پرەزيدەنت • 09 قىركۇيەك، 2021

مەملەكەت باسشىسى تاجىكستان پرەزيدەنتىنە جەدەلحات جولدادى

32 رەت كورسەتىلدى

قاسىم-جومارت توقاەۆ جەكە ءوزىنىڭ جانە بارشا قازاقستاندىقتاردىڭ اتىنان تاجىكستان پرەزيدەنتى ەمومالي راحموندى، سونداي-اق بۇكىل تاجىك حالقىن تاۋەلسىزدىكتىڭ 30 جىلدىعىمەن قۇتتىقتادى، دەپ جازادى Egemen.kz اقورداعا سىلتەمە جاساپ.

– باۋىرلاس تاجىكستان بۇل ايتۋلى كۇنگە حالىقارالىق ارەنادا ماڭىزدى ءرول اتقاراتىن بەدەلدى مەملەكەت رەتىندە جەتىپ وتىر. قۇرمەتتى ەمومالي ءشارىپ ۇلى، الەمدىك قاۋىمداستىق ءسىزدى مەملەكەتتىلىكتى نىعايتۋعا جانە ەل ازاماتتارىنىڭ ءال-اۋقاتىن ارتتىرۋعا ۇلەس قوسقان، ناعىز جالپىۇلتتىق كوشباسشى رەتىندە تانىدى، – دەپ جازدى قازاقستان پرەزيدەنتى.

قاسىم-جومارت توقاەۆ قازاقستاننىڭ تاجىكستانمەن عاسىرلار بويعى دوستىقتى، ءوزارا قولداۋ مەن جان-جاقتى ىنتىماقتاستىققا نەگىزدەلگەن بايلانىستاردى نىعايتۋعا باسا ءمان بەرەتىنىن اتاپ وتكەن.

– ءبىز ءوزارا كۇش جۇمىلدىرا وتىرىپ، ەلدەرىمىز اراسىنداعى كوپجاقتى ىقپالداستىقتىڭ قارقىندى دامۋىنا تىڭ سەرپىن بەرە الامىز جانە قازاق-تاجىك ستراتەگيالىق سەرىكتەستىگى مەن وداقتاستىعىنىڭ كوكجيەگىن كەڭەيتەمىز، – دەلىنگەن جەدەلحاتتا.

قاسىم-جومارت توقاەۆ ەمومالي راحموننىڭ اسا جاۋاپتى مەملەكەتتىك قىزمەتىنە تابىس تىلەپ،  باۋىرلاس تاجىكستان حالقىنىڭ  ءوسىپ-وركەندەي بەرۋىنە نيەتتەستىك ءبىلدىردى.

سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار