تاراپتار ەقىۇ-نىڭ اعىمداعى كۇن ءتارتىبىنىڭ وزەكتى ماسەلەلەرىن جانە قازاقستاننىڭ ادامي ولشەم سالاسىنداعى ۇيىمنىڭ نەگىزگى ينستيتۋتتارىنىڭ بىرىمەن ءوزارا ءىس-قيمىلىن تالقىلادى. 2010 جىلى 1-2 جەلتوقساندا استانادا وتكەن ەقىۇ ءسامميتىنىڭ قورىتىندىسى بويىنشا قابىلدانعان «قاۋىپسىزدىك قوعامداستىعى جولىندا» استانا دەكلاراتسياسىنىڭ قاعيدالارى مەن ونى قولدانىسقا ەنگىزۋ قاجەتتىلىگى اتاپ ءوتىلدى. وندا ازاماتتىق قوعام مەن ەركىن باق-تىڭ ماڭىزدى ءرولى بەلگىلەندى.
وسى تۇرعىدا, قر ءسىم باسشىسى ەقىۇ-نىڭ وكىلىن پرەزيدەنت قاسىم-جومارت توقاەۆ «حالىق ۇنىنە قۇلاق اساتىن مەملەكەت» تۇجىرىمداماسى شەڭبەرىندە باستاماشىلىق ەتكەن رەفورمالاردىڭ ىسكە اسىرىلۋ بارىسى تۋرالى, اتاپ ايتقاندا, قازاقستاندا جالا جابۋدى قىلمىستىق سيپاتتان ارىلتۋ جانە الاۋىزدىقتى تۋدىرۋ تۋرالى قر قىلمىستىق كودەكسىنىڭ 174-بابىن ىزگىلەندىرۋ تۋرالى حاباردار ەتتى.
ەقىۇ ينستيتۋتىنىڭ باسشىسى ورتاق سىن-قاتەرلەرگە بىرلەسىپ قارسى تۇرۋ ماقساتىندا ارەكەتتەستىكتى نىعايتۋ ءۇشىن ەلەۋلى كۇش-جىگەر جۇمساۋ نيەتىن اتاپ ءوتتى. سونىمەن قاتار قازاقستاننىڭ توراعالىق ەتۋ تاجىريبەسى مەن ەقىۇ استانا ءسامميتىنىڭ ناتيجەلەرىنە نازار اۋداردى.
