مەملەكەت باسشىسى قاسىم-جومارت توقاەۆ ۇلتتىق قوعامدىق سەنىم كەڭەسىنىڭ IV وتىرىسى بارىسىندا مەكتەپ وقۋشىلارى اراسىندا وقۋ ساۋاتتىلىعى دەڭگەيىن ارتتىرۋ قاجەتتىگىن اتاپ وتكەن. ول جەردە مەكتەپتەر مەن كىتاپحانالارعا ەرەكشە ءرول بەرىلۋى دە اتالدى. سونىمەن قاتار, اۋىلدىق جەرلەردەگى مەكتەپتەردىڭ كىتاپ قورلارىنىڭ قولجەتىمدىلىگى مەن ساپاسىنىڭ دەڭگەيى قالالىق جانە رەسپۋبليكالىق مەكتەپتەردەن ايتارلىقتاي ەرەكشەلەنەتىنى دە ءسوز بولعان.
وسىعان بايلانىستى, قر اقپارات جانە قوعامدىق دامۋ ءمينيسترى ايدا بالاەۆانىڭ باستاماسىمەن قازاقستانداعى وتباسى كۇنىنە ارنالعان «اۋىلىما كىتاپ» رەسپۋبليكالىق قايىرىمدىلىق اكتسياسى باستالعان بولاتىن. وسى اكتسيا شەڭبەرىندە وقۋ مادەنيەتىن ىلگەرىلەتۋ ماقساتىندا تانىمدىق ادەبيەتتەر مەن بالالارعا ارنالعان وقۋلىقتار كىتاپ قورى جەتكىلىكسىز اۋىل مەكتەپتەرى مەن كىتاپحانالارىنا تابىستالىپ كەلەدى.
بۇگىن تسەلينوگراد اۋدانىنىڭ ورتالىق اۋداندىق كىتاپحاناسىنا «رۋحاني جاڭعىرۋ» باعدارلاماسى شەڭبەرىندە شىعارىلعان جانە دە مينيستر ايدا عالىمقىزىنىڭ جەكە كىتاپحاناسىنان, سونداي-اق «Dauletten قورى» قايىرىمدىلىق قورى ۇسىنعان كىتاپتار مەن وقۋلىقتار تابىستالدى. اتالمىش ءىس-شارانى اقمولا وبلىسى تسەلينوگراد اۋدانىنىڭ اكىمى وسپانبەكوۆ باحىدبەك امانتاي ۇلى دا قولداپ, ءوز تاراپىنان اۋىلدىق ءبىلىم جاعدايىنا جاسالىپ جاتقان كومەك ءۇشىن جىلى لەبىزىن ءبىلدىردى.
ء«بىز «رۋحاني جاڭعىرۋ» قازاقستاندىق قوعامدىق دامۋ ينستيتۋتىنان ەكى جۇزدەن استام كىتاپ الدىق. وتە قىزىقتى, بالالار ادەبيەتى كوپ. ولار اۋدانىمىزدىڭ 15 اۋىلدىق كىتاپحاناسىنا جەتكىزىلەتىن بولادى. وسىنداي اكتسيا ءۇشىن جانە اۋىلدىق كىتاپحانالارعا كوڭىل بولگەنىڭىز ءۇشىن العىس ايتقىم كەلەدى», دەدى تسەلينوگراد اۋدانىنىڭ مادەنيەت جانە تىلدەردى دامىتۋ ءبولىمىنىڭ ورتالىقتاندىرىلعان كىتاپحانا جۇيەسىنىڭ ديرەكتورى ۆالەنتينا باتراكوۆا.
ءوز كەزەگىندە, «رۋحاني جاڭعىرۋ» قازاقستاندىق قوعامدىق دامۋ ينستيتۋتىنىڭ باسقارما توراعاسى اسىلبەك ەسەنباەۆ بارلىق نيەت بىلدىرۋشىلەردى قايىرىمدىلىق اكتسياسىنا قوسىلۋعا جانە ەلىمىزدىڭ اۋىل مەكتەپتەرىنىڭ كىتاپحانالارى مەن كىتاپ قورىن تولىقتىرۋعا شاقىردى. سونىمەن قاتار, ول كىتاپحانالار تارتىلىس ورتالىعىنا اينالۋى ءتيىس ەكەنىن دە اتاپ ءوتتى.
«كەيدە قوعامدا كىتاپحانالار وتكەننىڭ رۋديمەنتى, قالدىعى دەگەن تۇسىنىك ايتىلادى. بالالار مەن جاسوسپىرىمدەردىڭ نازارىن اۋدارۋ ءۇشىن كىتاپحانالار, ەڭ الدىمەن, كىتاپ الىپ قانا قويماي, سويلەسۋگە, تانىسۋعا بولاتىن قوعامدىق ورتالىقتار بولۋى كەرەك. مۇنداي تاسىلدەردى دامىتۋ قاجەت», دەپ اتاپ ءوتتى اسىلبەك ەسەنباەۆ.
