«اقىلى جولمەن ءجۇرۋ ءتاريفى 2013 جىلى بەكىتىلگەن. سودان بەرى بۇل تاريف وزگەرگەن جوق جانە الداعى ۋاقىتتا وزگەرمەيدى دە», دەدى بەرىك كاماليەۆ ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.
ونىڭ ايتۋىنشا, ەلىمىزدە جەڭىل اۆتوكولىكتەر ءۇشىن 1 شاقىرىمىنا 1 تەڭگەنى, اۋىر جۇك كولىكتەرى ءۇشىن 1 شاقىرىمىنا جۇك سىيىمدىلىعىنا بايلانىستى 5 تەڭگەدەن 25 تەڭگەگە دەيىنگى سومانى قۇرايدى.
ال كورشىلەس رەسەيدە جەڭىل اۆتوكولىكتەر 1 شاقىرىم ءۇشىن 7 تەڭگە جانە جۇك كولىكتەرى 7-دەن 55 تەڭگەگە دەيىن تولەيدى.
ەۋروپا ەلدەرىندەگى تاريفتەر جۇك كولىكتەرى ءۇشىن 5 ەسە, ال جەڭىل اۆتوكولىكتەر ءۇشىن 20 ەسە جوعارى.
