بۇل تۋرالى قر ۇەم ءباسپاسوز قىزمەتى مالىمدەدى.
«قاراپايىم زاتتار ەكونوميكاسى» باعدارلاماسىنىڭ جوبالارىن قارجىلاندىرۋدىڭ جالپى سوماسى 1 ترلن تەڭگە. بۇل رەتتە اگروونەركاسىپتىك كەشەندەگى (بۇدان ءارى - اوك) وڭدەۋگە 300 ملرد تەڭگە, اوك-تەگى وندىرۋگە 300 ملرد تەڭگە, وڭدەۋ ونەركاسىبى مەن كورسەتىلەتىن قىزمەتتەرگە 400 ملرد تەڭگە كوزدەلەدى.
ايتا كەتۋ كەرەك, قارجىلاندىرۋدى قر ۇلتتىق بانكى ءوز قاراجاتى جانە باسقارۋىنداعى قاراجات ەسەبىنەن ۇسىنادى. باعدارلامانىڭ وپەراتورلارى – ەكىنشى دەڭگەيدەگى بانكتەر جانە «اگرارلىق نەسيە كورپوراتسياسى» اق.
بۇدان باسقا, «بيزنەستىڭ جول كارتاسى-2025» باعدارلاماسى دا ءوز جۇمىسىن جالعاستىرادى.
ەسكە سالساق, «قاراپايىم زاتتار ەكونوميكاسى» 2019 جىلدان باستاپ جۇزەگە اسىرىلۋدا جانە ول كرەديت بويىنشا پروتسەنتتىك مولشەرلەمەنىڭ ءبىر بولىگىن سۋبسيديالاۋدى جانە كرەديتتەرگە كەپىلدىك بەرۋدى قاراستىرادى. سوڭعى قارىز الۋشى ءۇشىن مولشەرلەمە 6%-كە دەيىن تومەندەتىلدى. كرەديتتەۋ مەرزىمى 10 جىلدان اسپايدى. كرەديت سوماسىنا شەكتەۋ جوق.
«بجك-2025» باعدارلاماسىمەن 2020 جىلدان باستاپ سالالىق شەكتەۋسىز جىلدىق 6% مولشەرلەمەمەن 5 جىل مەرزىمگە كرەديت سوماسى 7 ملرد تەڭگەگە دەيىن جەڭىلدەتىلگەن كرەديت بەرىلەدى. «بجك-2025»-ءتى قولداۋدىڭ نەگىزگى قارجى قۇرالدارىنا پروتسەنتتىك مولشەرلەمەنى سۋبسيديالاۋ جانە كاسىپكەرلەردىڭ كرەديتتەرىنە كەپىلدىك بەرۋ, مەملەكەتتىك گرانتتار بەرۋ, سونداي-اق بيزنەس جوبالارىنا جەتىسپەيتىن ينجەنەرلىك ينفراقۇرىلىمدى جەتكىزۋ كىرەدى. كاسىپكەرلەردى قارجىسىز قولداۋمەن بيزنەستى جۇرگىزۋدى وقىتۋ جانە بولاشاق جانە ءىسىن جاڭا باستاعان كاسىپكەرلەردى كونسۋلتاتسيالىق سۇيەمەلدەۋ بويىنشا جوبالار كەشەنى كوزدەلگەن.
«بجك-2025» جانە «قاراپايىم زاتتار ەكونوميكاسى» باعدارلامالارىن ىسكە اسىرۋدىڭ بارلىق كەزەڭىندە شاعىن جانە ورتا كاسىپورىن سۋبەكتىلەرى 106 مىڭنان استام جاڭا جۇمىس ورنىن قۇرعان. 36 ترلن تەڭگە سوماسىنا ونىمدەر مەن قىزمەتتەر شىعارىلىپ, جالپى سوماسى 2,3 ترلن تەڭگەگە بيۋدجەتكە سالىق تولەندى.
