الەم • 09 قىركۇيەك، 2021

بايدەن COVID-19-عا قارسى جاھاندىق سامميت وتكىزەدى

57 رەت كورسەتىلدى

اقش پرەزيدەنتى اكىمشىلىگىنىڭ مالىمەتىنشە، دجو بايدەن كوروناۆيرۋستىق پاندەميامەن كۇرەسۋ جانە ۆاكتسيناتسيانىڭ جاھاندىق كۇش-جىگەرىنە ارنالعان حالىقارالىق سامميت وتكىزۋدى ۇسىندى، دەپ حابارلايدى Egemen.kz.

«سامميت بىرىككەن ۇلتتار ۇيىمى باس اسسامبلەياسىنىڭ قىركۇيەك ايىنىڭ سوڭىنا جوسپارلانعان وتىرىستارى اياسىندا وتەدى. اقش-تا ولار باسقا ەلدەرمەن الەمدەگى كوروناۆيرۋسپەن كۇرەستى بىرقاتار باعىتتار بويىنشا قالاي جاقسارتۋعا بولاتىندىعىن تالقىلايدى دەپ ۇمىتتەنەدى»، دەپ جازادى Politico.

سامميت اياسىندا تالقىلاناتىن تاقىرىپتاردىڭ ىشىندە ۆاكتسينالاردىڭ ءوندىرىسى مەن تارالۋىن جاقسارتۋ جانە مۇقتاج ەلدەرگە وتتەگىنىڭ جەتكىزىلۋىن ارتتىرۋ جولدارى، سونداي-اق COVID-19-بەن بايلانىستى زەرتتەۋلەر مەن ازىرلەمەلەر سالاسىنداعى حالىقارالىق ىنتىماقتاستىق مۇمكىندىگى بار.

«دجو بايدەن 9 قىركۇيەكتە سويلەگەن سوزىندە سامميت وتكىزۋگە شاقىرادى دەپ كۇتىلۋدە»، دەلىنگەن اقپاراتتا.

بايدەن اكىمشىلىگى كەيبىر ەلدەرگە كونفەرەنتسيا وتكىزۋدى جوسپارلاپ وتىرعانى تۋرالى حابارلادى، بىراق ءالى رەسمي شاقىرۋ جىبەرگەن جوق.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار