ۆەدومستۆونىڭ شىمكەنت قالاسى بويىنشا اۋماقتىق دەپارتامەنتى تۇركىستان وبلىسى اكىمدىگىنىڭ ءبىلىم باسقارماسى ادىستەمەلىك ورتالىعىنىڭ باسشىسى مەن ەكى قىزمەتكەرىنە, سونداي-اق, شىمكەنت قالاسىنىڭ سەرىكتەس-تۇرعىنىنا قاتىستى 36 ملن استام تەڭگەنى جىمقىرۋ دەرەگى بويىنشا قىلمىستىق ءىستى تەرگەپ جاتىر.
«اقشالاي قاراجات ورتا مەكتەپ وقۋشىلارى مەن كوللەدج ستۋدەنتتەرىن رەسپۋبليكالىق سپورت ءىس-شارالارىنا دايىنداۋ شەڭبەرىندە تاماقتاندىرۋعا ارنالعان ەدى.
جىمقىرۋ ءتيىستى تىزىمدەمەدە سپورتشىلاردىڭ قولدارىن قولدان جاساۋ ارقىلى جۇزەگە اسىرىلدى. ياعني, بيۋدجەتتەن قاراجات ءبولىندى, ال سپورتشىلاردى ءتيىستى دەڭگەيدە دايارلاۋ جۇرگىزىلمەگەن», دەلىنگەن حابارلامادا. سونداي-اق, تەرگەۋ بارىسىندا ايىپتالۋشىلار الدىن الا ءسوز بايلاسۋ ارقىلى ولارعا قاتىستى جۇرگىزىلىپ جاتقان تەرگەۋدىڭ وڭ شەشىمى ءۇشىن ەتد جەدەل قىزمەتكەرىنە 6 ملن تەڭگە سوماسىندا پارا بەرمەك بولعان.
«ادىستەمەلىك ورتالىقتىڭ قىزمەتكەرلەرىنە 2 جىلدان 7 جىلعا دەيىن باس بوستاندىعىنان ايىرۋ جازاسى تاعايىندالدى.
قازىرگى ۋاقىتتا قىلمىستىق ءىس شىمكەنت قالاسىنىڭ پروكۋراتۋراسىندا.
وزگە اقپارات جاريا ەتۋگە جاتپايدى», دەلىنگەن حابارلامادا.
