«قالانى دامىتۋ بارىسىندا قوعامدىق كولىكتىڭ جۇمىسى ءۇشىن ساپالى جاعداي جاساۋعا باسىمدىق بەرەمىز. مىسالى, قالادا Bus Lane ەنگىزۋ اۆتوبۋستاردىڭ جول ءجۇرۋ ۋاقىتىن ورتا ەسەپپەن 15-20%-عا قىسقارتۋعا مۇمكىندىك بەردى. جاڭا باعىتتاردى اشۋدان جانە جول ينفراقۇرىلىمىن قۇرۋدان باسقا, قوعامدىق كولىكتى جاڭارتۋ جانە جاڭعىرتۋ جۇمىستارىمەن دە اينالىسۋدامىز.
2020 جىلدىڭ باسىندا بالامالى ەنەرگيا كوزدەرىنە كوشۋ اياسىندا قالا مارشرۋتتارىنا 100 ەلەكتر اۆتوبۋسىن شىعاردىق. ەلەكتر اۆتوبۋستاردىڭ ەكولوگيالىلىعىنداعى ارتىقشىلىعى: اتموسفەراعا زياندى شىعارىندىلاردىڭ بولماۋى, ولاردى پايدالانۋ كەزىندەگى ۇنەمدىلىك. مىسالى, ديزەلدى اۆتوبۋستارعا جۇمسالاتىن شىعىن تاۋلىگىنە ورتا ەسەپپەن 25 مىڭ تەڭگەنى قۇراسا, ەلەكتر ەنەرگياسىنا جۇمسالاتىن شىعىن 4-5 ەسە از. جەكە ينۆەستيتسيالار ەسەبىنەن جەلىگە تاعى 100 ەلەكتر اۆتوبۋسىن ىسكە قوسۋدى جوسپارلاپ وتىرمىز.
سونداي-اق, جەكە ينۆەستيتسيالار ەسەبىنەن اۆتوپارك سالىندى. كەيىننەن ەلەكتر اۆتوبۋستارىنىڭ سانىن كوبەيتەتىن بولامىز. جاڭا اۆتوبۋستار ينتەللەكتۋالدى باقىلاۋ جۇيەسىمەن, پاندۋستارمەن جانە ەرەكشە قاجەتتىلىكتەرى بار ادامدار ءۇشىن ارنايى ورىندارمەن جابدىقتالعان. جاڭا ەلەكترواۆتوبۋستار بىزگە اۆتوپاركتى ايتارلىقتاي جاڭارتۋعا, جاڭا باعىتتاردى ەنگىزۋگە, ايالدامالاردا اۆتوبۋستاردىڭ كۇتۋ ارالىعىن قىسقارتۋعا مۇمكىندىك بەرەدى. ەڭ باستىسى – ەلەكتر اۆتوبۋستارى اتموسفەراعا زياندى زاتتاردىڭ شىعارىلۋىنا بايلانىستى قالا ەكولوگياسىنا وڭ اسەرىن تيگىزەدى», دەپ جازدى ەلوردا اكىمى.
