. وسىلايشا, ءوڭىر باسشىلىعى جەرگىلىكتى ەكونوميكانى دامىتۋعا, سونىڭ سالدارىنان تۇرعىنداردىڭ ءال-اۋقاتىن ارتتىرۋعا باعىتتالۋعا ءتيىس», دەپ جازىلعان ءباسپاسوز حابارلاماسىندا.
جامبىل وبلىسى اكىمى اپپاراتى باسشىسىنىڭ ورىنباسارى نۇرلان كۇنتۋوۆ وڭىردە ازاماتتاردىڭ الەۋمەتتىك كوڭىل-كۇيىن جاقسارتۋ ءۇشىن قابىلدانىپ جاتقان شارالار تۋرالى ايتتى.
ء«بىزدىڭ وڭىردە بۇدان ءارى ازاماتتاردىڭ ءومىر ءسۇرۋ ۇزاقتىعىن 74,4 جاسقا دەيىن ۇلعايتۋ جوسپارلانىپ وتىر. بۇگىندە وبلىستا مەديتسينالىق قامتاماسىز ەتۋ دەڭگەيى 88%-ءتى قۇرايدى. مەملەكەت باسشىسىنىڭ جولداۋىندا ايتىلعان 1 000 مەكتەپ سالۋ تۋرالى باستاماعا قاتىستى وڭىردە بۇگىندە 23 جاڭا مەكتەپتىڭ قۇرىلىسى ءجۇرىپ جاتىر», دەدى نۇرلان كۇنتۋوۆ.
وتىرىس بارىسىندا قاراعاندى وبلىسىنىڭ «رۋحاني جاڭعىرۋ» ءروب باسشىسى ايتباي جۇماعۇلوۆ, ساراپشىلار ەرلان مەدەۋباەۆ, دينا ايكەنوۆا جانە ت. ب. ءسوز سويلەدى.
SARAP كلۋبىنىڭ وتىرىسىندا ساراپشىلار قازاقستاننىڭ وڭىرلىك ساياساتىن جەتىلدىرۋ بارلىق ءوڭىردىڭ ۇدەمەلى جانە تەڭگەرىمدى الەۋمەتتىك-ەكونوميكالىق دامۋىنا باعىتتالعانىن اتاپ ءوتتى.
ءىس-شارانى اقارات جانە قوعامدىق دامۋ مينيسترلىگىنىڭ قولداۋىمەن «رۋحاني جاڭعىرۋ» قازاقستاندىق قوعامدىق دامۋ ينستيتۋتى ۇيىمداستىردى.
