قالا قيىلىستارىندا جارىعى بار جاياۋ جۇرگىنشىلەر باعدارشامى قولدانىلادى. SWARCO ءوندىرۋشىسىنىڭ جاڭا باعدارشامى ادەتتەگى دىبىستىق فۋنكتسيانى تولىقتىراتىن بولادى. ەندى باعدارشامنىڭ قىزىل جارىعى تروتۋارعا دا تۇسەدى تيىسىنشە جاياۋ جۇرگىنشىلەردىڭ سمارتفونىنىڭ ديسپلەيىنە دە شاعىلىساتىن بولادى.
جاياۋ جۇرگىنشىلەر باعدارشامى جەردەگى جارىقتاندىرۋ فۋنكتسياسىن ورىنداپ قانا قويمايدى, سونىمەن قاتار ەكى كوزى تەلەفوندا, «باسىن سالبىراتىپ جۇرەتىن» وسكەلەڭ ۇرپاقتىڭ نازارىن اۋدارادى. وسىلايشا جاياۋ جۇرگىنشىلەردىڭ قاۋىپسىزدىگىنە ايتارلىقتاي ۇلەس قوسادى.
جاياۋ جۇرگىنشىلەر باعدارشامىنىڭ جاڭا مودەلىندە مىناداي ارتىقشىلىقتار بار: ىمىرت ۇيىرىلگەندە جانە تۇنگى ۋاقىتتا تروتۋارعا قىزىل جارىق تۇسۋىنە بايلانىستى باعدارشامنىڭ قىزىل بەلگىسى جاقسىراق كورىنەدى, سمارتفوننىڭ ديسپلەيىنە باعدارشامنىڭ قىزىل سيگنالى ءتۇسۋى ارقىلى جاياۋ جۇرگىنشىلەردىڭ قاۋىپسىزدىگى ارتادى جانە تروتۋاردىڭ شەتىندە قىزىل تۇسپەن بەلگىلەنگەن ورىنداردىڭ ارقاسىندا جاياۋ جۇرگىنشىلەردى كولىك جۇرگىزۋشىلەرى جىلدام بايقايدى.
باعدارشامنىڭ تاجىريبەلىك نۇسقاسى 9 باعدارشام وبەكتىسىنە قولدانىلدى.
بۇدان بولەك دىبىستىق جول كورسەتۋ جۇيەسى بار باعدارشامدار ورناتىلدى. بۇل جاياۋ جۇرگىنشىلەر, اسىرەسە كوزى ناشار كورەتىن جۇرت ءۇشىن ءتيىمدى. وسىلايشا, جاياۋ جۇرگىنشىلەر وتكەلىنىڭ قاۋىپسىزدىك جاعدايى ەداۋىر ارتادى.
مۇنداي باعدارشامدار قالانىڭ 7 وبەكتىسىندە ورناتىلعان.
