وبلىستىق توتەنشە جاعداي دەپارتامەنتى ءباسپاسوز قىزمەتىنىڭ مالىمەتىنشە, وقىس وقيعا 5 قىركۇيەكتە قۇرمانعازى اۋدانىندا بولعان. كۇندىزگى ساعات 13:28-دە قۇرمانعازى اۋدانىنداعى №7 ءورت ءسوندىرۋ بولىمىنە شارون وزەنىنە 3 جاسار قىز بەن 6 جاسار بالا باتىپ كەتكەنى تۋرالى حابار تۇسكەن.
قۇتقارۋشىلار وقيعا ورنىنا جەتكەن كەزدە بالالاردىڭ ۇلكەندەردىڭ قاراۋىنسىز سۋ ايدىنىنا كەلگەنىن انىقتادى.
«جەرگىلىكتى تۇرعىندار ساعات 13:40-تا 3 جاسار قىزدىڭ دەنەسىن سۋدان شىعاردى. ال, ساعات 16:07-دە سۋعا باتىپ كەتكەن بالانى ىزدەستىرۋگە جەدەل-قۇتقارۋ جاساعىنىڭ سۇڭگۋىرلەرىمەن بىرگە 25 پوليتسەي مەن جەرگىلىكتى 70 تۇرعىن جۇمىلدىرىلدى», دەپ حابارلادى دەپارتامەنتتىڭ ءباسپاسوز قىزمەتى.
سول كۇنى ساعات 19:23-تە 6 جاسار بالانىڭ دەنەسى تابىلدى.
