كينو • 15 قىركۇيەك، 2021

تريلوگيانىڭ ەكىنشى ءبولىمىن ءتۇسىرىپ جاتىر

39 رەت كورسەتىلدى

بۇقارالىق اقپارات قۇرالدارىنىڭ وكىلدەرى الماتى مەكتەپتەرىنىڭ بى­رىن­دە ءتۇسىرىلىپ جاتقان «حاردكور» ءفيلمىنىڭ (شارتتى اتاۋى) تۇسىرىلىمدە­­رىنە بارىپ قايتتى. ول ءۇشىن ءفيلمنىڭ ءتۇسىرۋ كومانداسى ارنايى ءباسپا­سوز-تۋرىن ۇيىمداستىرعان بولاتىن.

«ۇلتتىق كينونى قولداۋ مەملە­كەت­تىك ورتالىعى» كەاق تاپسىرىسى بويىنشا رەجيسسەر فارحات شاري­پوۆ ءتۇسىرىپ جاتقان تريلوگيانىڭ ەكىن­شى ءبولىمى – «حاردكور» ءفيلمى بۇ­گىنگى جاسوسپىرىمدەردىڭ ومىرىنەن سىر شەر­تەدى. جاڭا فيلمدە رەجيسسەر بۇگىنگى كۇنگى ناشاقورلىق دەرتى تاقىرىبىن دا قوزعاماق.

– 2019 جىلى ۇكقمو ۇيىمداس­تىرعان ستسەناريلەر بايقاۋىندا وسى جوبانى ۇسىندىق، كەيىن قارجىلاي قولداۋعا يە بولدىق. بۇل تۋىندى «18 كيلوگەرتس» ءفيلمىنىڭ كونتسەپتۋال­دى جالعاسى. كارتيناداعى باستى كەيىپ­كەرلەر – ءجاسوسپىرىم قىزدار، – دەدى رەجيسسەر جانە ستسەناري اۆتورى فارحات شاريپوۆ.

باستى رولدە وينايتىن اكتريسانى تابۋ وڭايعا سوقپادى. بىر­نەشە ايعا سوزىلعان كاستينگ بارىسىندا كوپتەگەن ۇمىتكەردىڭ ىشى­نەن باستى رولگە حالىقارالىق بيزنەس جانە كوم­مۋنيكاتسيا كوللەدجىنىڭ ەكىنشى كۋرس ستۋدەنتى ۆيكتوريا روما­نوۆا بە­كىتىلگەن بولاتىن.

– كينوعا العاش رەت ءتۇسىپ جاتىرمىن. بالا كەزىمدە مەن دە باسقالار سياقتى اكتريسا بولعىم كەلدى، بىراق تا ەشقايدا بارمادىم. كاستينگ تۋرالى قۇربىمنان ەستى­دىم. ونىمەن بىرگە كەلىپ، سۋرەتكە ءتۇس­تىم. بىرنەشە اپتا وتكەن سوڭ ماعان حابار­لاسىپ، باس­تى رولگە بەكىتىلگەنىم تۋ­رالى ايتتى. شىنىمدى ايتسام، بىر­دەن سەنبەدىم. ونى ەستىگەن مەنىڭ اجەم قاتتى قۋان­دى. ويتكەنى رەجيس­سەر فارحات ءشا­ري­پوۆتىڭ شىعار­ماشىلىعىمەن جاق­سى تانىس ەكەن، ءتىپتى ونىڭ بارلىق ءفيل­م­ىن بىلەدى. «قىزعىلت قويان تۋرالى حيكايا» – اجەم­نىڭ ەڭ جاقسى كورەتىن ءفيلمى، – دەدى جاس اكتريسا.

ايتا كەتسەك، ءفيلمنىڭ ءتۇسىرۋ جۇ­مىس­تارى بىلتىر كۇز ايىندا باس­تال­عان بولاتىن. كارتينانىڭ پرو­ديۋ­­سەرى دينا جۇمابەكتىڭ ايتۋى­نا قارا­عاندا، ەلىمىزدەگى ەپيدەميا­لىق جاع­دايعا ­باي­لانىستى تۇسىرى­لىم­­دەر بىرنەشە رەت باس­قا كۇنگە اۋىس­تىرىلعان ەكەن.

الايدا پاندەمياعا بايلانىستى ورىن العان قيىندىققا قاراماستان، كاسىبي مامانداردان تۇراتىن ءفيلم­نىڭ ءتۇسىرۋ توبىنىڭ قۇرامى وزگەرگەن جوق. ءفيلمنىڭ قويۋشى وپەراتورى – الەكساندر پلوتنيكوۆ. ول فارحات ءشا­ريپوۆتىڭ كوپتەگەن فيلمىندە بىر­گە جۇمىس ىستەگەن. سونداي-اق ءفيلم­­نىڭ قويۋشى سۋرەتشىسى الەكسەي شين­­دين دە كوپ ۋاقىتتان بەرى رە­جيسسەر­مەن بىرگە جۇمىس ىستەپ كەلەدى. بۇگىنگى تۇسىرىلىمگە شيندين باستاعان سۋرەتشىلەر توبى گۇلدەپ تۇرعان الما اعاشىن ارنايى دايىندادى.

پروديۋسەردىڭ ايتۋىنا قاراعاندا، ءفيلمنىڭ ءتۇسىرۋ جۇمىستارى جاقىن كۇن­دەرى اياقتالىپ، پوست-پروداكشن جۇ­مىس­تارى (مونتاج، دىبىس جازۋ جا­نە تۇ­سىرگەن ماتەريالدى وڭدەۋ) باس­تا­لادى.

ءفيلمنىڭ پروكاتى تۋرالى ءالى ەش­قانداي اقپارات جوق. كينو­تۋىندىنىڭ پروديۋسەرى حالىقارالىق ديستريبيۋ­تور­لارمەن كەلىسسوزدەر جۇرگىزىپ جات­قا­نىن حابارلادى.

 

«ەگەمەن-اقپارات»

 

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار