بيزنەس • 13 قىركۇيەك، 2021

ەكى جاڭا ونەركاسىپ پاركى ىسكە قوسىلادى

218 رەت كورسەتىلدى

2021 جىلدىڭ قىركۇيەگىندە Ala Estate جانە ADS Industries جاڭا ونەركاسىپتىك پاركتەرى ىسكە قو­سى­لا­دى دەپ كۇتىلۋدە. بۇل تۋرالى الماتى قا­لاسىندا وتكەن شاعىن ونەركاسىپتىك پاركتەر باعدارلاماسىن (Almaty Business-2025 كاسىپ­كەر­لىكتى دامىتۋدىڭ وڭىرلىك باعدارلاماسىن ىسكە اسىرۋ شەڭ­بە­رىن­دە) دامىتۋ ماسەلەلەرى جونىندەگى كەڭەستە بەل­گىلى بولدى.

ءىس-شاراعا الماتى قالا­سى­نىڭ ستراتەگيالىق جوس­پارلاۋ، بيۋدجەت جانە تيىم­دى­لىك جونىندەگى تۇراقتى كو­ميس­سياسىنىڭ توراعاسى، «ال­ماتى» اكك» اق باسقارما توراعاسى اسقار بىلىسبەكوۆ، الماتى قالالىق كاسىپكەرلەر پالاتاسىنىڭ وڭىرلىك كەڭەسىنىڭ توراعاسى ماكسيم بارىشەۆ، الماتى يندۋستريالىق اي­ما­عىنىڭ وكىلدەرى جانە AlaEstate، ADS Industries، Asia Prom Textile، CityBus، KazStroyTrade جشس شاعىن ونەركاسىپ پاركتەرىنىڭ باسشىلارى قاتىستى. جيىندا شاعىن ونەركاسىپ پاركتەرىنىڭ وكىلدەرى قالانىڭ شاعىن بيزنەستى قول­داۋ جونىندەگى الەۋمەتتىك جو­باسىنىڭ ۇلكەن پايداسىن اتاپ ءوتىپ، ودان ءارى دامىتۋ بويىنشا ءوز ۇسىنىستارىن ايتتى جانە وزەكتى سۇراقتارعا جاۋاپ الدى.

«ەگەر بۇرىن بيزنەس-قو­عام­داستىقتا شاعىن ونەر­كا­سىپتىك پاركتەردىڭ دامۋىنا كۇمانمەن قا­راي­تىن بولسا، قازىر پاندەميا كەزىندە دە وسىنداي پاركتەردىڭ قۇرىلىسىنا ۇلكەن سۇرانىس بايقالادى، دەدى ا.بىلىسبەكوۆ كەڭەس قورىتىندىسى بويىنشا. – ءبىز الماتى قالاسىنىڭ اكك اياسىندا Almaty Business-2025 باعدارلاماسى بويىنشا ينۆەستورلار ءۇشىن شاعىن ونەر­كا­سىپتىك پاركتەر سالۋعا 6%-بەن جەكە نەسيە جەلىسىن بولدىك، ءليميتتى 300-دەن 500 ملن تەڭگەگە دەيىن ارتتىردىق جانە بۇل باعدارلامانىڭ بۇگىنگى الەۋەتى زور. قازىر وسىنداي 5 پارك سالىنىپ جاتىر، جاقىن ارادا ونىڭ ۇشەۋى ىسكە قوسىلادى دەپ كۇتىلۋدە. الماتى قالاسىندا تاعى 4 شاعىن ونەركاسىپ پار­كى جۇمىس ىستەيدى، كەلەسى جىلى قوسىمشا 2 پاركتىڭ ىسكە قو­سىل­ۋىن كۇتەمىز. تاياۋداعى 2-3 جىلدا ءبىز 20-عا جۋىق ونەركاسىپتىك پاركتەردى ىسكە قوسۋدى جوسپارلاپ وتىرمىز. بۇگىندە 8 شاعىن ونەركاسىپتىك پاركتە وندا جۇمىس ىستەگىسى كەلەتىن رەزيدەنتتەردىڭ تۇتاس كەزەگى بار».

ايتا كەتەيىك، بۇگىندە ال­ما­تىدا 14 شاعىن ونەركا­سىپ­تىك پارك جۇمىس ىستەيدى، ونىڭ 5-ءى ناۋرىزباي، تۇركسىب جانە الاتاۋ اۋداندارىندا («بروتماستەر» جشس، Ala Estate جشس، Samruk Group جشس، CityBus جشس، AsiaProm Textile جشس). جۇمىس ىستەپ تۇرعان وندىرىستىك ءۇي-جايلاردىڭ جالپى اۋدانى 17 435 شارشى مەتردى قۇرايدى، ينۆەستيتسيالاردىڭ جالپى سوماسى – 1 ملرد 220 ملن تەڭ­گە. الاتاۋ اۋدانىنداعى يندۋستريالىق ايماقتىڭ اۋماعىندا بۇگىندە 6 شاعىن ونەركاسىپ پاركى سالىنۋدا (Ala Estate جشس، ADS Industries جشس، KazStroyTrade جشس، D&J Investments & Logistic جشس، Qazaq Plast جشس، «التىن داۋرەن بيزنەس» جشس).

ء«بىز ءارتۇرلى ماسەلەنى تال­قىلاۋ ءۇشىن شاعىن ونەر­كاسىپتىك پاركتەردىڭ باسشى­لىعىمەن ۇنەمى كەزدەسىپ تۇرۋعا تىرىسامىز جانە ولاردىڭ جۇمىسىن ودان ءارى جەتىلدىرۋ، پاركتەردى تارتىمدى ەتۋ، جاق­سى جاعداي جاساۋ تۋرالى كو­بىرەك ۇسىنىس پايدا بولادى. الماتى اكىمدىگىمەن بىرگە ولاردى قولداۋعا دايىنبىز»، دەپ تۇيىندەدى ا.بىلىسبەكوۆ.

سونداي-اق الماتى يندۋس­تريالىق ايماعىنىڭ اۋماعىندا تاعى 3 جاڭا شاعىن ونەركاسىپتىك پاركتىڭ قۇرىلىسى ماقۇلداندى. 2021 جىلعى 16 ماۋسىمدا شا­عىن ونەركاسىپتىك پاركتەردى قۇرۋ جانە ولاردىڭ جۇمىس ىستەۋى جونىندەگى كوميسسيا ما­قۇلداعان ينۆەستيتسيالاردىڭ جالپى سوماسى 550-دەن استام جاڭا جۇمىس ورنىن قۇ­رۋمەن 2،05 ملرد تەڭگەنى قۇ­رايدى (Nurpak جشس، «پروم­پارك» جشس، Mirus Com­pany جشس). بۇگىندە كومپانيالار جسق ازىرلەۋدى باستاۋ ءۇشىن وڭىرلىك ۇيلەستىرۋ كەڭەسىنىڭ (وۇك) وڭ شەشىمىن كۇتۋدە.

شاعىن ونەركاسىپتىك پاركتەر – الماتى قالاسى اكىمدىگىنىڭ مەگاپوليس شەتىندەگى (ناۋرىزباي، الاتاۋ، تۇركسىب اۋداندارىندا) شاعىن بيزنەستى دامىتۋ جونىندەگى الەۋمەتتىك جوباسى. ونەركاسىپتىك پاركتەردە كوممۋنيكاتسيالارى جۇرگىزىلگەن ءۇي-جايلار شاعىن بيزنەسكە جەڭىلدىكتى شارتتارمەن جالعا بەرىلەدى. پروتسەستىڭ وپەراتورى – بيزنەس-قوعامداستىققا اكىمشىلىك قولداۋ كورسەتەتىن «الماتى» اكك» اق. وندىرىستىك ءۇي-جايلار قالا شەگىندە ينۆەستورلارمەن نەمەسە وندىرىستىك بازالاردىڭ يەلەرىمەن سالىنادى.

سوڭعى جاڭالىقتار

كۇزدە اۋا رايى قانداي بولادى

اۋا رايى • بۇگىن، 13:33

16 تامىزعا ارنالعان ۆاليۋتا باعامى

ەكونوميكا • بۇگىن، 09:47

1453 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:06

جىگىتتەرمەن كۇش سىناسقان ارۋ

ۇلتتىق سپورت • بۇگىن، 08:43

قىتايدان قالىپ قويدىق

سپورت • بۇگىن، 08:42

تابىستارى – 2 117 000 دوللار

سپورت • بۇگىن، 08:40

وليمپيادادان كەيىنگى ويلار

سپورت • بۇگىن، 08:35

جارىس قىزعان شاعىنا جەتتى

سپورت • بۇگىن، 08:34

تەحنوپارك تەگىن وقىتادى

قوعام • بۇگىن، 08:32

ۇقساس جاڭالىقتار