نيگەريا مەملەكەتىنىڭ سولتۇستىك-شىعىسىنداعى كاتوليكتەر شىركەۋىنە جاسالعان شابۋىلدان 50-گە جۋىق ادام قازا بولدى. بۇل تۋرالى يتار-تاسس حابارلادى.
جەرگىلىكتى قۇقىق قورعاۋ ورگاندارىنىڭ رەسمي وكىلى مالىمدەگەندەي, قارۋلانعان سودىرلار ۆاگا چاكاۆا اۋلىنداعى كاتوليكتەر شىركەۋىنە باسىپ كىرگەن.
پوليتسيا دەرەگى بويىنشا, لاڭكەستەر الدىمەن بىرنەشە جارىلعىش قۇرالىن ىسكە قوسىپ, ارتىنان ءدىني قاۋىمنىڭ مۇشەلەرىنە وق جاۋدىرا باستاعان. ازىرگە ەلدەگى ەشبىر تەرروريستىك ۇيىم اتالمىش وقيعاعا بايلانىستى جاۋاپكەرشىلىكتى ءوز مويىندارىنا العان جوق.
وتكەن اپتادا «بوكو حارام» ۇيىمىنىڭ ەكسترەميستەرى نيگەريانىڭ سولتۇستىگىندەگى الاۋ نگاۆو اۋلىنىڭ 18 تۇرعىنىن قىرىپ سالعان بولاتىن.
ايدار ورىسباەۆ.
دەرەككوز: Itar-tass.com
فوتو: Ap.org
