اتالمىش باسقارمانىڭ ءباسپاسوز قىزمەتىنىڭ مالىمەتىنشە, ۆەدومستۆونىڭ جاڭا باسشىسىن ۇجىمعا وبلىس اكىمىنىڭ ورىنباسارى مالگاجدار تاتكەەۆ تانىستىردى, ول ونىڭ مەملەكەتتىك باسقارۋ سالاسىنداعى ۇلكەن كاسىبي تاجىريبەسىن اتاپ ءوتتى.
«قازىرگى ۋاقىتتا باسقارما الدىندا جىلىتۋ ماۋسىمىنا دايىندىقتى ۋاقتىلى اياقتاۋ جانە ەلوردا ماڭىنداعى وڭىرلەردىڭ تۇرعىندارىن گازداندىرۋدى قامتاماسىز ەتۋ, سونىمەن قاتار ەنەرگەتيكا جانە تۇرعىن ءۇي-كوممۋنالدىق شارۋاشىلىعى سالاسىنداعى باسقا دا ماڭىزدى جوبالاردى جۇزەگە اسىرۋ ماسەلەسى تۇر», دەپ اتاپ ءوتتى م.تاتكەەۆ.
دانيار قۋانىشباەۆ 1985 جىلى 15 قاڭتاردا بۇرىنعى كوكشەتاۋ وبلىسى رۋزاەۆ اۋدانى گاۆريلوۆكا اۋىلىندا دۇنيەگە كەلگەن. جوعارى ەكونوميكالىق ءبىلىمى بار.
2006 جىلى اباي مىرزاحمەتوۆ اتىنداعى ۋنيۆەرسيتەتتى, كەيىن ش.ءۋاليحانوۆ اتىنداعى كمۋ-ءدى «قۇرىلىس» ماماندىعى بويىنشا ءتامامداپ, تەحنيكا جانە تەحنولوگيالار باكالاۆرى دارەجەسىن الدى.
ەڭبەك جولىن اقمولا وبلىسى ەكونوميكا جانە بيۋدجەتتىك جوسپارلاۋ دەپارتامەنتىنىڭ جەتەكشى مامانى بولىپ باستاعان.
2008 جىلى باس مامان بولىپ اۋىستىرىلدى, ال 2011 جىلى ناقتى سەكتوردى دامىتۋ ءبولىمىنىڭ باستىعى بولىپ تاعايىندالدى.
2013 جىلدىڭ جەلتوقسان ايىنان باستاپ اقمولا وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ ەكونوميكا جانە بۋحگالتەرلىك ەسەپ ءبولىمىنىڭ باسشىسى بولدى.
2015 جىلدىڭ ءساۋىر ايىنان باستاپ 2018 جىلعا دەيىن وسى باسقارما باسشىسىنىڭ ورىنباسارى قىزمەتىن اتقاردى.
2018 جىلعى 23 شىلدەدەن باستاپ اقمولا وبلىسىنىڭ ەكونوميكا جانە بيۋدجەتتىك جوسپارلاۋ باسقارماسى باسشىسىنىڭ ورىنباسارى بولدى.
