الەم • 08 قىركۇيەك، 2021

11 قىركۇيەكتەگى لاڭكەستىكتىڭ ەكى قۇربانى 20 جىلدان كەيىن انىقتالدى

2001 جىلدىڭ 11 قىركۇيەگىندە ورىن العان نيۋ-يوركتەگى شابۋىلدا قازا تاپقان تاعى ەكى قۇرباننىڭ سۇيەگى 20 جىل وتكەن سوڭ تابىلدى، دەپ حابارلايدى Egemen.kz Daily Mail-گە سىلتەمە جاساپ.

بوتاكوز باقبەرگەن

مەديتسينالىق ساراپشىلار نيۋ-يوركتەگى حەمپستەد قالاسىنان دوروتي مورگاننىڭ قالدىقتارىن انىقتادى. ول 2 753 ادامنىڭ ءومىرىن قيعان اپاتتان كەيىن قالپىنا كەلتىرىلگەن بەلگىسىز قالدىقتاردىڭ دنق-سىن ۇنەمى تەكسەرىلىپ وتىرعان 1646-شى قۇربان بولدى،

1647-ءشى قۇربان اتانعان ەكىنشى ادامنىڭ اتى تۋىستارىنىڭ ءوتىنىشى بويىنشا جاريالانباعان. ونىڭ جەكە باسىن 2001، 2002 جانە 2006 جىلدارى تابىلعان قالدىقتار راستادى.

«20 جىل بۇرىن ءبىز دۇنيەجۇزىلىك ساۋدا ورتالىعىندا قايتىس بولعانداردىڭ وتباسىلارىنا ولاردىڭ تۋىستارىنىڭ قالدىقتارىن انىقتاۋ ءۇشىن قولدان كەلگەننىڭ ءبارىن جاسايمىز دەپ ۋادە بەردىك. ءبىز قاسيەتتى پارىزىمىزدى ورىنداۋدى جالعاستىرۋدامىز. 2001 جىلدىڭ 11 قىركۇيەگىنەن باستاپ قانشا ۋاقىت وتسە دە بارلىق جوعالعان ادامدار وتباسىلارىمەن قايتا قاۋىشۋى مۇمكىن ەكەنىنە كوز جەتكىزۋ ءۇشىن قولىمىزداعى بارلىق قۇرالداردى قولدانۋعا مىندەتتىمىز»، دەدى نيۋ-يورك قالاسىنىڭ باس سوت ساراپشىسى دوكتور باربارا ا.سەمپسون.

نيۋ-يوركتىڭ باس مەديتسينالىق ساراپشىسى كەڭسەسىنىڭ مالىمەتىنشە، دۇنيەجۇزىلىك ساۋدا ورتالىعىنىڭ شابۋىل قۇرباندارىن انىقتاۋعا باعىتتالعان كوپ جىلدىق كۇش-جىگەر اقش تاريحىنداعى ەڭ ۇلكەن جانە ەڭ كۇردەلى سوت تەرگەۋى بولىپ سانالادى.

11 قىركۇيەكتەگى دۇنيەجۇزىلىك ساۋدا ورتالىعىنا شابۋىلدىڭ قۇرباندارى 2 753 ادام بولدى، وسى شابۋىلداردان زارداپ شەككەندەردىڭ سانى 1 647 ادامدى قۇرايدى، قايتىس بولعانداردىڭ شامامەن 40 پايىزى نەمەسە 1 106 ادام ءالى انىقتالعان جوق.

ەسكە سالا كەتسەك، 2001 جىلدىڭ 11 قىركۇيەگىندە 19 تەرروريستتەن تۇراتىن توپ اقش-تا ءتورت جولاۋشىلار ۇشاعىن باسىپ الدى، ولاردىڭ ەكەۋى كەيىننەن نيۋ-يوركتەگى دۇنيەجۇزىلىك ساۋدا ورتالىعىنىڭ بيىك مۇنارالارىنا قۇلادى. تاعى بىرەۋى امەريكا استاناسىنىڭ جانىنداعى پەنتاگون عيماراتىن قاعىپ كەتتى، ال ءتورتىنشىسى جولاۋشىلار مەن ەكيپاج تەرروريستەردى بەيتاراپتاندىرۋعا تىرىسقاننان كەيىن پەنسيلۆانياداعى شانكسۆيلل قالاسىنىڭ جانىندا قۇلادى.

تەرروريستىك شابۋىلدار ءۇشىن جاۋاپكەرشىلىكتى قازاقستاندا تىيىم سالىنعان «ال-كايدا» تەرروريستىك ۇيىمى ءوز موينىنا الدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز