پرەزيدەنت • 13 قىركۇيەك، 2021

قازاقستاندا جاڭادان توعىز سۋ قويماسى سالىنادى

71 رەت كورسەتىلدى

مەملەكەت باسشىسى ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆتى قابىلدادى، دەپ حابارلايدى Egemen.kz اقورداعا سىلتەمە جاساپ.

قاسىم-جومارت توقاەۆقا مينيسترلىكتىڭ الداعى ۋاقىتتاعى جوسپارلارى جانە پرەزيدەنتتىڭ حالىققا جولداۋىندا بەرگەن تاپسىرمالارىنىڭ ورىندالۋى تۋرالى باياندالدى. 

اتاپ ايتقاندا، سەرىكقالي برەكەشەۆ مەملەكەت باسشىسىنا ۇلتتىق گەولوگيالىق قىزمەت قۇرۋعا قاتىستى جۇمىستار، «مينەرالدىق رەسۋرستاردىڭ ۇلتتىق دەرەكتەر بانكى» اقپاراتتىق جۇيەسىنىڭ ازىرلەنۋى جونىندە مالىمەت بەردى.

پرەزيدەنتكە سۋ شارۋاشىلىعىن دامىتۋ جونىندەگى تاپسىرمالارىنىڭ ورىندالۋ بارىسى تۋرالى باياندالدى. ءمينيستردىڭ ايتۋىنشا، بەس جىلدىڭ ىشىندە سۋارۋ جەلىسىنىڭ كەمىندە 120 ارناسى قالپىنا كەلتىرىلىپ، جالپى كولەمى 1،7 ميلليارد تەكشە مەتر بولاتىن جاڭادان توعىز سۋ قويماسى سالىنادى.  

قاسىم-جومارت توقاەۆ سۋ ۇنەمدەۋ تەحنولوگيالارىن ەنگىزۋ ءىسىن ىنتالاندىرۋ جانە سۋ سالاسىن تسيفرلاندىرۋ قاجەت ەكەنىن اتاپ ءوتتى. 

كەزدەسۋ بارىسىندا اتموسفەرالىق اۋانىڭ لاستانۋىن ازايتۋ باعىتىندا قابىلدانىپ جاتقان شارالارعا ەرەكشە ءمان بەرىلدى. ۆەدومستۆو باسشىسىنىڭ ايتۋىنشا، ەكولوگيالىق جاعدايدى جاقسارتۋ ماقساتىندا ايماقتار بويىنشا جول كارتالارى بەكىتىلىپ، «جاسىل قازاقستان» ۇلتتىق جوباسى ازىرلەندى جانە كاسىپورىندارمەن بىرقاتار مەموراندۋمعا قول قويىلدى. اتالعان قۇجاتتار قالدىقتاردىڭ كولەمىن 20-دان 30 پايىزعا قىسقارتۋعا مۇمكىندىك بەرەدى.

كەزدەسۋ سوڭىندا مەملەكەت باسشىسى جاڭادان تاعايىندالعان مينيسترگە بىرقاتار ناقتى تاپسىرما بەردى.

سوڭعى جاڭالىقتار

اقتوبەدە كارانتين جەڭىلدەدى

كوروناۆيرۋس • بۇگىن، 16:15

9 سۋ قويماسى سالىنادى

ەكولوگيا • كەشە

ۇقساس جاڭالىقتار