Yonhap اقپاراتتىق اگەنتتىگىنىڭ جازۋىنا قاراعاندا وڭتۇستىك كورەيا سۇڭگۋىر قايىقتان ءوز ءوندىرىسىنىڭ بالليستيكالىق زىمىرانىن ۇشىرعان الەمدەگى جەتىنشى ەل.
وڭتۇستىك كورەيانىڭ مەملەكەت باسشىسى مۋن چجە ين سىناق ورتالىعىندا ۇشۋ بارىسىن باقىلادى. پرەزيدەنت اكىمشىلىگى سۇڭگۋىر قايىقتاردان ۇشىرىلاتىن بالليستيكالىق زىمىراننىڭ بولۋى كوپتەگەن قاتەرلەردىڭ الدىن الۋ تۇرعىسىنان ماڭىزدى ەكەنىن ايتتى.
وڭتۇستىك كورەيا شتاب باستىقتارى (JCS) 15 قىركۇيەك كۇنى تاڭەرتەڭ سولتۇستىك كورەيا كورەي تۇبەگىنىڭ شىعىس جاعالاۋىنا قىسقا قاشىقتىققا ەكى بالليستيكالىق زىمىران ۇشىرعانىن حابارلادى.
ايتا كەتۋ كەرەك, زىمىران سىناعى اقش پەن وڭتۇستىك كورەيا ديپلوماتتارىنىڭ ءبىر كۇن بۇرىن توكيودا وتكەن «سولتۇستىك كورەيا ماسەلەسى» بويىنشا كەزدەسۋىنەن كەيىن بولدى.
