بۇعان دەيىن رەكتوردىڭ مىندەتىن ۋنيۆەرسيتەت پرورەكتورى راحىم بەكنازاروۆ اتقارعان.
سالتاناتتى شاراعا قر ءبىلىم جانە عىلىم ءمينيسترى اسحات ايماعامبەتوۆ پەن وبلىس اكىمى وڭداسىن ورازالين قاتىستى.
«وسى ۋنيۆەرسيتەتكە كەلۋدەگى باستى ماقسات – كادر ماسەلەسى. كونكۋرس جاريالانىپ, ديرەكتورلار كەڭەسىنىڭ وتىرىسىندا بۇل ماسەلە بىرنەشە رەت قارالدى. رەسپۋبليكالىق كوميسسيانىڭ شەشىمىمەن لاۋرا قاراباسوۆا ۋنيۆەرسيتەتتىڭ رەكتورى بولىپ تاعايىندالدى. لاۋرا قاراباسوۆا م.قۇسايىنوۆ اتىنداعى دارىندى بالالار مەكتەبىن ۇزدىك ءبىتىرىپ, ودان كەيىن وسى ۋنيۆەرسيتەتتە ءبىلىمىن جەتىلدىرىپ, كەيىن «بولاشاق» باعدارلاماسى بويىنشا ۇلىبريتانياداعى ەڭ بەدەلدى جوو-لاردىڭ ءبىرى ۋوريك ۋنيۆەرسيتەتىن تامامداعان. سونىمەن قاتار نازارباەۆ ۋنيۆەرسيتەتىندە ءبىلىمىن جالعاستىرىپ, سول ۋنيۆەرسيتەتتە مەنەدجەر ماماندىعىنان باستاپ, دەپارتامەنت باسشىلىعىنا دەيىن كوتەرىلدى. وسىنداي دۇنيەجۇزىلىك دەڭگەيدەگى بىلىمىمەن, ءبىراز تاجىريبە جيناقتاي وتىرىپ لاۋرا چاپايقىزى ءوز ۋنيۆەرسيتەتىندە جۇمىس ىستەيتىن بولادى», دەدى مينيستر ءوز سوزىندە.
جاڭا رەكتور لاۋرا قاراباسوۆانىڭ جاسى 34-تە. وسىلايشا ول رەسپۋبليكا بويىنشا ەڭ جاس رەكتور اتاندى.
