وبلىس اكىمى پاراليمپيادانىڭ كۇمىس جۇلدەگەرلەرى ءانۋار ساريەۆ, تەمىرجان داۋلەت پەن زارينا بايباتيناعا كولىك پەن 2 بولمەلى پاتەر كىلتىن, 1 ميلليون تەڭگەنىڭ سەرتيفيكاتىن تاپسىردى. پاراليمپيادا جۇلدەگەرلەرىنىڭ باپكەرى جاندوس قيانوۆقا 4 ميلليون تەڭگە بەرىلدى.
«بۇل – ەل سپورتى ءۇشىن تاريحي جەتىستىك, قاجىرلى ەڭبەك پەن نامىستىڭ, ءورشىل رۋحتىڭ جەمىسى. ەڭ باستىسى, اتىراۋ سپورتشىلارىنىڭ ەل تاۋەلسىزدىگىنىڭ 30 جىلدىعىنا ايرىقشا تارتۋى. سىزدەر مىڭداعان جاستارعا رۋح سىيلاپ, قايسارلىقتىڭ ءمانىن ۇعىندىردىڭىزدار», دەدى وبلىس اكىمى ماحامبەت دوسمۇحامبەتوۆ.
سونداي-اق, پاراليمپيادا ويىندارىنىڭ قاتىسۋشىلارى امانجول جانبوتا, عالىمجان سماعۇل ۇلى, ەرلان وتەپوۆ, نۇرلان دومباەۆ, ەرجان سالىمگەرەەۆ پەن ولاردىڭ جاتتىقتىرۋشىلارىنا قۇرمەت كورسەتىلدى.
