اۋىل • 15 قىركۇيەك، 2021

21 اۋىلدىڭ اكىمى سايلاندى

62 رەت كورسەتىلدى

1 تامىزدان بەرى تاعى 21 ەلدى مەكەننىڭ اكىمى تىكەلەي سايلاۋ ارقىلى قىزمەتكە كىرىستى. بۇل تۋرالى قر پرەزيدەنتىنىڭ كومەكشىسى ەرلان قارين مالىمدەدى، دەپ حابارلايدى Egemen.kz.

«بيىل ەلىمىزدىڭ 730 اۋىلدىق وكرۋگىندە العاش رەت اكىمدەردىڭ تىكەلەي سايلاۋى وتكەن. بۇل ءبىر رەتتىك ناۋقان ەمەس. اكىمدەردىڭ وكىلەتتى مەرزىمى اياقتالۋىنا قاراي سايلاۋ باسقا ەلدى مەكەندەردە دە وتەدى. ءىس جۇزىندە اپتا سايىن قازاقستاننىڭ قانداي دا ءبىر وڭىرىندە اۋىل تۇرعىندارى ءوز اكىمىن سايلايدى. 1 تامىزدان باستاپ تىكەلەي داۋىس بەرۋ ارقىلى تاعى 21 اۋىلدىق وكرۋگتىڭ باسشىلارى سايلاندى. سوندا بۇگىنگە دەيىن بارلىعى 751 اۋىلدىق وكرۋگتە اكىم سايلاۋى وتكەن»، دەپ جازدى پرەزيدەنتتىڭ كومەكشىسى.

ونىڭ ايتۋىنشا، سايلانعان اكىمدەردىڭ 86%-ىن ساياسي پارتيالار كانديدات رەتىندە ۇسىنسا، 14%-ى ءوزىن-ءوزى ۇسىنعان.

«سايلانعان اكىمدەردىڭ 50%-عا جۋىعى – بۇرىن اكىم لاۋازىمىندا جۇمىس ىستەپ كورمەگەن جاڭا تۇلعالار. وسىلايشا، تىكەلەي سايلانبالى جۇيەنىڭ ەنۋى اۋىل اكىمدەرى كورپۋسىنىڭ جاڭارۋىنا سەپتىگىن تيگىزىپ جاتىر دەپ ايتۋعا بولادى. جىل سوڭىنا دەيىن تاعى 70-تەن استام اۋىلدىق وكرۋگتە اكىم سايلاۋىن وتكىزۋ جوسپارلانىپ وتىر»، دەيدى ەرلان قارين.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار