«ەنەرگەتيكالىق كاسىپورىنداردىڭ كۇزگى-قىسقى كەزەڭگە دايىندىعى جالعاسىپ جاتىر. جۇيەلىك وپەراتور بەكىتكەن كەستەگە سايكەس ەلەكتر ستانسالارداعى 4 ەنەرگوبلوك, 18 قازان, 19 تۋربينا جوندەلدى. ال 2 ەنەرگوبلوك, 25 قازان مەن 16 تۋربينانى جوندەۋ جۇمىستارى جالعاسىپ جاتىر. بۇگىنگى كۇنى جوسپار بويىنشا 20 464 كم ەلەكتر بەرۋ جەلىلەرىنىڭ 16 773 كم جوندەلدى, سونداي-اق 462 قوسالقى ستانسانىڭ 316-سى قالپىنا كەلتىرىلدى», دەدى مينيستر.
ايتۋىنشا, بۇل جەلىلەر بويىنشا جىلدىق جوسپاردىڭ 67%-ىن, ال قوسالقى ستانسالار بويىنشا 68%-ىن قۇرايدى.
«اتىراۋ, قاراعاندى, پاۆلودار, سولتۇستىك قازاقستان وبلىستارىندا ەلەكتر ستانسالارىنىڭ نەگىزگى جابدىقتارىن جوندەۋ مەرزىمدەرى ساقتالماعان. اتومدىق جانە ەنەرگەتيكالىق قاداعالاۋ مەن باقىلاۋ كوميتەتى وبلىس اكىمدىكتەرىمەن بىرلەسىپ, ەنەرگەتيكالىق كاسىپورىنداردىڭ الداعى جىلىتۋ ماۋسىمىنا دايىندىعىنا تۇراقتى باقىلاۋ جۇرگىزدى. سونىمەن بىرگە ەلەكتر ستانسالارىنداعى جوندەۋ جۇمىستارىن ۋاقىتىلى اياقتاۋ بويىنشا شارالار قابىلداپ جاتىر», دەپ باياندادى مىرزاعاليەۆ ۇكىمەتتە.
مينيستر بايانداعانداي, جەرگىلىكتى اتقارۋشى ورگانداردىڭ اقپاراتى بويىنشا ورتالىقتاندىرىلعان جىلۋمەن جابدىقتاۋ ايماعىنداعى 485 قازاندىقتى جىلىتۋ ماۋسىمىنا دايىنداۋ ءۇشىن 1 209 قازاننىڭ 925-ىنە جوندەۋ جۇرگىزىلدى.
«اقمولا, شىعىس قازاقستان, سولتۇستىك قازاقستان جانە الماتى وبلىستارى بويىنشا جوسپاردان ارتتا قالىپ كەلەدى. بۇل الداعى جىلىتۋ ماۋسىمىنىڭ سەنىمدى وتۋىنە قاۋىپ توندىرەدى», دەپ تولىقتىردى ەنەرگەتيكا ءمينيسترى.
