الداعى جىلىتۋ ماۋسىمىندا قانداي قاۋىپسىزدىك شارالارىن ساقتاۋ كەرەك؟ بۇل تۋرالى ونلاين بريفينگتە قالالىق تجد مەملەكەتتىك ءورت باقىلاۋ باسقارماسىنىڭ باسشىسى ەركىن وتارعالىم ۇلى ءمالىم ەتتى.
ء«بىرىنشى كەزەڭدە حالىقتىڭ الەۋمەتتىك وسال توپتارى (1792 وتباسى) مەن جاتاقحاناعا قايتا جابدىقتالعان ۇيلەر (1328 ءۇي) اراسىندا, ەكىنشى كەزەڭدە ساياجاي القاپتارىندا (شامامەن 6 مىڭ ساياجاي ءۇيى), ال ءۇشىنشى كەزەڭدە نەگىزگى تۇرعىن ءۇي قورىندا (33 مىڭنان استام جەكە تۇرعىن ءۇي) الدىن الۋ جۇمىسى جۇرگىزىلدى», دەدى ول.
ايتۋىنشا جىلىتۋ ماۋسىمىنا دايىندىقتىڭ تۇيتكىلدى ماسەلەلەرى ناقتى ۇسىنىستار ازىرلەۋمەن قالالىق تج كوميسسياسىنىڭ وتىرىسىندا قارالدى. سونىمەن قاتار ول ازاماتتاردىڭ ءورت قاۋىپسىزدىگى نەگىزدەرىن بىلمەۋىنەن ءورتتىڭ 80%-دان استامى ورىن الاتىنىن جەتكىزدى.
بريفينگ سوڭىندا ول الداعى قاۋىپسىزدىك شارالارىن ءتۇسىندىرىپ ءوتتى:
- الداعى جىلىتۋ ماۋسىمىنا جىلىتۋ جۇيەلەرىن جوندەۋ جانە دايىنداۋ;
- تىكەلەي جىلىتۋ ماۋسىمىنىڭ الدىندا جىلىتۋ پەشتەرى مەن جۇيەلەرىنىڭ ءتۇتىن قۇبىرلارىن, مۇرجالارىن جانە باسقا ەلەمەنتتەرىن, كەمىندە ءۇش ايدا ءبىر رەت كۇيەدەن تازالاۋ;
- ەلەكتر سىمدارىن تەكسەرۋ, ەسكىرگەن جانە ۋاقىتشا سحەما بويىنشا سالىنعان ەلەكتر سىمدارىن اۋىستىرۋ;
- ەلەكتر جەلىلەرىن شامادان تىس جۇكتەمەۋ, جىلىتۋ ءۇشىن قولدان جاسالعان ستاندارتتى ەمەس ەلەكتر جىلىتۋ قۇرالدارىن پايدالانباۋ;
- ماتەريالداردى, كيىمدەردى وت جانىپ تۇرعان پەشتىڭ ۇستىندە كەپتىرمەۋ;
- اۋلانىڭ اۋماعىن قۇرعاق شوپتەن جانە جانعىش قوقىستاردان تازارتۋ, كۇل جيناۋ ءۇشىن قاۋىپسىز ورىندى الدىن الا انىقتاۋ;
- بالالاردى ۇيدە ەرەسەكتەردىڭ قاراۋىنسىز قالدىرماۋ.
«ەسىڭىزدە بولسىن, ءورتتى سوندىرۋدەن كورى ونىڭ الدىن العان جەڭىل. ءوزىڭىزدى جانە جاقىندارىڭىزدى ورتتەن قورعاڭىز, تۇرمىستا ءورت قاۋىپسىزدىگى ەرەجەلەرىن ساقتاڭىز. ءورت كەزىندە 101 نومىرىنە قوڭىراۋ شالىڭىز», - دەپ ۆەدومستۆو باسشىسى ءسوزىن قورىتىندىلادى.
