كۇدىكتى رەتىندە باسقا ءبىر سپورتشى قاراستىرىلىپ وتىر.
وزبەكستان باس پروكۋراتۋراسى حابارلاعانداي, وقيعا 13 قىركۇيەكتە تاشكەنتتىڭ ۇچتەپە اۋدانىندا بولعان. كەشكىسىن كۇدىكتى دەلىنگەن ادام كاموليددين راسۋلوۆقا تەلەفون سوعىپ, ونىڭ كەڭەسىمەن ساتىپ العان Humo Trop ۆيتاميندەرىن قولدانعاننان كەيىن دەنساۋلىعى ناشارلاپ كەتكەنىن, دارىگەرلەر ايىقپاس دەرت دەگەن دياگنوز قويعانىن ايتقان.
«كەيىن ەكەۋى كەزدەسكەن. ارالارىندا جانجال شىققان. توبەلەس كەزىندە كۇدىكتى كاموليددين راسۋلوۆقا بىرنەشە رەت پىشاق سۇققان. كۇدىكتى ۇستالعان. بۇل ءىس بويىنشا تەرگەۋ ءجۇرىپ جاتىر», دەپ جازادى ورتالىق ازيانىڭ جاڭالىقتار قىزمەتى.
جەرگىلىكتى باسىلىمداردىڭ جازۋىنشا, ۇستالعان ادام دزيۋدو جانە ۇلتتىق كۇرەس بويىنشا وزبەكستان چەمپيونى.
