ايماقتار • 09 قىركۇيەك، 2021

بەكشين: ءبىر ۋاقىتتا تۇماۋ مەن كوروناۆيرۋس جۇقتىرۋ قاۋىپتى

28 رەت كورسەتىلدى

الماتى قالاسىنىڭ باس سانيتاريا دارىگەرى جانداربەك بەكشين قالا تۇرعىندارىنا ارالاس ينفەكتسيا قاۋپى تۋرالى ەسكەرتتى، دەپ حابارلايدى Egemen.kz.

«ارالاس ينفەكتسيا، ياعني تۇماۋ جانە كوروناۆيرۋس جۇقتىرۋ كەز كەلگەن ادامعا، اسىرەسە سوزىلمالى اۋرۋلارى بار 65 جاستان اسقان ادامداردىڭ ومىرىنە قاۋىپ ءتوندىرۋى مۇمكىن. سوندىقتان الدىن الا ۆاكتسينانى سالدىرىپ العان دۇرىس»، دەدى جانداربەك بەكشين.

بىراق ەكى ۆاكتسينا اراسىنداعى ارالىقتى ساقتاۋ كەرەك. ونىڭ ايتۋىنشا، ەگەر ادام كوروناۆيرۋسقا قارسى ەكپە العان بولسا، ەكى اپتا ارالىقتى ساقتاۋىڭىز كەرەك، كەيىن ەكىنشى ۆاكتسينانى الۋعا بولادى. ال ەگەر ءسىز الدىمەن تۇماۋعا قارسى ۆاكتسينانى سالدىرعان بولساڭىز، وندا 2-4 اپتادان كەيىن كوروناۆيرۋسقا قارسى ۆاكتسينانى الا الاسىز.

ەسكە سالايىق، بۇعان دەيىن جانداربەك بەكشين الماتىداعى كوروناۆيرۋسقا قاتىستى جاعدايدى سيپاتتاي وتىرىپ، بوساڭسۋعا ءالى ەرتە ەكەنىن ايتقان بولاتىن. ونىڭ ايتۋىنشا، الماتىدا وقۋ جىلىنىڭ باسىنان بەرى 89 وقۋشى كوروناۆيرۋس جۇقتىرعان.
سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار