Deutsche Welle باسىلىمىنىڭ مالىمەتىنشە, سەربيا پرەزيدەنتى الەكساندر ۆۋچيچپەن قاتار ءسوز سويلەگەن مەركەل باتىس بالقان ەلدەرىن ەو-عا كىرۋگە شاقىردى. سونداي-اق, ول ەو-عا مۇشەلىك جولىندا پروگرەستى جالعاستىرۋعا شاقىردى.
«جاقىندا ءبىز بۇل ۇدەرىسكە ءبىراز سەرپىن بەرەمىز دەپ ۇمىتتەنەمىن. سەربيا مەن بۇكىل ايماق ەۋروپالىق وداققا مۇشە بولۋى ءۇشىن ءالى دە ۇزاق جول بار, بۇل ءبىزدىڭ ورتاق ماقساتىمىز», دەدى ول.
ساياساتكەر بۇل ايماقتاعى التى مەملەكەت - البانيا, بوسنيا جانە گەرتسەگوۆينا, سەربيا, سولتۇستىك ماكەدونيا, چەرنوگوريا جانە كوسوۆونى ەو-نىڭ بولاشاق مۇشەسى دەپ قاراستىراتىنىن ايتتى.
ء«بىز قازىردىڭ وزىندە ەۋروپالىق وداقتىڭ مۇشەلەرى سانالاتىن بۇل ەلدەردى ەو-عا قوسۋ ءۇشىن گەوستراتەگيالىق قىزىعۋشىلىق بار ەكەنىن ەستە ۇستاۋىمىز كەرەك. بۇل ءۇشىن ەلدەرگە زاڭ ۇستەمدىگى, سىبايلاس جەمقورلىق پەن تۋىستىق قاتىناس پروبلەمالارىمەن كۇرەس سەكىلدى اۋقىمدى رەفورمالار جۇرگىزۋ قاجەت», دەدى مەركەل.
