پرەزيدەنت • 11 قىركۇيەك، 2021

«تاريحتاعى ەڭ قارالى كۇندەردىڭ ءبىرى» - توقاەۆ اقش-تاعى تەررورلىق شابۋىلدار تۋرالى ايتتى

140 رەت كورسەتىلدى

قازاقستان پرەزيدەنتى قاسىم-جومارت توقاەۆ 11 قىركۇيەكتەگى لاڭكەستىك شابۋىلدىڭ 20 جىلدىعىنا وراي امەريكا حالقىنا كوڭىل ايتتى، دەپ حابارلايدى Egemen.kz.

«بۇگىن ءبىز دە بۇكىل الەمدى ءدۇر سىلكىندىرگەن اقش تاريحىنداعى ەڭ قارالى كۇندەردىڭ ءبىرى – 2001 جىلدىڭ 11 قىركۇيەگىندەگى تەررورلىق اكت قۇرباندارىن ەسكە الامىز»، دەدى مەملەكەت باسشىسى Twitter-دە.

سونداي-اق، پرەزيدەنت قازاقستان تەرروريزممەن كۇرەستە حالىقارالىق قاۋىمداستىقتى قولدايتىنىن ايتتى.

«ادامزاتقا قارسى جاسالعان وسى جانتۇرشىگەرلىك وقيعا بۇكىل الەمدەگى ميلليونداعان ادامداردىڭ جادىندا بەرىك ساقتالعان.

قازاقستان الەمدىك قوعامداستىقتىڭ تەرروريزمگە قارسى ءىس-قيمىلدارىن تۇبەگەيلى قولدايدى. قاۋىپسىزدىك پەن تۇراقتىلىقتى قامتاماسىز ەتۋ – قازاقستان ستراتەگياسىنىڭ جانە اقش-پەن ستراتەگيالىق سەرىكتەستىگىمىزدىڭ نەگىزگى ۇستانىمى»، دەدى توقاەۆ.

ەسكە سالايىق، وسىدان 20 جىل بۇرىن، 2001 جىلدىڭ 11 قىركۇيەگىندە اقش-تا ادامزات تاريحىنداعى ەڭ ءىرى تەرروريستىك شابۋىلداردىڭ ءبىرى بولدى. ءۇش مىڭعا جۋىق ادام قازا تاپتى. ەكى ۇشاق نيۋ-يوركتەگى دۇنيەجۇزىلىك ساۋدا ورتالىعىنىڭ مۇنارالارىن تاس-تالقان ەتتى، ءۇشىنشىسى پەنتاگون عيماراتىنا قۇلادى، ال تاعى بىرەۋى پەنسيلۆانياداعى شانكسۆيلل ماڭىنا ءتۇستى. 

سوڭعى جاڭالىقتار

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار