ء«بىز 15 قىركۇيەكتەن باستاپ جىل سايىن الدىن-الۋ ماقساتىندا جۇرگىزىلەتىن تۇماۋعا قارسى ۆاكتسيناتسيانى باستايمىز. ۆاكتسيناتسيا 15 قازانعا دەيىن جالعاسادى جانە ول بەكىتىلگەن جەردەگى العاشقى مەديتسينالىق-سانيتارلىق كومەك ۇيىمدارىندا جۇزەگە اسىرىلادى. ونى بەلگىلى ءبىر ساناتتاعى ادامدار تەگىن الا الادى, قالعان ازاماتتار ءوز ەمحانالارى مەن جەكە ۇيىمدارىنا جۇگىنۋ ارقىلى ءوز ەسەبىنەن ۆاكتسيناتسيالانا الادى», دەدى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ.
ۆەدومستۆو باسشىسى ءوز سوزىندە ۆاكتسيناتسيا قازىرگى ۋاقىتتا قاۋىپتىڭ الدىن-الۋ ءۇشىن ەڭ جاقسى قۇرال ەكەنىن ەسكە سالدى.
«ۆاكتسينا اۋىر اسقىنۋدى, ءتىپتى ءولىم قاۋپىن ازايتادى. ددسۇ مالىمەتتەرى بويىنشا ۆاكتسينا 18-64 جاس ارالىعىنداعى ساۋ ەرەسەكتەردە ينفەكتسيانىڭ شامامەن 60%-ىن بولدىرمايدى. تۇماۋعا قارسى ۆاكتسينانى العان سوڭ تيىمدىلىگى شامامەن 14 كۇننەن سوڭ بىلىنەدى», دەدى ت. مۇراتوۆ.
ونىڭ مالىمەتىنشە, قالا تۇرعىندارىن تۇماۋعا قارسى ۆاكتسيناتسيالاۋ ءۇشىن ەلورداعا 160 مىڭ دوزا ۆاكتسينا جەتكىزىلگەن. بىزدە 3 600 مەكتەپ وقۋشىسىن, 1 900-گە جۋىق جۇكتى ايەلدى, 2 500 مەديتسينا قىزمەتكەرىن, سوزىلمالى اۋرۋلارى بار 13 000 ەرەسەكتى تۇماۋعا قارسى تەگىن ەگۋدى جوسپارلانعان.
