قازاقستاننىڭ جاڭا قۇرمەتتى كونسۋلى بولىپ 35000-نان استام كاسىپورىندى قامتيتىن «BECI» ساۋدا-ونەركاسىپتىك پالاتاسىنىڭ توراعاسى وليۆە ۆيلوكس تاعايىندالدى. سونىمەن قاتار, ول بريۋسسەل بيزنەس فەدەراتسياسى مەن ۆاللوندىق كاسىپورىندار وداعىنىڭ ديرەكتورلار كەڭەسىنىڭ مۇشەسى.
قازاقستان ەلشىسى مارعۇلان بايمۇحان بۇل بەلگيانىڭ ءار ءتۇرلى ايماقتارىندا اشىلعان ءتورتىنشى قۇرمەتتى كونسۋلدىق ەكەنىن اتاپ ءوتتى. ولاردىڭ ماقساتى – ەكى ەل اراسىنداعى ساۋدا-ەكونوميكالىق جانە مادەني-گۋمانيتارلىق ىنتىماقتاستىقتى دامىتۋ.
و.ۆيلوكس وزىنە كورسەتىلگەن سەنىم ءۇشىن العىسىن ءبىلدىرىپ, ەكىجاقتى ىنتىماقتاستىقتى جان-جاقتى دامىتاتىنىنا, سونداي-اق ءوزىنىڭ كونسۋلدىق وكرۋگىندە قازاقستان ازاماتتارىنىڭ قۇقىعى مەن مۇددەسىن قورعايتىنىنا سەندىردى جانە الداعى قىزمەتىنىڭ نەگىزگى باعىتتارى بويىنشا ۇسىنىسىن جەتكىزدى.
قۇرمەتتى كونسۋلعا قازاقستاندا جۇرگىزىلىپ جاتقان ساياسي جانە الەۋمەتتىك-ەكونوميكالىق رەفورمالار تۋرالى اقپاراتتىق ماتەريالدار بەرىلدى. بۇدان بولەك قازاقستان پرەزيدەنتى قاسىم-جومارت توقاەۆتىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» جولداۋىنىڭ نەگىزگى تەزيستەرى تالقىلاندى.
