الىنعان باعالاۋ ناتيجەلەرى بويىنشا ىسكەرلىك بەلسەندىلىك يندەكسى تامىزدا تومەندەپ, 50,2 قۇرادى. بۇعان قىزمەت كورسەتۋ سەكتورلارىندا 50,7-گە دەيىن جانە ونەركاسىپتە – 49,1-گە دەيىن كورسەتكىشتەردىڭ قىسقارۋى اسەر ەتتى. قىزمەت كورسەتۋ سەكتورىنداعى يندەكستىڭ ناشارلاۋى جۇمىسپەن قامتۋ دەڭگەيىنىڭ تومەندەۋىمەن, ونەركاسىپتە – جاڭا تاپسىرىستاردىڭ, ونىمدەر مەن جۇمىسپەن قامتۋ دەڭگەيىنىڭ تومەندەۋىمەن, سونداي-اق جەتكىزۋ مەرزىمدەرىنىڭ ۇلعايۋىمەن بايلانىستى. دەگەنمەن, قۇرىلىستاعى كورسەتكىش جۇمىسپەن قامتۋ دەڭگەيىنىڭ ءوسۋى سالدارىنان 51,9-عا دەيىن ءوستى.
وڭىرلەر بولىنىسىندە تامىز ايىندا 9 وڭىردە ىسكەرلىك بەلسەندىلىكتىڭ جاقسارۋى, 8 وڭىردە ناشارلاۋ بايقالدى.
ىسكەرلىك بەلسەندىلىكتىڭ نەعۇرلىم جوعارى دەڭگەيى تۇركىستان وبلىسىندا (54,6) جانە شىمكەنتتە (52,8), ەڭ تومەنى اقتوبە وبلىسىندا (43,2) بايقالدى. 2021 جىلعى تامىزدا رەسپوندەنتتەر ەلدە بيزنەس جۇرگىزۋ جاعدايلارىنىڭ جاقسارعانىن اتاپ ءوتتى. اعىمداعى بيزنەس-شارتتاردى باعالاۋ بويىنشا جاۋاپتار تەڭگەرىمى 1,7 قۇرادى, بۇل رەسپۋبليكاداعى كارانتيندىك شارالاردىڭ بەلگىلى ءبىر جەڭىلدەتىلۋىنە بايلانىستى. كاسىپورىندار ونىمگە/قىزمەتكە سۇرانىستى, قارجى/نەسيە جانە كوممۋنيكاتسيالارعا قولجەتىمدىلىكتى وڭ باعالادى. سالىق جۇكتەمەسى مەن بيزنەستى قورعاۋ ماسەلەلەرى تەرىس باعا الدى. كاسىپورىنداردىڭ بولاشاق بيزنەس-جاعدايلارعا قاتىستى ءوپتيميزمى كەلەسى 6 ايعا ناشارلادى: بولاشاق جاعدايلاردى باعالاۋ 17,6 قۇرادى. ناتيجەسىندە ەكونوميكا بويىنشا بيزنەس-كليمات يندەكسى 9,5-كە دەيىن تومەندەدى. 2021 جىلعى تامىزدا ساۋالناماعا 462 كاسىپورىن قاتىستى: قۇرىلىستا – 67, ونەركاسىپتە – 175, قىزمەتتە – 220.
