ءبىلىم جانە عىلىم, دەنساۋلىق ساقتاۋ, مادەنيەت جانە سپورت, اقپارات جانە قوعامدىق دامۋ مينيسترلەرى الەۋمەتتىك سالانىڭ نەگىزگى باعىتتارى بويىنشا جۇمىس تۋرالى باياندادى. مەملەكەت باسشىسىنىڭ 2021 جىلعى 1 قىركۇيەكتەگى «حالىق بىرلىگى جانە جۇيەلى رەفورمالار – ەلدىڭ وركەندەۋىنىڭ بەرىك نەگىزى» اتتى قازاقستان حالقىنا جولداۋىندا ايتىلعان تاپسىرمالارىن ورىنداۋعا ەرەكشە نازار اۋدارىلدى.
ءبىلىم جانە عىلىم مينيسترلىگىنىڭ دەرەكتەرى بويىنشا, بۇگىندە رەسپۋبليكادا جالپى كونتينگەنتى 250 مىڭ بالا بار 147 مەكتەپ ءۇش اۋىسىمدا جۇمىس ىستەيدى. ولاردىڭ ەڭ كوپ سانى الماتى (50), ماڭعىستاۋ (16) وبلىستارىندا, شىمكەنت قالاسىندا (14). ۆيتسە-پرەمەر ءۇش اۋىسىمدى وقىتۋ, وقۋشى ورىندارىنىڭ تاپشىلىعى پروبلەمالارىن جەدەل شەشۋدىڭ ماڭىزدىلىعىن اتاپ ءوتتى. بۇل ءۇشىن وڭتايلى شەشىم تابىلدى - تەز تۇرعىزىلاتىن از شىعىندى مودۋلدىك مەكتەپتەر سالۋ.
دەنساۋلىق ساقتاۋ سالاسىندا جوعارى بىلىكتى كادرلار تاپشىلىعى, اۋرۋحانالاردى قازىرگى زامانعى جابدىقتارمەن جاراقتاندىرۋ پروبلەمالارى وزەكتى كۇيىندە قالىپ وتىر. بۇگىنگى تاڭدا مەديتسينا قىزمەتكەرلەرىنىڭ الەۋمەتتىك قولداۋ شارالارىمەن قامتىلۋى تۇركىستان وبلىسىندا – 7%, اقتوبە وبلىسىندا – 12%, الماتى وبلىسىندا – 13% جانە پاۆلودار وبلىسىندا – 18%.
ە.توعجانوۆ مەديتسينا كادرلارىن دايارلاۋعا ارنالعان گرانتتار سانىن كوبەيتۋدى, بارلىق جاس مامانداردى الەۋمەتتىك قولداۋ شارالارىمەن قامتاماسىز ەتۋدى, وعان قوسىمشا قاجەتتىلىكتى انىقتاۋ ءۇشىن مەديتسينالىق جابدىقتارعا ەگجەي-تەگجەيلى تۇگەندەۋ جۇرگىزۋدى تاپسىردى.
بۇقارالىق سپورت سالاسىندا بالالاردى مەملەكەتتىك سپورتتىق تاپسىرىسپەن قامتۋدىڭ ەڭ تومەن كورسەتكىشتەرى سولتۇستىك قازاقستان, تۇركىستان, قوستاناي وبلىستارىندا بايقالدى. پرەمەر-ءمينيستردىڭ ورىنباسارى حالىقتى, ءبىرىنشى كەزەكتە بالالاردى بۇقارالىق سپورتپەن قامتۋدى ۇلعايتۋعا, دەنە شىنىقتىرۋ-ساۋىقتىرۋ كەشەندەرىن, مادەنيەت وبەكتىلەرىن سالۋعا, كىتاپحانالار مەن مۇراعاتتار جۇمىسىن جاڭعىرتۋعا ەرەكشە كۇش سالۋ كەرەكتىگىن اتاپ ءوتتى.
ۆيتسە-پرەمەر قازاقستان رەسپۋبليكاسى تاۋەلسىزدىگىنىڭ ز0 جىلدىعىن مەرەكەلەۋگە بۇكىل قوعامدى تارتۋ, سونداي-اق ىسكە اسىرىلىپ جاتقان مەملەكەتتىك باعدارلامالار مەن جوبالارعا ازاماتتاردىڭ قاتىسۋى ءۇشىن اقپاراتتىق-ءتۇسىندىرۋ جۇمىستارىن جانداندىرۋ جونىندەگى جۇمىستى كۇشەيتۋدى تاپسىردى.
سونداي-اق اكىمدىكتەردىڭ اقپاراتىن تىڭداعان ە.توعجانوۆ قاجەتتى قارجىلاندىرۋ كولەمىمەن قامتاماسىز ەتە وتىرىپ, جەرگىلىكتى جەرلەردە الەۋمەتتىك سيپاتتاعى وزەكتى ماسەلەلەردى شەشۋ جونىندە بىرقاتار ناقتى تاپسىرمالار بەردى.
كەڭەس باعدارلاماسى شەڭبەرىندە وڭىرلەر اكىمدەرىنىڭ ورىنباسارلارى سالىنىپ جاتقان 800 توسەكتىك كوپبەيىندى ۋنيۆەرسيتەت اۋرۋحاناسىنىڭ جانە BINOM جاڭا فورماتتاعى مەكتەپتىڭ تۇساۋكەسەرىنە قاتىستى, سونداي-اق تەز تۇرعىزىلاتىن مودۋلدىك مەكتەپتەر سالۋ ارقىلى جاڭا وقۋشى ورىندارىن قۇرۋدىڭ وڭتايلى نۇسقالارى كورسەتىلدى.
