ايماقتار • 10 قىركۇيەك، 2021

اقمولا وبلىسىندا تۇرعىن ءۇي ورتىنەن 2 ادام كوز جۇمدى

33 رەت كورسەتىلدى

بۋراباي اۋدانىنىڭ قاراشىلىك اۋىلىندا جەكە تۇرعىن ءۇي ورتەنىپ، ەكى ادام كوز جۇمدى، دەپ حابارلايدى Egemen.kz.

ۆەدومستۆونىڭ مالىمەتىنشە، ءورت قىركۇيەكتىڭ 9-دا كەشكى ساعات 21:40 شاماسىندا بولعان. قىزىل جالىن 60 شارشى مەتر اۋماقتى شارپىدى.

ء«ورتتى سوندىرۋگە تجد جەكە قۇرامىنان 13 قىزمەتكەر جانە 3 ءورت ءسوندىرۋ تەحنيكاسى، بۋراباي اۋدانىنىڭ تجب جەكە قۇرامىنان 8 قىزمەتكەر جانە 3 ءورت ءسوندىرۋ تەحنيكاسى جۇمىلدىرىلدى. ءورت بولعان ۇيدەن 1969 جىلعى ەر ادام مەن 1981 جىلعى ايەلدىڭ دەنەسى تابىلدى»، دەدى ۆەدومستۆودان.

تجد ءباسپاسوز قىزمەتىنەن اتاپ وتكەندەي، قازىرگى كەزدە سوت-مەديتسينالىق ساراپتاما تاعايىندالىپ، ءورت بولعان جەردە ءورت زەرتحاناسى جۇمىس ىستەۋدە. كۋاگەرلەردىڭ ايتۋىنشا، قازا تاپقاندار بۇل ۇيگە شامامەن 2 اي بۇرىن كوشىپ كەلگەن جانە جەرگىلىكتى قۇس فابريكاسىندا جۇمىس ىستەگەن.

وسى رەتتە، اقمولا وبلىستىق توتەنشە جاعدايلار دەپارتامەنتىنىڭ قىزمەتكەرلەرى ءوڭىر تۇرعىندارىنا ەلەكتر سىمدارى مەن جىلىتۋ پەشتەرىن جارامدى كۇيدە ۇستاۋ قاجەتتىگىن ەسكەرتەدى.

سونداي-اق، الكوگولدى ىشىمدىكتەردى شامادان تىس پايدالانۋ جانە توسەكتە تەمەكى شەگۋگە بولمايتىنىن ەسكە سالادى.

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار