رەسەي فەدەراتسياسىنىڭ استاناسى ماسكەۋ قالاسىندا قازاقستاندىق اۋىلشارۋاشىلىق ونىمدەرىن وڭدەۋشىلەر جانە قايتا وڭدەۋشىلەردىڭ قاتىسۋىمەن ماسكەۋ مەن قازاقستان ايماقتارىنىڭ اراسىندا ىنتىماقتاستىقتى كەڭەيتۋ اياسىندا بيزنەس-فورۋم ءوتتى.
رەسەي فەدەراتسياسىنىڭ استاناسى ماسكەۋ قالاسىندا قازاقستاندىق اۋىلشارۋاشىلىق ونىمدەرىن وڭدەۋشىلەر جانە قايتا وڭدەۋشىلەردىڭ قاتىسۋىمەن ماسكەۋ مەن قازاقستان ايماقتارىنىڭ اراسىندا ىنتىماقتاستىقتى كەڭەيتۋ اياسىندا بيزنەس-فورۋم ءوتتى.
باسقوسۋ اياسىندا اۋىل شارۋاشىلىعى مينيسترلىگى, «قازاگرو» ۇلتتىق حولدينگى وكىلدەرى مەن كاسىپكەرلەردەن تۇراتىن ەلىمىز دەلەگاتسياسى ءوز ءونىمىن ۇسىنىپ, ماسكەۋلىك ساۋدا-ساتتىق الاڭدارىن, سونداي-اق الەۋەتتى سەرىكتەستەردىڭ ءوندىرىس بازالارىن ارالادى.
قازاقستاندىق وندىرۋشىلەر ءۇشىن رەسەي, ونىڭ ىشىندە 20 ميلليون حالقى بار ماسكەۋ پەرسپەكتيۆالى وتكىزۋ رىنوگى. وسىعان بايلانىستى فورۋمنىڭ باستى ماقساتتارىنىڭ ءبىرى – كاسىپكەرلەر اراسىندا تىكەلەي ىنتىماقتاستىقتى جولعا قويۋ جانە ولاردىڭ ىقپالداسۋى ءۇشىن وڭتايلى ەكونوميكالىق رەجىم قۇرۋ. فورۋم تەك ساۋدا-ەكونوميكالىق قاتىناستاردى كەڭەيتىپ قانا قويماي, اۋىلشارۋاشىلىق ونىمدەرىن وتكىزۋ جانە ءوندىرۋ سالاسىندا تاجىريبە الماسۋعا ىقپال ەتپەك, دەيدى شارانى ۇيىمداستىرۋشىلار.
بۇگىنگى تاڭدا ەلىمىزدىڭ اگروونەركاسىپ كەشەنى ەل ەكونوميكاسىنىڭ تۇراقتى دامىپ جاتقان سەكتورلارىنىڭ ءبىرى. سوڭعى 5 جىل ىشىندە اگروونەركاسىپ كەشەنىن مەملەكەتتىك قولداۋ كولەمى 3 ەسەگە وسكەن. بيزنەستىڭ بەلسەندى قاتىسۋىمەن ازىرلەنگەن سالاارالىق «اگروبيزنەس-2020» باعدارلاماسى شەڭبەرىندە اۋىل شارۋاشىلىعىن قولداۋ كولەمى 4,5 ەسەگە ۇلعايماق جانە 2020 جىلدارعا قاراي شامامەن 3 ترلن. تەڭگەنى قۇراماق.
وتكەن جىلى اوك جالپى ءونىم كولەمى 2,5 تريلليون تەڭگەنى قۇراسا, بۇل كورسەتكىش 2001 جىلى 535 ملرد. تەڭگە كولەمىندە بولعان. سونداي-اق, ەكسپورتتىڭ تۇراقتى ءوسۋى بايقالعان. سوڭعى 5 جىل ىشىندە 2 ەسەگە ۇلعايىپ, 2013 جىلدىڭ 10 ايىندا 425 ملن. اقش دوللارىنا جەتكەن.
«ەگەمەن-اقپارات».
