شەنەۋنىك 500 مىڭنان استام تاۋىقتىڭ قىرىلۋ سەبەبىن دۇرىس كورسەتپەدى دەپ ايىپتالعان ەدى. جالعان ەسەپتىڭ كەسىرىنەن كاسىپورىن تولەماقىنى ۋاقىتىلى الا الماعان. ايتا كەتەيىك, پروكۋرور باتىربەكوۆتى ءۇش جىلعا باس بوستاندىعىنان ايىرۋدى جانە دۇنيە-مۇلكىن تاركىلەۋدى سۇراعان.
«قر قىلمىستىق كودەكسىنىڭ 361-بابى 4-بولىگى بويىنشا ايىپتالعان ۆەتەريناريالىق باقىلاۋ جانە قاداعالاۋ كوميتەتىنىڭ قوستاناي وبلىسى اۋماقتىق ينسپەكتسياسىنىڭ بۇرىنعى باسشىسى سوت ۇكىمىمەن ايىپسىز دەپ تابىلدى. سوت ايىپتالۋشىنىڭ قىلمىستىق ارەكەتىندە قىلمىستىق قۇرام جوق دەپ تاپتى», دەدى وبلىستىق سوتتىڭ ءباسپاسوز قىزمەتىنىڭ باس ءمامانى لاززات بايعوجينا.
