اتموسفەرالىق فرونتالدى بولىكتەردىڭ وتۋىمەن سەنبىدە ەلىمىزدىڭ باسىم بولىگىندە جاڭبىر جاۋادى. تەك وڭتۇستىك پەن باتىستا, انتيتسيكلون جوتاسىنىڭ اسەرىمەن كوبىنەسە جاۋىن-شاشىنسىز اۋا رايى كۇتىلەدى. رەسپۋبليكانىڭ باسىم بولىگىندە جەلدىڭ 15-20 م/س كۇشەيۋى ىقتيمال. تاڭەرتەڭ جانە كۇندىز اقمولا وبلىسىنىڭ وڭتۇستىك, وڭتۇستىك-شىعىسىندا, سولتۇستىگىندە جەلدىڭ 15-20 م/س كۇشەيۋى كۇتىلەدى.
قوستاناي وبلىسىنىڭ وڭتۇستىگىندە, وڭتۇستىك-شىعىسىندا نايزاعاي, تۇندە وبلىستىڭ باتىسىندا, سولتۇستىگىندە, كۇندىز باسىم بولىگىندە جەلدىڭ 15-20 م/س كۇشەيۋى ىقتيمال. سولتۇستىك قازاقستان وبلىسىنىڭ شىعىسىندا نايزاعاي, تۇندە شىعىستا, كۇندىز باسىم بولىگىندە جەلدىڭ جىلدامدىعى 15-20 م/س جەتەدى.
الماتى, جامبىل, تۇركىستان, قىزىلوردا, ماڭعىستاۋ, اتىراۋ, اقتوبە, قوستاناي, قاراعاندى وبلىستارىنىڭ باسىم بولىگىندە, باتىس قازاقستان وبلىسىنىڭ سولتۇستىك-شىعىسىندا, شىعىس قازاقستان وبلىسىنىڭ وڭتۇستىگىندە ءورت قاۋپى ساقتالادى.
